قصه كامله بقلم ايه محمد
انت في الصفحة 8 من 8 صفحات
ومليكة!
_ أنا حياتي كلها هتكون ليكي أنتي ومليكة بس في حاجه...
سألته بتعجب
_ اي هي
_ نور...
قالت بهدوء
_ في حاجه في الدنيا دي اسمها النصيب يا عاصم هو نفسه اللي جمعنا أنا وأنت سوا ويمكن يكون ل نور قصة أغرب مننا.. مين عارف لو عليا أنا فأنا اختارتك أنت يا عاصم علشان لما أنت ضعت حسيت قد اي أنا ضعت معاك برغم بعدك عني إلا اني كنت حاسه ولأول مرة بالأمان بحسك في ضهري دايما برغم انك في بيت وأنا في بيت اللي جمع بيني وبينك مكانش الحب قد ما كان الأمان من أول يوم...
قال بخبث
_ أنا أساسا كنت موجود كل يوم محمود كنت بكلم محمود كل يوم بعد ما أكلمك و يبعتلي صورة ليكي كان بيبقي شكلك مضحك أوي وأنتي قاعدة علي الكرسي وبطنك قدامك متر وفي الأخر البت مش جاية قد كف ايدي حتي...
_ بيبعتلك صورتي!!
اراح ظهره علي الفراش بجوارها و رفع يده يحيط كتفها و هو يخرج هاتفه لتظهر صورها متتاليه خلف بعضها
_ أنا ومليكة مرة اتخانقنا بسبب الصور دي..
سألته بحيرة
_ امتي ليه!! كانت فاكراك مهتم بيا!!
_ كان بتعاتبني اني مبباتش عندك في الشقة واني بشوفك كل اسبوع مرة واحده بس عند الدكتورة كانت شايفاني زوج ظالم وكان عندها حق..
_ كانت حكيمة..
نظر لها
بضيق وسألها بسخرية
_ أنا ظالم!!
_تؤ أنت معندكش نظر مش ملاحظ اني لسه خارجه من ولادة و واخد نص السرير لوحدك لا وقافش في البت وانا ملحقتش حتي أشوفها..
_ ابقي اولدهم أنت بقي.. ما أنت مكنتش موجود وانا بطلع في الروح جوا...
_ بس يا قليلة الأدب احترميني قدام البنت وبعدين آه 7 عيال علشان يكونوا عزوة لبعض الخير كتير والحمد لله هاتيهم بس و انا هتجوز كمان واحده تساعدك تربيهم...
صاحت به غاضبه
_ لا يا حبيبي أنا قلبي مش أبيض زي مليكة الله يرحمها أنا قلبي اسود و اللي هتقرب من جوزي هخلص عليها..
ارتفعت ضحكاته وهو يضمها له بحنان يطبع قبله علي رأسها ثم قبل صغيرته بين يديه و قد شعر بأنه استعاد حياته للتو أما هي فقد اخذت كل ما كانت تتمني.. الآمان بين يديه..
تمت..
