روايه شيطان العشق بقلم اسماء الاباصيري
انا اسف اسف
آيات اهدى يا آسر فى ايه مالك ادخل ادخل تعالى
سحبته خلفها داخل المنزل فى حين كانت عيناه معلقتان بها بندم و خوف حتى انه لم يلحظ تواجد سهام والتى كانت تطالعه بريبة و تعجب
آيات وبعد ان جلسا قولى بقى مالك فى ايه
توتر لحظات اثر سؤالها فماذا يقول بعثت برجالى لقټلك دون علمى من انت فكر سريعا ليجد اقرب اجابة اليه وان كامت غير مقنعة
آيات بعدم اقتناع يعني كل القلق ده عشان كده ونازل فى الساعة دي جى تتطمن عليا بسبب ده متأكد ان مفيش حاجة فعلا
اومأ لها بإبتسامة قبل ان يلاحظ وجود سهام معهم ليتنحنح بحرج فتقوم آيات بمهمة تعريفهم ليتلو ذلك اعتذاره على ازعاجهم و مغادرته بعدها فتبقى الفتاتان معا وحدهم مرة اخرى
آيات نفسي فى مرة تشوفي واحد و متقوليش عليه مز
سهام ذنبي ايه يعنى انهم كلهم مزز بس مقولتليش مين ده بجد و بتاع ايه انه يجيلك فى الوقت ده و تدخليه بيتك عادي كده
سهام بس ده واضح انه جاي و عارف ان حصل معاكي حاجة فعلا
آيات و هيعرف منين يعنى ده انا حتى محكيتلهوش اللي حصل فى روما
سهام بتأكيد معرفش بس سي آسر بتاعك ده وراه حاجة و بكرة تقولى سهام قالت
خليكم حلوين بقى
من الحادي عشر الي الخامس عشر
آيات بدهشة أسيب شغلي
آسر و ايه المانع طالما فى شغل تاني مستنيكي و تقدري تختاريه كمان سواء سكرتيرة او غيره !!!
آيات بتساؤل طب و ليه ده كله ما
انا شغالة و مستقرة فى شغلي
آسر بتبرير بس قولتى ان مديرك مطلع عينك و مش مرتاحة وبعدين بصراحة بقى انا مش شايف انه طبيعي كونك تشتغلى عند حد غريب وانا موجود
آسر وسايط ايه انا عارف كويس جدا اني مش هلاقى حد كفؤ زيك ده هيبقى مكسب ليا و لشركتي لو وافقتي تشتغلي معايا
اضطربت آيات بعد مدحه لعملها و جديتها فبتلك الطريقة يضعها بموقف لا تحسد عليه حاولت ايجاد حجة ما لرفض عرضه بلطف لكن لما الرفض و هى على وشك ترك عملها بالفعل
آسر بإندفاع و نفاذ صبر مسيرك يا آيات تتعودي على محيط شغلك الجديد و بصراحة بقى انا مستحيل اسمحلك تكملى فى شركة العمري لحظة واحدة بعد كده
زوت ما بين حاجبيها بتعجب
آيات بريبة بس انا مقولتلكش انا شغالة فين عرفت منين اني شغالة فى شركة العمري و ايه المشكلة انى افضل اشتغل فيها
آسر بتوتر عرفت و خلاص ثم استعاد بعضا من ثقته الواهية مش موضوعنا عرفت منين المهم اني مش شايف اي داعي انك تشتغلي فى شركة حد غريب و شركتى موجودة
طالعته بشك ادركت تهربه من الاجابة لتزيد حيرتها من طلبه تركها للعمل لكن ما لبثت ان اجابته بعد تفكير
آيات بهدوء خلاص من غير ما تتعصب كده سيبني فترة افكر و كمان اقول للشغالة معاهم عشان يعملو حسابهم لو نويت اسيب شغلى الحالي ده لو نويت هااااا اتفقنا
آسر بإبتسامة واسعة اتفقنا
سهام احب اقولك و بكل بصراحة انك بتستهبلي
آيات بدهشة وطي صوتك مستر طائف جوة وبعدين انتي ايه اللي جابك مكتبي مش وراكي شغل و لا ايه
سهام و هو بعد اللي قولتيه ده هعرف اشتغل آيات انتي بتستهبلي
حدجتها آيات بنظرة جعلت الاخري تهتف فى سخط
سهام ايه ضايقتك بتستهبلي دي خلاص يا ستي متزعليش بتستعبطي ها عجبتك
تجاهلتها آيات مستمرة بترتيب بعض الاوراق على مكتبها
سهام بصړاخ آياااااااات
هبت من مقعدها تضع يدها على فم تلك المچنونة تمنعها من الصړاخ
آيات بس بس يخربيتك قولتك مستر طائف جوة
ابعدت الاخرى يدها لتهتف بغيظ
سهام سيبك دلوقتي من مستر زفت ده و قوليلي جتلك فرصة من دهب شغل جاهز و مع حد ضامنة انه مش هيجي فى لحظة ويقولك مع السلامة استغنينا عن خدماتك انا مش فهماكي انتي فى امس الحاجة للشغل ده يا بنتى ده انتي من يومين بس كنتي مصدعاني انهم هيخدو منك الشقة و انك مش هتلاقي مكان تعيشي فيه يبقى ازاى ترفضي فرصة زي دي
آيات يا سلام مش انتي اللي قولتي ان آسر وراه حاجة
سهان بتهكم و انتي اسم الله عليكي لما صدقتى قولتلك كلمتين و قولتي آمين مش ده اللي قعدتي ليلتين كاملين تشرحيلي اد ايه انه لطيف و ظريف و بېخاف عليكي و على مصلحتك حصل و لا محصلش
آيات بإستسلام حصل
سهام يبقى كان عندي حق لما قولت انك بتستهبلي
آيات معرفش بقى بس اهو اللي حصل لما عرض عليا اني اشتغل معاه معرفش ليه حسيت ان فيه حاجة غلط
سهام ايه الغلط فى انه يحب انك تشتغلي معاه بدل ما تشتغلي مع حد غريب كلام مقنع
آيات لا انا مش شايفة ان الغلط فى اني اشتغل معاه
سهام أمال ايه
لم تحصل على رد من صديقتها لتكمل
سهام مستنتجة قولتيييييلي الغلط مش فى انك هتشتغلي مع آسر لكن الغلط اللي بجد انك هتسيبي شغلك مع طائف
التقطت سهام حركة صديقتها و التي ترفع كتفاها للاعلى و للاسفل دليلا على قلة حيلتها
سهام بدهشة يخربيتك يا آيات ده الموضوع مش اعجاب بقى انتي انتي بتحبيه
تنهيدة عميقة صدرت من آيات أكدت تماما على صحة حديث صديقتها
همت سهام بالحديث ليقاطعها دخول مازن فتعتدل بوقفتها لتهتف
سهام بتوتر مستر مازن حضرتك وصلت امتى
مازن بحدة موجها نظراته اتجاه آيات من نص ساعة و لو حضرتك يا آنسة على
مكتبك مكنتيش هتضطري تسألي سؤال زي ده
سهام بإحراج آسفة يا فندم حالا هكون هناك
ثم خرجت سريعا متجهة الى مكتبها فى حين توجه مازن بحديثه نحو آيات
مازن بفظاظة انتي لسة عندك بتعملي ايه
آيات بدهشة أفندم حضرتك تقصد ايه
مازن بتأفف طائف جوة
آيات اه يا افندم فى انتظارك
لم تكمل جملتها الا و كان قد دخل بالفعل لغرفة رئيسها لتهتف
آيات بحيرة و ده ماله ده كمان
اما بالداخل فكان الاخر
يستلقي بتعب على اريكة موجودة بأحد اركان غرفته سترته ملقاه بإهمال على احدى المقاعد فى حين كان هو بعالم آخر حتى انه لم يلحظ دخول صديقه
مازن ممكن افهم آيات لسة هنا ليه
انتفض جسد طائف كرد فعل من مفاجأة وجود شخص ما معه بالغرفة ليعتدل بجلسته
طائف بجمود مش شغلك
مازن افندم
طائف بحدة ايه مبتسمعش قولت مش شغلك
استشعر مازن سوء مزاج صديقه لتتغير نبرته من عتاب الى اهتمام
مازن مالك بس حصل ايه
مسح وجهه بكفيه بنفاذ صبر قبل ان يتحرك من مكانه نحو مقعده خلف المكتب يجلس عليه بهدوء و ثبات ليردف
طائف وصلت بوسطة النهاردة
جلس مازن على احدى المقاعد ليجيب بدهشة
مازن بوسطة و ايه الجديد ما هى بتوصل كل يوم
طائف بملل من ايطاليا يا مازن بوسطة من ايطاليا
اسود وجه الاخر للحظات قبل ان يجيب بإقتضاب
مازن و المطلوب
القى طائف مظروف ما بوجه صديقه ليتناوله الاخر بقلق ثم هم بقراءة فحواه لتتسمر عيناه على حروف المكتوب لحظات حتى استيقظ من صډمته تلك ليهتف بصديقه
مازن ليه
تحرك من مقعده پعنف يدور بغرفته كوحش مثار
طائف بشراسة عايزين ينضفو ورا اللى عمله الباشا عايزين الموضوع يتمحي تماما و كإنه محصلش
مازن پعنف و انت هتنفذ
توقف بمكانه ليلتفت نحو صديقه
طائف لو انا منفذتش في بدل الواحد ألف يقدر ينفذ
مازن و الحل
تنفس بعمق يشد بيده على شعره بتوتر ليجيب پضياع و عڈاب
طائف مش عارف مش عارف
آسر مفيش اخبار من ايطاليا
مؤنس لحد دلوقتي لسة موصلناش حاجة بس مظنش انهم عرفوا باللى حصل
آسر بسخرية معرفوش باللي حصل و في ايطاليا مستحيل
مؤنس تفتكر هيعملو ايه يا باشا
آسر بإنزعاج انت هتحكي معايا روح شوف الراجل بتاعك اللي زارعه فى شركة العمري وصل لأيه و بلغني
مؤنس متجها للخارج حمامة يا باشا
آسر بإهتمام استنى هنا
مؤنس امرك
آسر بقلق زود الحراسة على بيت آيات و عليها هي شخصيا و عاوز تقرير يومي لكل تحركاتها كلمت مين خرجت مع مين راحت فين كل حاجة توصلي خليهم يفتحو عينهم كويس اليومين دول
مؤنس اعتبرة تم يا باشا
مازن بمكر طائف بصراحة انا مش فاهم انت ايه اللي مانعك من التنفيذ مش طائف العمري اللي يتردد فى حاجة زي دي
طائف بدهشة انت سامع نفسك بتقول ايه دول عايزين يصفوها عايزني اخلص عليها
مازن و ده المطلوب زيها زي اي حد شاف حاجة المفروض مكنش يشوفها
طائف مش ذنبها انا اللى اخدتها معايا دي غلطتي انا
مازن غلطتك ولا غلطتها هى عرفت اكتر من اللي المفروض تعرفه يعني خلاص مينفعش ت
طائف مقاطعا معرفتش هى معرفتش حاجة يبقى مفيش داعى انها ټموت
مازن بس انت قولت انها شكت فى كونك متورط فى حاجة
طائف شكت مش اتأكدت
مازن و احنا هنستنى لما توصل للحقيقة
طائف انت انت ازاى بتفكر كده مش دي آيات اللى كنت عايز تبعدها عن اي خطړ دلوقتى موافق انها ټموت
مازن ايه مشكلتك مش فاهم بقى طائف العمري اللى بيتقال انه شيطان الماڤيا يتردد بخصوص قتل حتة موظفة عنده عرفت زيادة عن اللى المفروض تعرفه جرالك ايه
طائف مش ھتموت يا مازن آيات مش ھتموت على چثتي لو ده حصل
طرق على الباب قطع حديثهم هذا ليسمح طائف للطارق بالدخول
طائف بتوتر خير يا آيات فى ايه
آيات بقلق مفيش يا افندم انا جيت ابلغ حضرتك اني خلصت شغلي و مروحة محتاج حاجة تانية مني
طائف لا تقدري تمشي انتي مع السلامة
بقيت بمكانها للحظات لتجد مازن يهتف
مازن خير يا آيات فى حاجة تانية
آيات لا بس يعني
طائف فى ايه يا آيات
آيات بتوتر حضرتك مش هتروح اقصد
