قصه كامله بقلم عبير سليم

والنشاط وعلاقتها تتوطد بكل من يعمل بالمكتب
شريف صباح الفل ياحياة
حياة صباح النور يا استاذ شريف
شريف  حياة كنت عاوز اتكلم معاكي في موضوع
حياة اتفضل يااستاذ شريف
شريف  مش حينفع الكلام هنا ممكن بعد الشغل نقعد فى اى مكان ونتكلم
حياة اسفه يااستاذ شريف انا مبقعدش مع حد لو فى حاجه اتفضل قول
اسر يفتح الباب ليجد شريف يتحدث الى حياة
اسر خير ياجماعه فى حاجه
شريف  مفيش يااسر انا كنت
اسر كنت ايه هو انت مش شغلك مع فرح
شريف  فى ايه يااسر هو احنا مش زملا وبعدين انا بتكلم معاها فى موضوع خاص

حياة  موضوع خاص ايه يا استاذ شريف انا مفيش بينى وبين حضرتك مواضيع خاصه
اسر  الله الله هو ايه الموضوع بالظبط ومن امتى المكتب مكان للمواضيع الخاصة
حياة  والله يااستاذ اسر انا مش فاهمه حاجه ومش عارفه هو بيتكلم عن ايه
شريف  فى ايه يااسر مالك هو ايه اللى حصل يعنى
انت عامل فيلم ليه
اسر  فيلم جرى ايه يااستاذ شريف ماتعرف انت بتتكلم ازاى
شريف  تمام يااسر انا بقى بحب حياة  وعاوز اتجوزها فى عندك اى اعتراض
وقع الخبر على اسر وقع الصاعقه
احس وكأن الدنيا دارت به
لما لما حياة الوحيده من دق لها قلبه كل من يتعامل معها يتعلق قلبه بها
يشعر اسر بالدوار يصيبه بينما كانت حياة مصدومه مماتسمع
حياة  ايه الكلام اللى حضرتك اللى بتقوله ده
جواز ايه حضرتك
مين عاوز يتجوز مين
شريف  انا عاوز اتجوزك ياحياة
بحبك وعاوز اتجوزك
كان اسر لاينطق بحرف لم يصدر منه اى رد فعل بل تركهم ودخل مكتبه
ووضع راسه بين يديه
واخذ يحدث نفسه  ليه ليه خلاص ياجنى مش مكتوب علية الفرح من بعدك
بينما كانت حياة هى  الاخر مصدومه مما تحدث به شريف
ايه اللى انت قلته ده
شريف  فى ايه هو انا قلت حاجه غلط انا بحبك وعاوز اتجوزك
جاءت فى هذه اللحظه فرح دخلت على هذه الكلمه
بحبك وعاوز اتجوزك
صډمه نزلت على فرح مما سمعته
نظرت حياة لها وهى تريد الدفاع عن نفسها امامها وانها ليس لها علم بهذا الكلام
بينما كان شريف يتكلم بمنتهى الثقه حتى انه عندما لاحظ وجود فرح وانها استمعت لهذا الكلام
لم يتاثر بل على العكس فقد اراد ان تحضر فرح هذا الموقف لتعرف انها ليست لديها قيمه عنده
جرت فرح على مكتبها تبكى بشده على حالها وعلى قلبها الذى اهين بما فيه الكفايه
بينما كانت حياة لاتدرى ماذا تفعل
ولكنها توجهت بالحديث لشريف الذى يتكلم بكل ثقه
اسفه لحضرتك طلبك مرفوض
شريف  طلب ايه اللى مرفوض انتى واعية للى انتى بتقوليه
حياة  واعيه اوى حضرتك طلبت طلب  وافتكر ان من حقى اوافق او ارفض
شريف  حياة انا مش حعتبر ان ده  رد نهائى انا حسيبلك وقت تفكرى فيه
ويتركها ويمشي
بينما جرت حياة على مكتب فرح لتجدها واضعه راسها على المكتب وتبكى
حياة فرح
ترفع فرح راسها وتمسح دموعها بايديها
تعالى ياحياة
حياة  فرح والله العظيم انا
فرح  من غير ماتحلفى ياحياة انا مصدقاكى
حياة  وحياة ربنا انا اتفاجئت بالكلام اللى سمعته منه وعمرى ماتخيلت حاجه زى دى
فرح  حياة والله انا مصدقاكى وعارفه انك ملكيش ذنب
انا بس اللى اتفاجئت مع انى كنت عارفه ان ده حيحصل فى يوم من الايام
بس كان عندى شوية امل انه ممكن يحس بية ويبادلنى مشاعرى
حياة  فرح انتى بتحبيه اوى كده
فرح  حب محكوم عليه بالاعډام
مش عارفه ازاى قلبي حبه وهو عمره ماحس بية
على فكرة ياحياة انا مبلومش على شريف والله مابلوم عليه هو ملوش ذنب
انا اللى اتنيلت حبيبته ڠصب عنى معرفش اشمعنى هو اللى حبيته واتمناه قلبي من بين كل الناس
حياة  فرح انتى لازم تفوقى من الحب ده الحب اللى من طرف واحد ده مهانه ومذله
ملعۏن ابو الحب اللى يذل صاحبه
ولو مكنش الراجل اللى بتحبيه يبادلك المشاعر ويكون
بيحبك اكتر مانتى بتحبيه ويحتويكى ويكون امانك وسندك يبقى ملوش لازمه وتدوسي على قلبك بالجذمه واوعى
تخللى قلبك اسير لحد ولاتذلى نفسك او مشاعرك لحد
واللى ميقدرش حبك اوعى تسمحى لقلبك حتى انه يفكر فيه
فرح ايه الكلام ده ياحياة
ماكنتش اعرف ان قلبك جامد كده
حياة  انا عمرى ماكان قلبي اسي ولاجامد يافرح بالعكس انا أضعف مماتتخيلى بس انا اتكويت پالنار دى قبل كده عشان كده مش عاوزة اشوفك فى نفس الموقف اللى انا اتحطيت فيه
فرح  حياة لو عاوزة توافقى عليه وافقى ياحياة وملكيش دعوة بية
انا محتاجه قلم زى ده عشان افوق
حياة  لا يافرح انا مش موافقه على شريف
وانا قلتله انى رافضه
فرح  بسببي
حياة  انا مستقبلي دلوقتى اهم من اى حاجه فى الدنيا
فرح انا مضطرة امشي دلوقتى عشان عندى مشوار عائلى
وتقبلها وتمسح لها دموعها
متعيطيش يافرح ياعبيطه ده انتى زى القمر ويتمناكى سيد الناس
والنبي انا ماعارفه انتى بتحبي فيه ايه ده ډم امه يلطش
فرح ههههههه
حياة  ايوة كدة اضحكى ياجميل
ياللا انا حروح استئذن من استاذ اسر
تدق الباب بينما كان يراجع بعض الاوراق وهو عقله فى ناحيه اخرى
حياة استاذ اسر
يرد عليها دون ان يرفع راسه  نعم
حياة  كنت عاوزة استئذن حضرتك عندى مشوار مهم
اسر  ايه رايحين تشتروا الدبل
حياة دبل ايه يااستاذ اسر
اسر  ايه مش انتى وشريف اتفقتوا خلاص واللا لسه فى حاجه بس متبقوش تنسوا تعزمونا على الخطوبه
حياة  احضرتك بتقول ايه نا رافضه الموضوع اصلا
اسر ايه رافضه
حياة  ايوة رافضه وانا بلغته وقلتله لاء
شريف يعنى انتم مكنتوش متفقين
حياة متفقين على ايه
انا اصلا مبقبلهوش ودمه تقيل على قلبي
وانا اتفاجئت زى حضرتك بالظبط بطلبه
اسر  طب وشريف رد فعله ايه
حياة بيقوللى حديكى فرصه تفكرى
اسر وانتى حتفكرى فعلا  فى عرضه
حياة  عرض ايه اللى افكر فيه ده انسان معندوش ډم اصلا يعنى هل هو كان متخيل انى ممكن اوافق عليه
وانا عارفه ان زميلتى متنيله على عينها وبتحبه
حياة  بس بصراحه بقى يااستاذ اسر انا زعلانه من حضرتك
اسر عشان شخطت فيكى مش كده حقك علية متزعليش
تبتسم حياة فى وجهه ابتسامتها التى يعشقها
اسر  امال انتى عاوزة تمشي ليه
حياة  مشوار خاص بية
اسر طب اتفضلي
تخرج حياة بينما اسر يبتسم ويكاد قلبه ان يقفز من الفرحه
عند ام علا
ام علا  ياحبيبتى والنبي صعبت علية
ربنا يكسر بخاطره زى ماكسر بخاطرها
حياة  والله انا ماعارفه بتحب فيه ايه
ام علا  هو شكله ايه ياحياة حلو يعنى
حياة  هو لو على الشكل كويس اوى وتحسيه ابن ناس. بس دمه تقيل على قلبي اوى
ام علا  طب قوليلي بقى لما اسر عرف بالموضوع عمل ايه
حياة  ولا نطق كلمه انتى عارفه لما قلتله عاوزة امشي افتكر اننا رايحين نشترى الدبل
ام علا  يعنى مش حسه ان فى اى حاجه من ناحيتك خالص
حياة  انا مليش دعوة هو حاسس واللا مش حاسسس انا مش حدى فرصه لقلبي انه يتعلق باى راجل وخصوصا لو كان متجوز
يالهوى ده انتى مشفتيش مراته ياعلا
دى شبه الممثلات شعر ايه وجسم ولا الموديلز وقمر قمر انا مجيش جمبها صفر عالشمال
ياتى خلفهم صوت ابو علا
حياة انا جاهز
ام علا  تروح وتيجى بالف سلامه
ابو علا  علا خللى بالك على البوابه لحد مانيجى
ام علا  حاضر يااخويا انا حاخد محمد على كتفى وانزل
ربنا يرجعك لية بالف سلامه
حياة  ياللا بينا ياابو علا
يتجه ابو علا لعمل الاشعه والتحاليل المطلوبه
واثناء خروجهم
حياة  انا ان شاء الله حبقى اخد النتيجه واوديها للدكتور
ابو علا  ماشي ياحياة
فى منزل ناهد
انت يازفت قوم بقى الله يخرببيت اليوم الاسود اللى خلفتك