اسكربيت( روح) بقلم امل عبد الرزاق

طمنيني يا دكتوره ايه نتايج التحاليل 
فين زوجك يا مدام روح 
بصراحة انا مرنتش عليه وسيبته يكمل شغله طمنيني يا دكتور بالله عليك ايه سبب تاخير الانجاب المشكله فيا انا صح
اطمني يا روح انت مافيش عندك اي مشاكل او موانع للخلفه
الحمد والشكر لله طب فين المشكله احنا متججوزين بقالنا سنتين ومافيش حمل كشفت قبل كدا والدكتوره اللي كشفت عندها قالتلي ان انا عندي نقص مخزون في البويضات
هي المشكله مش عندك انت المشكله عند زوجك البشمهندس مروان
روح پصدمه لأ مستحيل اكيد في حاجه غلط
ممكن تهدي يا مدام روح وتسمعيني 

بالله عليك يا دكتوره قولي ان المشكله عندي انا
هو زوجك عنده مشاكل في كليته
مروان من قبل زواجنا كان عنده فشل كلوي بس انا اتبرعت ليه بكلية من عندي والحمد لله بقى كويس 
طب ممكن تهدي ومتعيطيش
حضرتك بتضحكي عليا والمشكله عندي انا مش كدا
والله انت مش عندك اي مشاكل تمنع انك تخلفي 
ياريت المشاكل تكون عندي انا
حضرتك انسانه مؤمنه وعارفه ان كل دا قضاء وقدر 
طب ايه المشكله اللي عند مروان مافيش ليه حل
العلاج اللي بياخده زوجك اثر على حيوانته المنويه واغلبها بېموت احتمالية قدرته على بقت ضعيفه جدا
انا قلبي بيتقطع انا مش قادره استوعب الكلام اللي بيتقال مروان ممكن يجراله حاجه لو سمع كلام زي دا
لو مش حابه انك تبلغيه احنا معانا رقمه وهنبلغه لا يا دكتوره من فضلك سيبيني وانا ابلغه بنفسي
خلي بالك يا مدام روح لو اتطلقتي وتزوجتي ممكن تخلفي عادي جدا المشكله عند البشمهندس مروان مش عندك
انا مستحيل ابعد عن مروان يا دكتوره بعد اذنك 
اتفضلي
ها عملتي ايه يا روح طمنيني
....
ساكته ليه يا روح انا قاعده على اعصابي الدكتوره قالتلك ايه
الحمد لله يا ماما
الحمد لله على كل حال بس الدكتوره قالتلك ايه
قالتلي ان انا مش هقدر أخلف
لا حول ولا قوة الا بالله طيب مروان في عنده مشاكل
لأ يا ماما مروان بخير ومافيش عنده اي مشاكل المشكله عندي انا
......
ساكته ليه يا ماما
زعلانه عشان ابني وعشانك يا روح
الحمد لله يا ماما قدر الله وما شاء فعل
بس يا روح ابني من حقه يفرح ويشوف ولاده ومن حقي بخلفته
......
روح متزعليش مني بس دا ابني الوحيد
لأ يا ماما حقك بس احنا ممكن نجرب نعمل حقن مجهري أو نتبني طفل
حقن ايه وتبني ايه ابني هيتجوز وهيخلف والشرع محلل ٤
انا هستأذن حضرتك اطلع ارتاح شويه
اطلعي براحتك بس بالله عليك ما تحرمي ابني من أبسط حقوقه وهو أنه يكون اب وولاد يشيله اسمه
انا بتمنى لمروان السعاده في حياته حتى لو سعادته دي على حساب نفسي بس خطوة زواجه دي غلط يا ماما
غلط! غلط ليه يا روح متبقيش انانيه وتفكري في نفسك بس
انا يا ماما انانيه ربنا يسامحك بعد اذنك هطلع شقتي
ماشي يا اختي اطلعي
روح وهي تصلي وتدعي ربها يا رب ساعدني وقويني ومروان ميعرفش الحقيقه يا رب انا بحبه ومش عايزاه يزعل ولا ينكسر بخاطره انا بخاف عليه اكتر من نفسي كان نفسي اكون ام بس ام لأولاده هو اتحرمت من الاحساس دا انا راضيه يا رب راضيه بعطائك بس يا حبيبي متحرمنيش من مروان واهديه ليا واهدي مامته لو سابني ھموت