رواية غدر صديقتي كاملة بقلم نجلاء اسماعيل
جعانه دخلت جابت ل نفسها حاجات وقالتلي معلش علشان جبت على قد ال معايا ومعزمتش عليا انا فعلا مكنتش جعانه بس حسيت اني قليله اوي ي ماما
والدة ميار متعيطيش وعد مني بس نخلص من فلوس الايجار وانا هديكي فلوس تجيبي كل ال نفسك فيه وهنزل ادور على شغل النهارده بإذن الله
ميار وبتمسح دموعها لا ي ماما متنزليش تشتغلي انتي تعبانه وبعدين انا مش زعلانه علشان الهدوم انا عندي هدوم كفايه
ميار هدخل افتح نت واشوف شغل يمكن الاقي حاجه كويسه
وقامت دخلت اوضتها مسكت موبايلها وبدأت تدور يمكن تلاقي شغل
في شقه مي
مي بضحك والله ي ماما احرجتها كذا مره خلتها ف نص هدومها
والدة مي جدعه يبت خليها تعرف قيمتها علشان متبصش ل حاجه بتاعتك تاني
والدة مي م تدخلي تلبسي فستان اقصر شويه عايزين أسر بيه يتقدم بسرعه
مي ي ماما انا مهما البس عجباه انتي مبتشوفيش بيبصلي ازاي ياللا نازله باي
في شقة ميار
كانت ميار ماسكه الموبايل بتقلب ف الفيس فجأه لقت قدامها اعلان
مطلوب سكرتيره خاصه ل شركه كبيره بمرتب 8000 الاف جنيه ساعات العمل 12 ساعه
تمم الانترفيو بكرا الساعه 4 العصر منتظرينك
فرحت ميار وخرجت جري ل امها
ميار بصوت عالي ماماااا لقيت شغل ي ماما لقيت شغل
والدة ميار الف مبروك يحبيبتي شغل اي
ميار ف شركه سكرتيره هنزل بكرا أعمل انترفيو وانشاءالله يقبلوني الشغل 12 ساعه والمرتب 8000 جنيه
في شركه العزيزي
مي ماشيه بمياعه وبصوت عالي استاذ أسر
وقف أسر ايوا
مي بدلع كنت عايزه حضرتك ف موضوع
اسر ايوا قولي سامعك
مي ممكن ف مكتب حضرتك طيب
أسر بإستغراب اتفضلي
ودخلوا المكتب
اسر خير عايزه اي ي مي
اسر والموضوع الخاص دا مينفعش وانتي قاعده مكانك وبعدين من امتا في بيني وبينك مواضيع خاصه
مي بتوتر وبدأت ترجع اصل يعني لقيت حضرتك عايز سكرتيره ف كنت عايزه اقترح نفسي لحضرتك ابقا السكرتيرة الخاصه دي
اسر للاسف انتي شغلتك هنا ف الشركه ف البوفيه بس ي مي يعني مينفعش ارقيكي ترقيه زي دي وبعدين في واحده جايه بكرا تعمل انترفيو وانشاءالله تتقبل
قاطعها اسر اتفضلي على شغلك وي ريت لبسك يكون متناسق مع شغلك اول مره اشوف عامله بوفيه بتلبس اللبس دا وكمان بتتجرأ وبتطلع ل مدير الشركه
مي انا اسفه لحضرتك عن اذنك
خرجت مي وهي مش طايقه نفسها
في شقة ميار
ميار بس محتاجه طقم كويس
اروح بيه بكرا واستحاله
اطلب من مي هتكسف بصراحه
والدة ميار بصي يبنتي انا معايا قرشين كنت بحوشهم علشان ادفع الايجار وبما انك انشاءالله نازله شغل ف خديهم ونتفق مع صاحب العماره اخر الشهر ندفع الايجار على بعض
ميار بس ي ماما
والدة ميار مفيش بس خدي الالفين جنيه دول وانزلي اشتريلك كام طقم علشان شغلك يحبيبتي
ميار الفين جنيه هجيب بيهم كلهم هدوم ليا
والدة ميار معلش يبنتي مبلغ قليل عارفه ان سنك دا لازم تجيبي كل يوم بس معلش استحملي لحد م تبدأي ف الشغل وانا اشتغل من البيت وربنا يرزقنا
ميار انا بحبك اوي ي ماما
وقامت جري ولبست ونزلت تشتري حاجات واشترت ل مامتها شويه حاجات للبيت وطلعت
ميار بصي
ي ماما
والدة ميار حلوين ي حبيبتي تتهني بيهم
دخلت ميار الهدوم وبدأت ترص الحاجات ف المطبخ وعملت الاكل
ميار انا جبت فرخه ي ماما قولت بقالنا كتير مكلناش فراخ وعملت الاكل اهو
والدة ميار ربنا يخليكي ليا ويوقفلك ولاد الحلال ي رب
الباب بيخبط
ميار ايوا جايه
فتحت ميار
مي عامله اي ي ميار
ميار الحمدلله
مي جيت اقولك ان صاحب الشغل قالي ان مفيش مكان فاضي للاسف واول م يعوزوا حد هيكلمني
ميار ماشي عادي مش مهم
مي ياللا هروح انا بقا
قفلت ميار الباب
والدة ميار غريبه يعني مقولتيش ل صاحبتك على الشغل
ميار مش عايزه حد يعرف غير لما اتقبل
في شقة مي
مي مشوفتيش ي ماما وهو بيزعقلي علشان الفستان قصير وقالي مينفعش تنزلي بقصير كدا وكان بيحاول ميبينش غيرته عليا
والدة مي شوفتي الواد وقع من فستان دا مېت عليكي جدعه يبت عايزين نوقعه فينا بقا علشان يغيرلنا حياتنا دي
مي ي رب ي ماما ي رب
يوم جديد
صحيت ميار بنشاط
ميار ماما البس انهي طقم انا جبت طقم رسمي اهو بنطلون كلاسيك وجاكيت وتوب اي رايك
والدة ميار تحفه عليكي ي حبيبتي من رأيي تعملي بقا ديل حصان لفوق
ميار كنت هعمل كدا انشاءالله يقبلوني
والدة ميار ربنا يوفقك يحبيبتي
على الساعه 3 ميار نزلت وركبت واخيرا وصلت قدام الشركه
ميار ماشاءالله دي كبيره اوي
ودخلت
ميار كان عندي انترفيو النهارده
البنت اتفضلي على مكتب المدير
دخلت ميار واټصدمت انت
اسر معقوله
يتبع
الفصل الثالث
اسر مش انتي ميار ال كانت ف حفله الشركه
ميار حضرتك لسه فاكرني
اسر اه انا مش بنسى المهم انتي جايه تقدمي ع الشغل صح
ميار ايوا
اسر تمم المرتب مش زي م مكتوب وساعات العمل برضو مختلفه
ميار بزعل يعني المرتب اقل
اسر لا طبعا احنا يعتبر اكبر شركه ف الشرق الاوسط يعني المرتب ال حاطينه دا وهمي المرتب بإذن الله 15 الف وساعات العمل 8 ساعات بس
ميار بفرحه بجد انا مش مصدقه
اسر انتي هتكوني سكرتيره خاصه يعني سكرتيره خاصه ل صاحب الشركه يعني زيك زيي وانا مش موجود هتكوني مكاني لاني اغلب الوقت هسافر واسيبك انتي تتعاملي مع العملاء في الشركه كل حاجه هتبقا في ايدك هتبقي قاعده قدامك جهاز كومبيوتر ومعاكي جهاز
لابتوب هتستلميه من اول يوم شغل وهيكون عليه كل حاجه تخص مواعيدي وشغلي وشغل الشركه الحاجات دي محدش يشوفها ولا يعرف عنها حاجه غيري انا وانتي بس هيكون في مقابلات شغل لازم تكوني معايا فيها بصفتك السكرتيره الخاصه هتشتغلي على نظام ال وتهتمي بكل حاجه عندك اي سؤال
ميار بصراحه لا الشغل دا بالنسبه لي سهل جدا انا درست اداره اعمال وعارفه دا كله وواخده كورسات بس مكلمتهاش
اسر تمم جميل تقدري تبدأي من النهارده لو حابه
الباب خبط
اسر اتفضل
دخلت مي وهي باصه ف الارض ولابسه لبس الشغل القهوه ي اسر بيه
ميار پصدمه مي
مي وقعت الصينيه من ايدها انتي بتعملي اي هنا ي ميار مش قولتلك مفيش مكان ل حد جديد
اسر نعم مفيش مكان ازاي يعني انتي مين علشان تقرري في مكان في شركتي ولا لا دا انتي حتت عامله بوفيه وبس
مي انا انا مش قصدي ي اسر بيه بس
قاطعتها ميار عامله بوفيه مش انتي قيلالي انك مديره علاقات عامه هنا وكمان قولتي ان كلمتك زي كلمه المدير وانك انتي ازاي تضحكي عليا بالطريقه دي
اسر بضحك مديره علاقات عامه دا انتي هبت منك ي مي ع الاخر انا لولا ان ابويا موصيني عليكي قبل م يسافر كنت مشيتك من
هنا بس تمم حصل خير اعمل كدا بصي
الاكل هنا مش زي برا يعني غالي
ميار خلاص مش هاكل
لما اروح اكل انشاءالله
مي
