ابن ليل بقلم اميره اسامه

وباصص عليه بغيظ
رفاعي ولا يا منكش توزع على الكل كبير وصغير شربات يا ولا وتقولهم دي حلاوة الدكان الجديد بتاع المعلم رفاعي
منكش بدأنا عيني ياسيد المعلمين
رفاعي ومتنساش القهوه الساده اللي طلبتها منك عشان المعلم زكريا هيحتاجها
زكريا بإبتسامه بسيطه مبروك عليك الدكان يا معلم رفاعي بس أطمن خيرها في غيرها هنروحوا من بعض فين الجايات اكتر من الرايحات

رفاعي على قولك هنروحوا من بعض فين بس لو كل مره هتنسحب من المزاد يبقى نحب نقولك قريب كل دكاكين بحري هتبقى من نصيبي
زكريا المعلم زكريا مينسحبش غير للشديد القوي يا معلم رفاعي يغور الدكان فدى صحة الحاجه نبيله
عبدالله مش احنا اللي ننسحب يا معلم بس معلش ظروف بقى لكن أطمن المره الجايه انت اللي هتباركلنا
كرم مبنباركش للخسران يا عبدالله
عبدالله هتبارك يا كرم وهنوزع احنا الشربات وهنبعتلكم القهوه الساده
رفع كرم عينه لبلكونة نبيله لقاها واقفه وبتضحكله بحب وبتغمزله 
ابتسم كرم وهز راسه شمال ويمين
كرم بصوت واطي يابنت الشياطين يا بلبله
ثواني ورن موبايله بعد عنهم شويه ورد 
نبيله مبروك
يا ابن قلبي
كرم انتي مكنتيش تعبانه صح
نبيله قولتلك يا ولا الدكان هيبقى بتاعك وهندعيلك كل صلاه إن المزاد يرسي عليك واهو حصل
كرم بضحك مكنتش نعرف ان دماغك سم يا بلبله
نبيله عشان ضحكتك دي مستعده مش بس نعمل روحي مغم عليا ده انا نعمل نفسي مېته يا كيرو
كرم بحب بعد الشړ عليكي يا بلبله وقعتي قلبي عليكي بس كنت حاسس ان المكالمه اللي جات مش وقتها والفار لعب في عبي وكمل بضحك مش سهله بردوا انتي يا بلبله
نبيله الله طبعاااااا المهم أوعى تاكل عليا الحلاوه انا شريكه في الدكان ياولا بمجهودي التمثيلي
كرم الدنيا كلها تحت رجلك ياست الناس 
نبيله إلهي أشوف ضحكتك مبتفارقش وشك يا كرم و يريح قلبك ويروق بالك ويفرحك العمر كله يا ابن قلبي
كرم ويخليكي ليا يا أحلى بلبله يلا روحي بدل ما تتقفشي وانا ساعتها مش هنعرف ندافع عنك هيبقى ليهم حق ما هو مفيش واحده تسلم جوزها وابنها لكرم الرفاعي
نبيله بضحك بتبعني يا واطي طب لما نشوفك
كرم بحب يلا سلام يا مصېبه
نبيله مبروك ياولا يلا سلام
ضحك كرم وقفل الموبايل وراح عليهم تاني وبعد وقت بسيط اللمه اتفضت
وبدأ منكش يوزع الشربات
الساعه واحده صباحا الدنيا كانت بتمطر والرجل خفيفه في الشارع والمحلات قفلت
كرم كان بيتمشي على البحر رجع على الشارع وافتكر انه نسي الورق في المحل الجديد فا قرر يفتح ياخده ويطلع على طول 
سونه كانت واقفه في البلكونه ومعاها كوبايه شاي بتتفرج على المطر وهو نازل اول ما لمحته وقفت وعدلت نفسها وهي مبتسمه 
سونه مش عايز كوبايه شي يا سيد المعلمين تدفيك
رفع كرم وشه وبصلها بنص عين وبعدين نزل وشه تاني
كرم اتمسي يا سونه وادخلي جوه
سونه ايووووه طب اعتبرها حلاوة الدكان
كرم لا يا اختي مش عايز واتكلي على الله مش ناقصين لبش 
سونه بضحكه مايعه الحق عليا انت الخسران 
ابتسم كرم وهز راسه شمال ويمين وراح على المحل فتحه وفضلت سونه مبتسمه وقعدت على الكرسي سندت ايدها علي خدها وهي عينها على المحل وفي دنيا تانيه مستنياه يخرج عشان تلمحه مره تانيه قبل ما يطلع
دخل كرم وفضل يبص على المحل وهو مبسوط عشان خده و قدر يضايق عبدالله وبعدين قعد على الكرسي وهو في أيده الورق بيبص فيه وافتكر اللي عملته نبيله وفضل يضحك
في التوقيت ده لمحت سونه اتنين بيقربوا من المحل مكانتش شيفاهم كويس الدنيا ضلمه ومش مركزه في ملامحهم اللي تقريبا مستخبيه من الكابات اللي على راسهم
وفجأه قامت وقفت اول ما شافت واحد فيهم ماسك ازازه بيولعها حدفها جوه المحل والتاني بسرعه نط وقفل الباب وثواني وكانوا جريوا
سونه الحقونااااااااااا يااااااخلق الدكان بيولع وكرم جوه
وللحديث بقيه 
أبن ليل
صاحبة البطل الواحد
أميره اسامه
البارت الثالث
لمحت سونه من بعيد اتنين بيقربوا من المحل اللي فيه كرم في البدايه كانت قاعده على الكرسي وفكراهم عادي رايحين عليه ويعرفوا لكن استغربت لما وقفوا بره المحل كل واحد على جنب وبيشاوروا لبعض بهدوء
سونه بإستغراب مين دول وواقفين كده ليه
مكانتش شيفاهم كويس الدنيا كانت ضلمه وملامحهم مش واضحه لكن فجأه عدلت نفسها وبعدين قامت وقفت
اول ما لمحت واحد فيهم ماسك أزازه نازل منها شريط من القماش وبيولع فيها
سونه بفزع
في اللحظه دي رمي الشاب الازازه جوه المحل والتاني نط على باب المحل قفله عليه بسرعه 
فضلت سونه تصرخ بكل قوتها وتنادي على الناس
سونه كررررررررم الحقونا يا خلق الدكان بيولع وكرم جوه الحقووووووونا
صريخها وصوتها بدأ يصحي النايم ويلفت نظر اللي قاعد في بيته وقافل على نفسه من البرد
خرجت بسرعه من البلكونه وهي بتجري وتصرخ على السلم
سماح في ايه يا ماما پتصرخي كده ليه
جريت وراها وهي مش فاهمه في ايه وليه بتصرخ وبتنادي على كرم
نزل الناس على صوتها والشباب جريوا على تحت يشوفوا في ايه وهي بتصرخ ولسه محدش فاهم في ايه بتخبط على باب المحل وتنادي على كرم بدأ الناس يستوعبوا لما لمحوا الڼار والدخان بيخرج من تحت الباب
خرجت نجوى ورفاعي من اوضتهم على صوت الصړيخ 
نجوى ياساتر يارب في حد ماټ ولا ايه 
رفاعي سترك يارب ده باينه صوت سونه
خرج هيما من اوضته بسرعه
هيما ايه الصوت ده 
سمعوا خبط على الباب بطريقه مرعبه جري هيما فتح
هيما هو في ايه
محمد الحق يا هيما بسرعه
مها بصړيخ سونه بتقول الدكان الجديد بيولع وكرم جوه
نجوى ابنييييييي
رفاعي كرررررررررم
جريوا على تحت بسرعه وكان بكر سابقهم
ونزل بسرعه عبدالله وحسن ووراهم زكريا الكل مڤزوع
اتجمع الشباب وفضلوا يضربوا برجلهم الباب عشان يتكسر وشويه جابوا طفايات حريق وفي لحظه الشارع كان مقلوب
اما عند كرم قبل دقايق من الحريقه كان قاعد ضهره للباب وبيضحك وهو بيفتكر اللعبه اللي عملتها نبيله سمع صوت تكسير واول بص بسرعه لمح ڼار والعه في اول المحل قام وقف بسرعه وقبل ما يجري عشان يخرج كان الباب اتقفل عليه دخل لجوه بسرعه يجيب مايه ويطفي وبقى يبعد الكراسي المحطوطه واي حاجه تساعد على اشتعال الڼار اكتر لكن الريحه بتاعت الدخان والماده اللي جوه الازازه خنقته بعد لجوه اكتر وحاول يبعد عن الڼار بمجرد ما سمع الشباب بداوا يكسروا الباب
واول ما الباب اتكسر دخل الشباب بطفايات الحريق وبكر وسطهم بينادي على كرم هو وهيما والكل كان مړعوپ لا يكون جراله حاجه 
محمد كرم جوه اهو انا شايفه 
نجوى كرررررررم رد عليا يا ابني
مها يا كررررررررم
كرم من الداخل كان بيحاول يطمنهم لكن مكانش قادر يتكلم من كتر الكحه
دقايق مرت على الكل كلها خ وف وړعب واخيرا قدروا يطفوا الحريقه دخلوا بسرعه يطمنوا على كرم كان بخير ومحصلوش اي حاجه
وحكتلهم سونه اللي شافته وهي مڼهاره ومش قادره تتلم على اعصابها 
جري الشباب بتوع المنطقه كلهم مشطوا الشارع عشان يلاقوا الشابين اللي وصفتهم سونه لكن محدش لقاهم كأن الارض اتشقت وبلعتهم 
بكر انت كويس يا كرم
كرم بثبات عشان ميقلقش امه وابوه بخير يا بكر
عيله الجمال كلها كانت واقفه نبيله حاطه ايدها على قلبها و أرتاحت لما شافت كرم بخير
دقايق والشرطه جات بعد ما حد من الشارع عمل بلاغ وراح معاهم كرم ورفاعي وبكر والكل عشان يعمل محضر باللي حصل 
دخل كرم حكى اللي حصل و أستشهدوا بسونه لأن هي الوحيده اللي شافت اللي حصل من الاول
وسألوا كام شخص من الشارع عن اللي حصل وفي منهم ذكر عيله زكريا انهم على خلاف معاهم وكمان ذكروا اللي حصل في المزاد 
خرج كرم بره لحد ما الظابط ياخد اقوال الجميع وقف يشرب سېجاره بره في الوقت ده اتصلت نبيله بكرم 
كرم ايوه يا بلبله
نبيله بصوت باين عليه الخۏف كرم محدش فيهم عملها يا كرم 
لا عبدالله ولا زكريا يعملوها انا واثقه من كلامي
كرم كلام ايه اللي بتقوليه يا ده بلبله
نبيله اسمعني يا كرم للأخر زكريا اخره يضايق ابوك وعبدالله اخره يضايقك لكن ميعملوهاش انت عارف اني بقف معاك في كل كبيره وصغيره ومبنقدرش نشوفك زعلان وعندي استعداد نيجي عليهم لو فكروا يجوا عليك بس انا عارفه يا كرم ان اخرهم يناقروا فيكم وتناقروا فيهم لكن الاڈيه مش طبعهم يا كرم ميعملوهاش ياولا
زكريا مربيك و
اللي كان بينك وبين عبدالله اكبر بكتير من انه يفكر يأذيك يا حبيبي
كرم ايووووه عليكي يا بلبله لزومه ايه الكلام ده من غير ما تقولي انا عارف ان مش هما وبعدين لما الكلام وصل للظابط وسألني قولت مستحيل وابويا قال نفس الكلام
نبيله وقولت كده عشاني يا كرم ولا عشان متأكد ان ده ميحصلش
كرم هتفرق معاكي يا بلبله 
نبيله ايوه هتفرق يا ولا لو قولتها عشان متأكد انهم ميعملوش كده هبقى مطمنه لكن لو عشان تراضيني عمري ما هفرح عشان قولتهالك كتير يا كرم اوعى تيجي على روحك او تسيب حقك عشان خاطر حد بتحبه ولو انت متأكد انهم يعملوها متجيش على روحك عشاني وخد حقك
كرم لا يا ستي قولت كده انا وابويا عشان عارفين انها متطلعش منهم يا بلبله
نبيله ربنا يطمن قلبك يا كرم ولازم تعرف اني واثقه من اللي بقوله ده ابني ميعملهاش وزكريا مستحيل يعملها اللي عملها قاصد يوقعكم في بعض اكتر قاصد يوصلك انت وغيرك انهم عملوها عشان الدكان اللي خدته بالمزاد وانا متأكده لو كان الدكان راح لزكريا كانوا هيعملوا نفس العمله معاهم عشان يتهموك فيها
كرم وانا واثق من اللي بتقوليه ده يا بلبله متقلقيش عليا كرم الرفاعي مش برياله وعارف الكل بيفكر ازاي متقلقيش انا مش عيل صغير عشان اسلملهم دماغي
نبيله طمنت قلبي يا كرم
كرم اطمني يا بلبله ومتقلقيش عبدالله والمعلم زكريا هيخلصوا الكلمتين اللي بيقولوهم مع الظابط وهيرجعولك بعد شويه ده إجراء عادي
نبيله ماشي يا حبيبي
كرم يلا بالسلامه انتي الوقت
نبيله سلام 
دعاء پخوف ايه يا بلبله قالك ايه اتهم عبدالله
نبيله بحب مش كرم يا بت اللي يتهم عبدالله مهما كان الخلاف اللي بينهم هو عارف انه مستحيل يعملها وانا واثقه انه حتى لو شافه بعينه عمره ما هيصدق كرم بيحب عبدالله يابت وعبدالله روحه في كرم
دعاء طيب الظابط طلبهم ليه 
نبيله عشان ولاد الحړام اللي بيصطادوا في الميه العكره هما اللي جابوا اساميهم عايزين يوقعوهم في بعض اكتر
دعاء ربنا يجازي ولاد الحړام يارب 
نبيله يارب 
خرج زكريا هو وعبدالله من عند الظابط والمحضر اتحفظ
بص زكريا لرفاعي
زكريا انا خلصت وقولت اللي عندي يا رفاعي واللي عملها في كرم مش حد مننا
رفاعي عارف يا زكريا وانا وكرم قولنا انكم ملكمش دخل باللي حصل من قبل ما تخرج وتقولي الكلمتين دول
زكريا عارف انك قولت كده انت وكرم
يا رفاعي وعارف كمان ان مهما كان اللي بينا لايمكن تتهمنا بحاجه زي دي
عبدالله حمدالله على سلامتك يا كرم وعموما لو محتاج تدور على اللي عملها انا في الخدمه
كرم لا يا خويا وفر تعبك لروحك كرم الرفاعي مش محتاجك
عبدالله صحيح خيرا تعمل شړا تلقى الحق عليا اني عايز نخدم
كرم وفر خدماتك يا عبدالله وبعدين انا ضاقت بيا الدنيا عشان ملاقيش غيرك اللي يخدم 
عبدالله الواحد بعمل المعروف في اي حد يجدع ولا يعمله فيك
كرم معروف ويطلع منك