ابن ليل بقلم اميره اسامه

ولد وانتي احرجتيه بجد هو كان بيهزر معاكي
دارين هو مكانش بيهزر اصلا هو كان بيتحشر في حاجه ملهوش دعوه بيها واقف يقولي مالك وبتعيطي ليه
ديما يعني الحق عليه هو شاف شكلك متغير فكر ان حد ضايقك فا سأل عادي وبعدين المشكله مش انه بيتدخل في حاجه ملهوش فيها زي ما بتقولي لو احمد او محمد او حتي حسن كانوا مكانه حتي لو مكنتيش قولتي ليهم فيكي ايه علي الاقل مكنتيش هتكلميهم بالطريقه دي 
دانه ديما معاها حق انتي مشكلتك مع هيما نفسه
دارين وانا ايه مشكلتي معاه اصلا
دانه السؤال ده تسأليه لنفسك انتي من يوم ما شوفتيه وانتي مش طيقاه وكذا مره تقوليلي دمه تقيل مش مستظرفاه مع انه شاب محترم ومؤدب دمه خفيف مشوفتش منه اي تصرف يخليكي تشوفيه بالطريقه دي انا بس عايزه اعرف انتي ايه مشكلتك معاه

دارين بتنهيده انا عارفه بقي 
دانه ودي المشكله دارين حاولي تهدي شويه انتي اعصابك تعبانه وفي نفس الوقت حاولي تكرري اعتذارك مره تانيه لهيما لان بجد انتي بتتعاملي معاه بطريقه سخيفه والمشكله ان دي مش طريقتك
دارين هو اللي مدانيش فرصه اعمل ايه يعني
دانه هيما عداها كذا مره وحقيقي كان بياخدها بهزار بس اخر مره انتي طلعتي فيه جامد وقدامنا واكيد اي حد مكانه هيشوف حد بيتعامل معاه بالشكل ده لازم يوقف هزار وكلام ومعامله ويبعد
ديما هو لو مش عنده كرامه كان خد الموضوع عادي المرادي كمان وتقبل اعتذارك علي طول بس هو حس انه اتجرح منك فا عشان كده خد موقف
دارين اتجرح ايه انتي كمان هو احنا انتين حبيبه
ديما مش شرط يا دارين يمكن كان عايز يتعامل معاكي علي انكم صحاب زي ما احمد ومحمد بيتعاملوا معانا وعادي الصحاب بيحصل بينهم چرح مش شرط اللي في دماغك وانا لو
حد من صحابي اتعامل معايا كده اكيد هاخد منه جنب 
دانه بإبتسامه ويمكن هو كان معجب مثلا ايه عرفنا
دارين نقطينا بسكاتك انتي التانيه
دانه وانا قولت ايه غلط يمكن كان معجب وبيحاول يلاقي اي مدخل ليكي وكان بيعديلك طريقتك علي سبيل الهزار ولما أحرجتيه اخر مره خد الموضوع علي كرامته
بصتلهم دارين وسكتت وبعدين شربت من النسكافيه وهي سرحانه 
عند هيما كان واقف شغال وسرحان
دخل عليه احمد ومحمد
محمد ايه يا خال مش عايز مساعده
هيما وفر مجهودك يا اخويا انت وهو ايه اللي جابكم وسيببتوا الدكان لوحده ليه
محمد بنبص عليك والدكان مش لوحده العمال هناك ايه مش هتقول مالك 
هيما مالي ما انا زي الفل اهو
احمد علينا احنا انت من امبارح وانت متغير حتي جدي لاحظ واحنا بنتعشي مع بعض وحتي لما البنات جم مكنتش بتتكلم وسيبتنا ونزلت وكنت متغير
هيما ولا حاجه عادي ارهاق من الشغل مش اكتر هيكون في ايه غير كده
محمد عليا انت حتي كنت لما بتشوف دارين بتفضل ترخم عليها وتهزر وقولنا لما تشوفها جات عندنا البيت ما هتصدق بس معملتش كده وفضلت ساكت
هيما انت جاي تحقق معايا ياولا انت وهو قولنا مفيش حاجه مش رايق شويه وخلاص بس لا دارين ولا البنات ليهم دعوه
احمد امال مين اللي ليه دعوه
هيما ولا حد انا كده مع روحي ويلا اتكل انت وهو من هنا 
محمد بقت كده ماشي يا خال
هيما غور يلا منك ليه 
في الجامعه عند البنات
دانه ايه هتفضلي سرحانه كده يلا قومي هنتأخر علي المحاضره
دارين ماشي يلا
قاموا البنات عشان يروحوا علي المحاضرات بتاعتهم رن موبايل دارين علي الماسنچر 
وقفت دارين و طلعت موبايلها عشان تشوف مين بيتصل واټصدمت
دانه مين بيتصل عليكي هيما ولا ايه 
ديما ايوه بقي شكله قبل الاعتذار
دانه انتي واقفه متنحه كده ليه هو اللي بيكلمك 
دارين ده بابي 
دانه اييييه
ديما بابي
دانه طيب افتحي شوفي عايز ايه
دارين لا طبعا مش هرد عليه مش كفايه اللي عمله فينا عايز ايه تاني
دانه ردي واحنا نعرف عايز ايه
دارين مش هرد وخليه يرن من هنا لبكره بردو مش هرد
فصل الاتصال وثواني واتصل علي ديما 
ديما ده بيتصل عليا
دارين مترديش يا
ديما اوعي تردي
ديما بۏجع مش هرد اكيد اصلا مش عايزه اتكلم معاه ولا عايزه اعرف هو عايز مننا ايه 
الاتصال فصل وفضلوا البنات واقفين باين عليهم الحزن 
دارين ايه اللي فكره بينا عايز مننا ايه تاني
ديما تفتكروا في حاجه حصلت معاه ولا وحشنا ولا ندمان ولا ايه بالظبط
دارين ايا كان مش عايزين نعرف خلاص سيبوه 
رن موبايل دانه بصتلهم
دانه ده بيتصل عليا انا كمان
دارين مترديش سيبيه يتصل
بصت دانه علي الموبايل وقربت صباعها من زرار الفتح
ديما بۏجع اوعي يا دانه اوعي تردي مامي لو عرفت اننا كلمناه او ردينا عليه هتزعل مننا
دارين بلاش يا دانه هو بعد عننا بمزاجه وهو اللي اختار جاي الوقت يفتكرنا ليه
دارين طيب علي الاقل نعرف هو عايز ايه 
دارين لو رديتي عليه مش هتكلم معاكي عمري يا دانه
ديما بدموع ولا انا انتي نسيتي عمل معانا ايه نسيتي اني اتصلت عليه قيل ما نسافر وفضلت اتحايل عليه عشان نفضل معاه ورفض نسيتي الۏجع اللي عيشناه احنا ومامي ولا حياتنا اللي اتلغبطت بسببه
دانه خلاص قفل يا بنات
دارين اكيد ادام اتصل مره هيتصل تاني اوعي يا دانه تردي عليه او تكلميه انتي فاهمه اوعي
دانه خلاص بقي قولت حاضر ويلا عشان منتأخرش علي المحاضره 
مشيوا البنات علي المحاضره وهما بيسألوا نفسهم ياتري عايزنا في ايه ومن جواهم موجوعين منه
بعد حوالي ساعتين
خرجت دره من غرفه العمليات وهي باين عليها الإرهاق وقفت مع اهل المريضه تطمنهم علي حالتها 
الزوج طمنيني يا دكتوره انا جوزها
دره متقلقش هي بخير انتوا جيبتوها في اللحظه المناسبه كان ممكن لا قدر الله يحصلها إڼفجار بسبب الزايده
الزوج هي كانت كويسه وعمرها ما أشتكت وفجأه بقت تصرخ
دره الزايده في العادي بتدي إنذار وبيبقي في بوادر تعب لكن في بعض الناس بيظهر تعبها مره واحده زي ما حصل مع زوجه حضرتك والحمد لله انكم جيبتوها فورا علي المستشفي وإلا كانت أنفجرت
الام طيب هي كويسه الوقت
بصت دره لبعيد پصدمه وسرحت
الام يا دكتوره بقول لحضرتك هي كويسه الوقت
دره هااا ااا اه الحمد لله بخير هي في الإفاقه الوقت وهتتنقل علي الاوضه واطمني هي زي الفل الف سلامه عليها شويه وهرجع اطمن عليها بعد اذنكم
سابتهم دره بسرعه وراحت علي المكان اللي كانت باصه عليه ملاقتش حد
دره لنفسها اكيد بيتهيألي شكلي تعبانه ولازم ارتاح واشرب قهوه عشان افوق 
مشيت دره كام خطوه عشان تروح لأوضتها ترتاح وقفت قدام الاوضه فتحت الباب عشان تدخل
وقفتها ممرضه بسرعه قبل ما تدخل عشان تسألها علي حقنه معينه لمريض كان عامل عمليه
وقفت دره تكتبلها علي الحقنه وتقولها كام حاجه مهمه 
وفجأه بصت قدامها وبعدين رفعت حاجبها
دره روحي يلا اعملي اللي قولتلك عليه
الممرضه تمام يا دكتوره 
دره يبقي انا بقي مش بيتهيألي وانت هنا فعلا 
بص كرم وراه بسرعه اول ما سمع صوتها وبصلها وبعدين نزل الموبايل من علي ودنه 
كرم في ايه
دره انت بتعمل ايه هنا 
كرم وانتي مالك
دره والله ايه معندكش الجرأه تقول انك جاي ورايا ولا يمكن بتراقبني ولا خلينا نقول انك فكرت في مقلب جديد وجاي تعمله فيا
كرم مين ده اللي جاي وراكي و بيراقبك انتي شكلك واخده في نفسك قلم كبير يا دكتوره وبعدين مقلب ايه اللي هاجي اعمله فيكي في المستشفي انا بقول تروحي ترتاحي شويه في مكتبك عشان شكل عقلك مش ولابد
دره تمام وانا هصدقك بس قولي انت بتعمل هنا ايه
كرم بص كرم شمال ويمين وبعدين وډخلها جوه الاوضه وقفل الباب وراه 
دره انت ايه اللي عملته ده
كرم انتي عايزه ايه مني ايه
دره انا مش عايزه منك حاجه انت اللي عايز مني ايه كل شويه هشوفك قدامي دي تاني مره تطلع قدامي في المستشفي قولي بتعمل ايه هنا لو صحيح مش جاي ورايا 
كرم وانا قولتلك وانتي مالك حاجه متخصنيش وبعدين انتي مين عشان تساليني خطوه مراتي
بصتله دره وهي قلبها بيدق من نظرته وقربه ليها بالشكل ده خدت خطوه لوراء بسرعه ورجع كرم تاني
كرم حبيبتي هااا بتسأليني بصفتك ايه
دره بإرتباااك ااا بصفتي دكتوره وبشتغل هنا
كرم وانتي بقي يا دكتوره كل واحد او واحده تشوفيهم جوه المستشفي بتسأليهم انتوا بتعملوا هنا ايه أيه حصرتك شغاله هنا دكتوره ولا بتنظمي المرور
دره اااا متغيرش الموضوع اكيد مش اي حد بسأله بس مش غريبه كل شويه الاقيك قدامي وبعدين بصراحه انا
بشك فيك عشان عارفه مقالبك
كرم بصلها پغضب بسيط زي ما شكيتي كده ان ممكن أذيكي انتي وبناتك صح
دره ااا متغيرش الموضوع
كرم لا هو ده الموضوع يا دره بتشكي فيا بتشكي اني ممكن اعمل كده ايه بقيتي شيفاني كمان قاټل ولا سڤاح
دره بصتله وهي خاېفه منه ومن نظرته ااا هو مش بردوا انت اللي هددتني اول ما جيت لو مش مشيت هتقتلني
كرم اه انا و أديكي قدامي اهو قتلتك قربت منك لمستك يا دره بيتهألي سيبتك في حالك أشمعني اخر كلمه قولتها هي اللي مسكتي فيها و فكرتي إن ممكن نعملوها
دره اااا معرفش بقي ووو وبعدين انت ليه بتهرب من سؤالي انت بتعمل هنا ايه
كرم تاني 
دره اه تاني و هفضل أسأل علي فكره لحد ما ترد ماهو مش بتراقبني ولا جاي ورايا ولا بتعمل فيا مقلب هيكون ليه شغال دكتور هنا وانا معرفش 
كرم شايف انك بتتريقي ولا انا ييتهيألي 
دره اه بتريق
كرم فرحانه فيا يا دره
دره اه مش انت اللي أستسلمت كرم اللي كنت اعرفه زمان مهما كان بيحصله عمره ما كان بيستسلم ابدا عن حلمه
كرم البركه فيكي
دره هو انت مش لاقي مصېبه تلبسهالي هو انا اللي قولتلك أتخلي عن حلمك
كرم انا مش هنضيعوا وقتي معاكي يا دره ومش هنفتحوا في كلام أتقفل من سنين
مشي خطوه عشان يخرج وقبل ما يبعد عنها بسرعه مدت دره ايدها ومسكته من دراعه حس كرم ان قلبه اتنفض من غمض عينه وهو بياخد نفسه وبعدين لف بهدوء وبص لايدها وبعدين بصلها
اول ما بص علي ايدها شالت دره ايدها بسرعه بإرتباك
دره مش هتمشي غير لما نعرف ايه اللي جابك هنا
ابتسم كرم وفضل باصللها
دره بتضحك علي ايه
كرم متغيرتيش يا دره نفس الطفله بتاعت زمان لسه عايشه جواكي الطفله الزنانه و العنديه واللي مهما نتكلموا و ندخلوا في كذا موضوع متنساش الكلام اللي كانت بتقوله 
دره كويس انك عارف اني مش بننسي يلا قول يا كرم
كرم كنت بنزور واحد معرفه يا دره أرتاحتي 
دره وده محجوز ليه واسمه ايه وفي الدور الكام
كرم ايه مش مصدقاني وحابه تتأكدي
دره لا مش كده بس يعني لو يهمك ههتم بيه بنفسي
وهو رافع حاجبه
كرم عليا انا يابت الجمال
ابتسمت دره وبصتله
دره علي فكره بقي كنت بنتكلم جد
كرم ماشي هنعدوها عموما ده واحد صاحبي نعرفه هو مش محجوز ولا حاجه بس وقعت علي رجله رخامه ورجله اتكسرت كان بيجبسها وانا جيت نشوفه و علي ما جيت كان هو خلص ومشي وكنت بنكلمه اول ما وصلنا بس هو قالي انه روح خلاص وفجأه طلعتي انتي قدامي أرتاحتي
دره واول مره شوفتك كنت بتزور حد بردوا 
كرم لأ مكنتش بنزور حد 
دره امال كنت بتعمل ايه
كرم كنت عايز نشوفك يا دره
بصتله دره وفضلت ساكته فضل كرم كمان باصص لعينيها وبعدين حس انه سرح هز راسه وغير