ابن ليل بقلم اميره اسامه

ازاي وافق علي موضوع الفرح ده هو كمان
سونه عشان بيحبك عايز يعيش معاكي كل اللي معاشهوش يا دره طب انتي عارفه لو كان كرم قرر يتجوز
حد غيرك انا واثقه انه كان هيكتفي بكتب كتاب ومش بعيد كان راح بلبس شغله من غير بدله
بس انتي وضع مختلف انتي حب عمره يابت نفسه يفرح معاكي يلبسلك بدله وتلبسيله فستان يعملك فرح اسكندريه تتحاكي عنه ويعرف الخلق كلها انه اخيرا اتجوزك وبقيتي ليه هو انتي يابت مش شايفه السعاده اللي هتنط من عينه طب بذمتك ده كرم اللي حاله كان يصعب علي الكافر قبل ما ترجعي تاني

انا لو مكانك يا بت وفي حد بيحبني بالشكل ده مش بس هوافق اني نعمل فرح ونلبس فستان انا هنعمل كل حاجه عشان نسعده سيبك من الناس وسيبك من اي حاجه افرحي يا دره وفرحيه ولو عالسن انتي وهو لسه شباب يابت ده انتي اصغر من بناتك وهو الله اكبر عليه شاب تتمناه اي بنت
دره بسعاده ماشي ياستي هنعمل زي ما بتقولي وهنفرحه
سونه وتفرحي روحك معاه وتفرحي ابوكي وامك عوضي اللي راح يادره 
دره طب تعالي بقي وانتي قمر كده
ضحكت سونه وضمتها بحب
سماح احيه عليا سايبني لوحدي بره وانتوا هنا مقضينها
دره بضحك عايزه ايه يارخمه زي ولادي
سونه هي كده بتضيع اي لحظه حلوه وحشك ابو ورده يابت 
سماح بضحك اه والله وحشني
سونه طب يلا يا بت الهبله
خرجوا مع بعض التلاته
سونه منور يا كرم
كرم ده نورك يا عروسه مبروك يا سونه
سونه الله يبارك فيك يا اخويا عقبال ما نفرح بيك انت ودره
عمرو منورانا يا دكتوره
دره ده نورك والله انت وسونه الف مبروك يا دكتور
عمرو الله يبارك فيكي يارب
سونه فين مريم وياسين
عمرو بيلعبوا في الاوضه جوه
سونه خليهم يلعبوا ويتبسطوا 
كرم طب ايه مش يلا احنا
عمرو يلا ايه والله ما هتمشوا غير لما نتعشي سوا
كرم لا عشاء ايه يا عريس الايام جايه كتير
سونه احيه مش عايز تتعشي معانا والله هنزعل منك
كرم لا والله مش كده بس زي ما قولت الايام جايه كتير هنروحوا من بعض فين وبعدين اهو نديكم فرصه تشبعوا من بعض شويه الايام الجايه مفيهاش راحه
عمرو بإبتسامه ماشي يا دكتور علي خير يارب
كرم قرب منه طبطب علي ضهره مبروك يا عمرو مبروك يا صاحبي
عمرو ربنا يباركلي فيك يا حبيبي
دره سلام يا سونه
سونه سلام يا قلبي وكملت بهمس عيزاكي بكره تقوليلي انك جبتي الفستان
دره إن شاء الله 
سماح سلام يا دكتور خلي بالك منها
عمرو في عيني يا سماح بس بلاش دكتور دي بقي خليها عمرو زي ما اتفقنا
سماح بإبتسامه اتفقنا يا عمرو بتي يا سونه 
سونه سلام يا قلبي خدي بالك من روحك
سماح حاضر وانتي كمان الشنطه بتاعت مريم وياسين اللي كان فيها غيارتهم في الاوضه
سونه ماشي يا سماح
نزلوا مع بعض التلاته
كرم يلا خدي سماح واطلعي
دره انت رايح فين
كرم مفيش هنقف مع بكر وعبدالله
والشباب شويه وهنبقي نطلع
دره طيب تمام
سماح سلام يا كيرو
كرم سلام يا موحا 
عند عمرو وسونه
سونه عمرو
عمرو ابوه يا حبيبي
سونه ممكن تيجي تدخل الحجات دي جوه لحد ما اشوف الولاد واغيرلهم بقي عشان يفكوا
عمرو والله ما عارف ايه اللي كرم جايبه ده كله
سونه بصراحه حجات كتير واصلا بلبله ونوجا والبنات لما جم الصبح جابوا حجات كتير اوي مش عارفه نحط الحاجه دي كلها فين
عمرو التلاجه مفيهاش مكان
سونه بضحك عشان كده قولت ندبسك انت وانا نشوف الولاد دي التورته دي لوحدها هتاخد مكان بحاله في التلاجه
عمرو بتخلعي انتي ماشي يا ستي روحي انتي شوفيهم وانا هنحاول نظبطلك الدنيا
سونه طيب روح وانا وهنغيرلهم ونجيبهم ونيجي وراك
عمرو ماشي يا قلبي
دخلت سونه لقت مريم قاعده علي المكتب بتلون في الرسمه وياسين قاعد علي الارض حاطتت عربيات وبيلعب بيها
سونه ايوه بقي الناس اللي جات جري علي اللعب وسايبني ايه مش وحشتكم
مريم وحشتينا اوي يا سونه
ياسين وحشتينا بس كنا بتلعب شويه
مريم هي سماح مشيت
سونه اه مشيت خلاص بتعملوا ايه بقي
مريم انا بلون
ياسين وانا بلعب بالعربيات
سونه طيب تعالوا يلا غيروا الاول وبعدين اعملا اللي علي مزاجكم انا هطلعلكم غيار ماشي
مريم ماشي
راحت سونه علي دولابهم طلعت غيار ليهم
سونه ياسين امسك يلا الغيار بتاعك روح غير لحد ما اساعد مريم
ياسين حاضر
سونه هتعرف تغير لوحدك ولا اساعدك
ياسين بإبتسامه لا بعرف انا كبير
سونه انت قمر يلا بسرعه روح غير عشان هنعمل حجات كتير مع بعض
ياسين حاضر مش هنتأخر
قربت سونه من مريم غيرتلها هدومها وخدت الغيار اللي قلعته وخرجت بيه
خرج ياسين بعد ما غير وبصلها
ياسين احط الغيار ده فين
سونه هات انا هشيله روح كمل لعب يلا 
دخلت علي عمرو لقته محتاس ومش عارف يعمل حاجه بصلها لقاها واقفه تضحك عليه فا ضحك
عمرو انا مش عارف نعمل حاجه الحقيني
سونه اه شكلك بوظت الدنيا ايه كل اللي خرجته ده
عمرو انا
قولت نخرج كل حاجه ونرجع نرص من اول وجديد لا عرفت نحط الحاجه ولا عرفت نرجع التلاجه زي ما كانت
سونه طب وسع وانا اللي بنعتمد عليك
عمرو طيب نعمل ايه مليش انا في رص التلاجات انا بس ممكن نساعدك
سونه اكتر من كده لا شكرا لخدماتك 
عمرو طيب بصي انا عندي حل
سونه قول
عمرو بصي احنا ممكن نطلع الاكل اللي هنتعشي بيه علي جنب كده كده مش هيجراله حاجه هيفضل بارد لحد ما ناكل والعصير والحاجه الساقعه دي كلها نشيلها علي جنب ونسيب بس نوعين ولا حاجه
سونه مش هيبوظوا لو طلعتهم
عمرو لا مش هيجرالهم حاجه ليهم تاريخ صلاحيه واي حاجه ناخدها نحط بدالها
سونه طيب بص في فالنيش استاند كده مدور هاته نحط فيه التورته دي عشان العلبه هتاخد مكان
عمرو بس هتنشف
سونه لا ليها غطاء متقلقش يلا روح لحد ما اظبط الدنيا شويه
عمرو تمام 
خرجت سونه الاكل والعصاير وحتي الفاكهه رصتها في طبق كبير وبدأت تظبط الدنيا والحاجه اللي ينفع تتشال مؤقتا شالتها
رجعلها عمرو بالاستاند
عمرو هو ده
سونه اه هو تعرف بقي تخرج التورته وتحطها فيه
عمرو ياسلام دي لعبتي
سونه بضحك فرجني يارب تعرف 
عمرو بضحك عيب عليكي
خلصوا كل حاجه مع بعض وظبطوا الدنيا وخرج عمرو راح يبص علي الولاد 
عمرو پصدمه من منظر الاوضه ايه اللي انتوا عاملينه ده في الاوضه
مريم بنلعب يا بابا
عمرو ايوه يا قلب بابا بس في حد يلعب ويخرج كل اللعب كده
ياسين احنا هننضف بعد ما نخلص لعب
سونه بإبتسامه مالك ومالهم سيبهم علي راحتهم
عمرو طب والقواعد 
سونه بضحك لا دي عليك انت بس لكن ياسين ومريم مسموحلهم يعملوا اللي هنا عايزينه وبعدين انت مكنتش طفل وبتلعب وانت صغير ولا ايه
عمرو بإبتسامه كنت بنلعب وكنت مجنن امي معايا
سونه وانا يا سيدي عيزاهم يجننوني اطلع منها انت يلعبوا براحتهم هما خدوا الاجازه خلاص
مريم بعد ما هنلعب هننضف الدنيا يا سونه
سونه ماشي يا قلب سونه اعملوا اللي علي كيفكم كله وخلصوا ورجعوا لعبكم في مكانها وانا هنساعدكم كمان ما تلعبوني انا وبابا معاكم بقي ينوبكم ثواب فينا احنا زهقانين
ياسين بسعاده بجد يا بابا هتلعب معانا
مريم الله انا موافقه العب معلنا يا بابا عشان خاطري
عمرو رفع حاجبه بتدبسيني 
سونه الحق عليا بنرجعلك طفولتك تاني يلا يا مريومه هاتي العرايس
مريم يلا 
فضلوا يلعبوا معاهم واتبسطوا وضحكوا من قلبهم وبعد وقت طويل من اللعب قاموا حضروا الاكل مع بعض وكلوا وشويه وبدأ الولاد يناموا علي نفسهم مريم نامت علي الكنبه وياسين نام علي الكرسي وهو حاطت ايده علي خده
شال عمرو مريم ډخلها علي سريرها وسونه مسكت ياسين من ايده دخلته جوه 
سونه يلا يا حبيبي اتغطي
ياسين تصبحي علي خير
سونه وانت من اهل الخير يا نور عيني
وقف عمرو علي باب الاوضه مربع ايده بيتفرج عليها بهدوء
قربت منهم سونه غطتهم كويس وقفلت الستاره عشان النور وفضلت تروق في الاوضه تشيل اللعب وترجع كل حاجه زي ما كانت بصت عليه لقته واقف وباصص عليها
ابتسمت وخرجت من جنبه بهدوء جابت الصنادل بتاعتهم وراحت حطت لكل واحد فيهم الصندل بتاعه تحت رجله عشان لو صحيوا يلبسوا شغلت نور بسيط وشغلت جمبهم راديو عليه قرآن وبعدين خرجت وقفلت الباب عليهم 
ودخلت علي المطبخ تظبطه وقف معاها عمرو يساعدها وبعدين خرج ظبط مكان ما كانوا قاعدين
سونه بصتله من المطبخ عمرو
عمرو ايوه يا قلبي
سونه عايز قهوه او شاي
عمرو ادخلي انتي خدي دش وانا هنعمل ليا وليكي
سونه لا قول عايز ايه بس
عمرو طيب قهوه وسبيها انا هنيجي نقف جنبها وروحي انتي
سونه حاضر
خلصت سونه شاور لقت عمرو داخل عليها بصنيه فيها قهوه وكوبايه مايه سابهم علي التربيزه وقرب منها وهي قاعده قدام المرايا باس راسها بحب
ابتسمت سونه وبصتله في المرايا
عمرو انا بحبك اوي علي فكره
سونه بضحكه جميله وانا كمان علي فكره
ضحك عمرو 
السعاده اللي بتيجي بعد سنين تعب وۏجع بيبقي ليها تأثير كبير علي القلب عوض ربنا اللي بيطبطب علي قلبنا بيولد جوانا شعور كبير من الرضا وبنقدر ننسي وجعنا بسهوله وبنتأكد ان اي حاجه بتحصلنا وبنبقي شايفين انها مش حلوه بيكون وراها تعويض كبير اوي من ربنا وده اللي حصل مع سونه وعمرو كل واحد فيهم قدر ينسي وجعه اللي عاش فيه وآثر عليه واخيرا اتلاقوا في مكان يجمعهم وبقوا عيله جميله وسعيده
الايام جريت واخيرا جه اليوم المنتظر لحسن وسماح كانت احلي عروسه وكان احلي عريس سعادتهم كانت اكبر من سنهم وفرحة الكل بيهم متتقارنش بأي فرحه
ديما فرحة العيله بتكون مختلفه وليها طعم خاص لا يمكن اي فرحه في الدنيا تعوضه
الفرحه اللي مخلوطه بسند وضهر ودعم وحب بجد تساوي كنوز الدنيا عبدالله ودعاء كانوا طايرين من الفرحه مش متخبلين ان ابنهم كبر وبقي عريس وبيجوزوا بنفسهم
وسونه دموع فرحتها منشفتش لحظه وهي شايفه سماح قدامها بفستانها الابيض الحلم اللي كل ام بتفضل تتخيل وتعيش فيه سنين وهي انها تشوف بنتها عروسه قدامها 
فرحة الصحاب اللي اكتر من اخوات اللي مستعدين يتعبوا وصوتهم يروح من الفرحه بس عشان يقفوا جمب صاحب عمرهم
فرحة الجد والجده بأول حفيد ليهم وهو بيتجوز فرحه مختلفه
يوم في العمر بتتجمع فيه كل سعاده الدنيا وبيفضل ذكراه محفور جوه قلوب الجميع
وبعد تعب يوم كامل اخيرا الفرح خلص واللي بعد الفرحه كان فرحه اكبر وهما مرجعينهم لبيتهم
وبتنتهي فرحتهم بدموع مختلطه لكن كلها دموع فرحه ومشاعر جميله 
بعد وصولهم الشارع فضلوا اكتر من ساعه وسط اهل شارعهم والشباب الجميله اللي عملوا فرح تاني تحت بيتهم وبعد وقت طويل طلع حسن وسماح بصولهم من البلكونه وفضلوا يضحكوا ومبسوطين 
دخل حسن ودخل سماح معاه وبمجرد ما دخلوا قرب منها حسن ضمھا بحب
حسن بفرحه بقيتي مراتي ياااااابت
سماح بضحك نزلني يا مچنون الفستان تقيل عليك
حسن بت يا سماح بنقولك ايه
سماح قول
حسن هو احنا انجوزنا بجد ولا دي الكاميرا الخفيه علي رأي الولا منكش
سماح بضحك لا اتجوزنا بجد انت لاحقت نسيت يومك مش معدي 
حسن بضحك لا بنقولك ايه وفري اي ربع الوقت عشان في ربع ھنموت ونسمعهولك من زمان
سماح بضحك احبيييه براحه هنقع
حسن لا مش هتقعي
سماح طب انا جعانه
حسن هأكلك بعدين
سماح طيب انا عايزه اخد دش
حسن وهو بيشدها هتاخدي
سماح تحيه عليك انت داخل سبق طب نصلي طيب
حسن هنعمل كل حاجه بس تعالي يلاااااا
سماح طب طب هقولك
حسن بضحك قولي
سماح بإبتسامه وإحراج بص بقي بصراحه انا خاېفه
حسن احيه وانتي معايا
سماح بضحك ودين محمد انا ما خاېفه غير منك
حسن بضحك وبتحلفي كمان يا بت سونه ده انا هنفرومك جوه
سماح احيه لا بنقولك ايه انا عايزه امي
حسن مفيش امك في هنا حسن الجمال قدامي ؤابت بدل ما