ابن ليل بقلم اميره اسامه
سنتنا السوده
ضحك احمد ومحمد
رفاعي بتقول ايه ياولا
هيما انا بقول مبروك عليا إداره الدكان الجديد انا نازل افتح سلام عليكم
رفاعي خدني معاك اروح اطل على المزرعه عايزه حاجه يا نوجا
نجوى عايزه سلامتك يا سيد الناس
رفاعي عايزه حاجه يا مها
مها اه والنبي يا حاج ابعتلي كام كيلو لبن من المزرعه
رفاعي بضحك يابت طب قولي سلامتك حتى
مها بضحك ومالها مها ياسي بكر سلامت ابويا دي مفروغ منها بس اللبن عشان احلي بوئه بأحلى طاجن رز معمر
بكر كام كيلو لبن عشان تعملي طاجن رز معمر ربنا عالظالم
ضحكوا كلهم وقاموا نزلوا على المحلات
فتح بكر مع كرم المحل الكبير وبعدين راح يشوف قصه المزاد ايه وخلص كل حاجه ورجع تاني يكمل شغل
رجع رفاعي من المزرعه وقعد على باب المحل الكبير يتابع الشغل في صمت الدبايح متعلقه وكرم مركز في شغله واقف واقفة معلم كبير ليه هيبه ابتسم رفاعي بفخر وحب وبعدين نادى بعلو صوته على القهوجي
جري منكش من القهوه وراح عليه بسرعه
منكش حقك عليا يا سيد المعلمين عوأت عليك
رفاعي طب يلا يا خويا ناولني الشيشه
ظبط منكش الشيشه وقربها من رفاعي
سحب رفاعي نفس وهو مستمتع
رفاعي مفيش حاجه ياولا يا منكش بتعمر دماغي غير الحجر بتاعك يلا اجري هات القهوه
منكش بابتسامه هوااااا
في التوقيت ده قربت عربيه مرسيدس سوده وركنت في الجانب التاني من الشارع قصاد رفاعي
قعد على الكرسي وحط رجل على رجل قدام رفاعي ونادى بعلو صوته
زكريا ولا يا منكش الشيشه والقهوه ياولاااااا
بص بكر لكرم
ابتسم كرم ابتسامه خفيفه وكمل تقطيع في اللحم
جري منكش على زكريا وهو معاه الشيشه وفي الايد التانيه صنيه عليها قهوه
منكش احلى شيشه ليك يا سيد المعلمين
رفاعي پغضب ولا يا منكش فين قهوتي يالااااا مش تشوف طلبات المعلمين الكبار الاول وبعدين تروح تشوف
طلبات عامة الشعب
زكريا بضحكه كيد عفارم عليك ياولا يا منكش طلبي عمره ما اتأخر معلوم هو في طلب يتأخر على المعلم زكريا الجمال
رفاعي حالا تكون عندي ولو اتأخرت هقوم اطربق القهوه على نافوخك
منكش پخوف طياري يا معلم رفاعي
ضحك زكريا بشماته عشان عرف ېحرق ډم رفاعي وسحب نفس طويل من الشيشه وخرج الدخان بتجاه رفاعي
زكريا بعلو صوته يا عبدالله
خرج عبدالله من المحل بسرعه وراح لابوه
في نفس الوقت خرج كرم و ووراه بكر وقفوا جنب رفاعي
زكريا تأمين المزاد اندفع
عبدالله بإبتسامه بص لرفاعي اعتبر المحل بتاعنا و يافطه زكريا الجمال سيد المعلمين اتعلقت عليه
جري منكش على رفاعي حط القهوه قدامه
ضحك رفاعي بعلو صوته في قلب الشارع على كلام زكريا وعبدالله ابنه
رفاعي ده لما تشوف حلمة ودنك ياواد يا منكش
بصلوا منكش باستغراب انا مالها حلمة ودني يا معلم
ضحك بكر وكرم على منكش
رفاعي مش عجباني يا منكش
منكش نغيروها يا معلم
زكريا ولا يا منكش
جري منكش على زكريا بسرعه
زكريا نعمين يا سيد المعلمين
زكريا حلمة ودنك عجباني ياولا متغيرهاش واللي مش عاجبه مايبصش عليها
ضحك زكريا وعبدالله بعلو صوتهم
رفاعي ولا يا منكشششش
جري منكش عليه
منكش أوامرك يا سيد المعلمين
رفاعي عايزك ياولا تجهز أكبر كميه شربات عندك حلاوة الدكان الجديد اللي هيرسي عليا في المزاد من غير مقاطعه
منكش اعتبروا حصل يا سيد المعلمين
زكريا ولا يا منكششششس
منكش بصوت هامس الله يخربيت منكش على اللي جابو منكش
بكر بضحك حلال فيك الدوخه يا منكش الكلب عشان متجبليش قهوتي لحد الوقت
منكش خدامك يا سيد المعلمين
زكريا بدل الشربات بقهوه ساده عشان الدكان مفيش غيري هياخدوا
منكش عيني يا سيد المعلمين
رفاعي پغضب منكششششش
جري منكش عليه
منكش ايوه يا معلم رفاعي
رفاعي قول للمعلم القهوه الساده حسابها عندي اصل الدكان بتاعي وبعدين مش هيبقى م وت وخړاب ديار يعني خسران ويحاسب كمان ده اسمه كلام
منكش طول عمرك فهمان يامعلم
خرج هيما ومحمد واحمد من المحل وراحوا عليهم لما شافوا الناس متجمعه وبتتفرج على الخڼاقه اليوميه للقط والفار بتوع اسكندريه
قام زكريا وقف وهو رافع حاجبه
زكريا ولا يا منكشششسس
منكش يارب خدني وريحني
ايوه يا سيد المعلمين
زكريا قول للمعلم جيب السبع ميخلاش وعمري ما اطلع خسران ولو كنت ناسي أفكرك بأخر دكان خدته
منكش ماهو سامعك لازم المشوره دي
قام رفاعي پغضب ولا يا منكششششس
وقف منكش في النص وبص لرفاعي
رفاعي قول للمعلم اللي فاتح صدره صحيح انت خدت الدكان بس بعد ما لبستك في سعره ودفعت فيه الطاق طاقين يعني جاي عليك بخساره المعلم رفاعي عمره ما يخسر ابدا
زكريا پغضب بص لرفاعي اتقي شړي يا رفاعي
رفاعي اعلى ما في خيلك اركبه يا زكريا
زكريا وماله هنروح بعيد ليه المزاد اخر الاسبوع وهنشوف مين اللي هيعيط
رفاعي كويس انك فكرتني ابقوا فكروني اجيب كام كيس مناديل للمعلم زكريا عشان هيحتاجهم الفتره الجايه
زكريا لو على رقبتي يا رفاعي مش هسيبلك الدكان
رفاعي هاخده يا زكريا وهطير رقبتك
لو اخر مليم في جيبي هاخده
زكريا الساحه قدامك يا رفاعي والشاطر اللي يكسب في الاخر
رفاعي خليك بس انت قد القول واكسب وانا يا سيدي هباركلك بكل روح رياضيه وهديتي ليك هولعلك فيه ومش ههنيك عليه
عبدالله متردش كتير يا معلم وتتعب قلبك الدكان بتاعنا
كرم بصلوا والله وطلعلك صوت يا ابن الجمااال
عبدالله
كرم والمرسي أبو العباس عشان كلمتك يا عبدالله الدكان مش هيبقى لحد تاني غير المعلم رفاعي وانت عارف لما كرم الرفاعي يحلف
عبدالله وانا مش هرد عليك بس هقولك زي ما ابويا قال الساحه قدامك يا كرم والشاطر اللي يكسب
كرم هكسب وهجيب جون بصباع رجلي الصغير
بعد مناوشات حاده بين المعلمين دامت اكتر من نص ساعه وبعد ما فرجوا الناس عليهم في الشارع والبلكونات اخيرا هديوا وكل واحد فيهم مشي من قدام التاني
دخلت نجوى ومها من البلكونه
مها انا حاسه ان المزاد بتاع المرادي هيولع
نجوى هي اول مره يعني ماهما على طول نقرهم من نقر بعض وواقفين لبعض بالمرصاد
مها مقصدش على ابويا والمعلم زكريا اقصد على كرم انتي مش شايفه يا اما كلامه كرم اول مره يتدخل في حاجه زي دي وحلف ان المزاد مش هيطلع من ايد ابويا
نجوى حلف لما عبدالله اتكلم وانتي عارفه يا بت كرم محروق منهم ازاي
مها منها لله اللي كانت السبب مين يقول ان كرم وعبدالله وابويا والمعلم زكريا اللي كانوا اكتر من اخوات يبقوا اكبر اعداء لبعض بسببها
نجوى ماهي كانت اعز واحده ليكي وكنتي بتعتبريها اختك الوقت بتدعي عليها
مها حړقت قلب اخويا يا
اما وبعدين ايه بتدافعي عنها ليه حنيتي يا ست نوجا
نجوى بلاش انا اتكلم عشان كلامي بيعجبكيش
مها يبقى احسن بردوا يا اما انا طالعه اشوف اللي ورايا
نجوى اطلعي يا اختي
رفاعي بغيظ فضل رايح جاي في المحل اه يا زكريا الكلب وديني ما هسيبك
بكر ما تروق يا معلم الدكان هيبقى بتاعنا متقلقش
رفاعي مش قلقاااان يا بكر الدكان ده مش هسيبه يعني مش هسيبه انا بس متغاااظ من الثقه اللي بيتكلم بيها ومحروق على الدكان اللي بيعايرني بيه انه خده مني
بكر هو صحيح خده منك بس بعد ما فضلت تعلي عليه السعر وخده بالغلا يعني مطلعش كسبان زي ماقال
رفاعي بابتسامه كيد ايوه خليته دفع قد تمنه مرتين
بكر طيب يا معلم يبقى مين اللي كسب
رفاعي انا
قدر بكر يضحك عليه بكلمتين ويحسسه بالانتصار عشان يتفادى الڠضب اللي جواه كالعاده
حس كرم پخنقه في المكان وحس انه حابب يبقى لوحده شويه
كرم بصوت واطي بكر بقولك اني هغطس شويه
بكر على فين يا صاحبي
كرم مش عارف بس مخڼوق
بكر بابتسامه حزن على حال كرم ماشي روح يا صاحبي انا مكانك
خرج كرم من الدكان ومشي باتجاه البحر اللي بيبعد كام متر عن شارعهم
ومخدش باله من اللي بتراقبه من البلكونه واول ما شافته خرج نزلت وراه بسرعه
نبيله كيرو ولا يا كيرو
وقف كرم وهو مش طايق نفسه وبص لنبيله
كرم عايزه مني ايه يا بلبله
نبيله ايووووه في ايه ياولا مالك بتخانق دبان وشك ليه
كرم بقولك ايه يا بلبله انا مش طايق الهدوم اللي عليا ارجعي وسبيني
فضلت نبيله تبص وراها وقدامها وبعدين بصتله
نبيله ما انا عشان كده نزلت وراك ايه ياولا مش مقدر نزولي وراك
كرم أرجعي يا بلبله بدل ما انتي قاعده تبصي وراكي وقدامك زي الحرامي اللي سارق سريقه
نبيله بابتسامه جميله مش راجعه غير لما تروق
مشي كرم كام خطوه وسابها راحت وراه بسرعه ومشيت جنبه
نبيله مالك مضايق نفسك ليه بس
كرم البركه في ابنك وجوزك يا بلبله
نبيله ياواد يعني هي اول مره تقفوا لبعض بالمرصاد كده
كرم لا اول ولا تاني بس ابنك الحيله زودها وخدي بالك يا بلبله اني لو عامل حساب لحد في العيله دي فاهو انتي وفاضلي تكه من ابنك الحيله وحتى انتي مش هعملك حساب
نبيله ايووه عليك ما انت رديت عليهم يعني انت سكت
كرم لا يا اختي مسكتش بس خدي بالك انا خلقي في مناخيري واللي صبرني عشرين سنه عليهم مش هيصبرني ثانيه كمان وديني يا بلبله هرجعهملك البيت متقطعين في شوال زي ما بعمل في الدبايح وخصوصا ابنك الحيله
نبيله بضحك يا ولا بطل حمقتك دي مين ده اللي يدوسلك على طرف بس وبعدين بقولك ايه سيبك من الكلمتين الخايبين اللي زكريا وعبدالله قالوهم الدكان هيبقى من نصيبك انت يا ولا
طب والمرسي ابو العباس لا هدعيلك في كل صلاه ان المزاد يرسي عليك
بصلها كرم وهو رافع حاجبه
كرم ايوووووه عليكي تصدقي بالله انتي لو بتشتغلي مرشد كان زمانك جايبه لعبدالله ومعلم زكريا مصېبه في ايه يا بلبله بتتفقي معايا على جوزك وابنك
نبيله بضحك احيه عليك انت لا عاجبك كده ولا كده
كرم ايوه يا بلبله بس مش كده يا شيخه عايزه تقنعيني انك بتحبيبني اكتر منهم
نبيله بحب يا واد انت عارف حبك في قلبي عامل ازاي انا بحبهم اه بس مقدرش اشوفك زعلان يا كيرو انت ابني يا ولا في الرضاعه
كرم والنبي يا بلبله بلاش نخع بقى
بقالك سنين قرفاني بالاسطوانه دي رضعتك رضعتك وطلع في الاخر رضعتي البت مها اختي على اللي ماتتسمى بنتك
نبيله مين ياولا اللي قالك كده اني رضعتك انا فاكره كويس
كرم يبقى دي بوادر زهايمر يا بلبله وامي اللي قالتلي انك رضتعي مها وهي رضعت اللي ما تتسمى
نبيله وفي حد يصدق نجوى
كرم ايوووه عليكي امال كنت هتجوز بنتك ازاي واني اخوها في الرضاعه
نبيله احيه عليك معرفش اخلص من كلامك ده ابدا وبعدين مالك ومال اللي ما تتسمى جايب سيرتها على الصبح ليه حنيت يا ولا
كرم لو انتي حنيتي يا اختي كنت انا حنيت
بصتله نبيله بنظره حزن ولمعه في عينها اول مره يشوفها كانت ديما واقفه في صفه ومقسيه قلبها على بنتها عشانه
كرم ايه يا بلبله حنيتي ولا ايه
نبيله بدموع قلبي واجعني يا كرم
بصلها كرم بنظره حزن وانكسار مش بتظهر غير قدام نبيله بس لان وجعهم واحد
كرم قلبك بقاله عشرين سنه ما بيتوجعش عليها يا بلبله قلبك بقاله عشرين سنه
حالف ما يدخلها عليه تاني ايه اللي جرى
نبيله هتزعل مني
كرم بحب لو زعلت من الدنيا كلها قلبي عمره ما يطاوعني ازعل منك
يا بلبله
نبيله بنظره حزن من يوم اللي حصل
