ابن ليل بقلم اميره اسامه

بس هنقوله قولتلك ايه 
دره اسمعي يا ستي
سونه معاكي 
وبدأت دره تقولها بالتفصيل هي هتقول ايه ليوسف 
وبعد ما قفلت معاها بعتت اول رساله ليوسف انها في المستشفي مع بنتها وهتكلمه لما ترجع 
وبعد كلم ساعه علي الساعه خمسه بعتتله الرساله التانيه ان صحاب بنتها موجودين ولما يمشوا هتتصل عليه ورد يوسف عليها بتمام 

اليوم كان ماشي هادي علي الجميع إلا دره اللي مانت عينها علي الساعه طول الوقت وماشيه خطوه بخطوه مع سونه
وطبعا بكر وحسن علي علم بكل خطوه 
وفي وسط اليوم بعد المغرب اتصلت دره بحسن قالتله يتصل علي يوسف عشان يثبته اكتر وقالتله يقوله ايه 
حسن بااااشا
يوسف ايوه يا ابو علي في حاجه حصلت ولا ايه في المكان
حسن لا المكان تمام وكله جاهز علي إشاره من سعادتك بس انا قولت نتصل نشوفك اتأخرت عليا ليه من امبارح لت حس ولا خبر انت غيرت رأيك ولا ايه
يوسف لا مغيرتش رأيي ولا حاجه انا قولتلك امبارح ان الوقت اتأخر ومش هينفع نبدأ والست اللي هتساعدني لسه متصلتش بيا هي شويه وهتكلمني عرفها كل حاجه وهديك التمام اول ما تكلمني 
حسن تمام يا باشا وانا مستني
يوسف ماشي يا ابو علي شويه وهكلمك 
حسن بأذن الله
يوسف سلام
حسن سلام يا باشا 
الوقت كان بيمر وعلي الساعه تسعه ونص دره اتصلت بسونه وقالتلها تكلم يوسف
وفعلا عملت كده واتصلت بيوسف سمعت منه كل اللي حصل وكل اللي حسن قاله وان المكان جاهز وطلب منها تتصل بدره وتخليها تقابلها فورا وتجيلها علي المكان وهيبلغ حسن يقفلهم علي الشارع عشان ياخدهم لحد عنده
بعد كلام دار بينهم حوالي نص ساعه
قفلت معاه سونه حكت لدره كل حاجه 
ابتسمت دره واطمنت ان خطتها ماشيه بالمللي زي ما خطتت 
دره الساعه الوقت عشره وربع تقفلي معايا وترجعي تتصلي عليه وتقوليله اللي قولته 
سونه تمام هنخلص معاه ونرجعلك
دره تمام 
قفلت سونه واتصلت عليه رد بسرعه
يوسف ايوه يا سونه عملتي ايه
سونه بتمثيل مرضيتش تنزل معايا خالص الوقت وقالتلي ان الوقت متأخر ومش هتقدر تسيب البنات 
يوسف پغضب بسيط انتي اكيد معرفتيش تقنعيها كويس
سونه مين ده اللي معرفتش تقنعها ده انا اقنعتها ووافقت كمان بس قالتلي خليها بكره 
يوسف بكره ازاي بس يا سونه انتي عارفه ان طايرتي بعد بكره المغرب يعني مفيش اي وقت
انتي اكيد معرفتيش تقولي حاجه قويه تقنعها خصوصا انتي بتقولي انها لا بتطيقك ولا ليكي كلام معاها
سونه انا قولتلك خليك واثق فيا يا باشا واظن اني كنت قد الثقه دي لانها اقتنعت ولولا اني بنكلمها متأخر كانت نزلت معايا
يوسف طيب انتي قولتيلها ايهاقنعتيها ازاي
سونه انت يا باشا قولتلي انها بتجي بالاستعطاف وبتصدق اي حد وانا عملت كده اتصلت بيها الاول عملت فيها طيبه ومنكسره اعتذرتلها علي اي حاجه بينا وشكرتها عشان كانت اوقات بتيجي تطمن علي البت وهي في المستشفي وهي قالتلي خلاص ومفيش حاجه وبنتك زي بناتي وصدقت فعلا وطلبت منها عشان نصدق انها صفيت من ناحيتي وسامحتني تيجي معايا مشوار وهنستأمنها علي سر محدش يعرفه ابدا فضلت ورايا تسأل وتقولي في ايه اضطريت اني نقولها اني تعبانه وعندي مرض وحش ومحدش يعرف وعايزه نتكلموا معاها منها نتصافوا اكتر ومنها اني نوصيها بشويه حجات لو جرالي حاجه
يوسف وصدقتك 
سونه احيه عليا دي كان فاضلها شويه وټعيط ولما لاقيت صوتها علي شويه تقولي ازاي مش بتتعالجي وازاي سايبه روحك قولتلها ابوس ايدك اسكتي اصلها كانت في بيت امها وخۏفت حد يسمع قالتلي طيب خلاص واكيد هنتكلم بس خليها بكره عشان مش هتعرف تنزل
يوسف طيب كويس اوي وبكره امته احنا لازم نبقي عارفين بالوقت عشان الخطه تمشي مظبوط 
دره متقلقش هنقولك هي قالتلي بكره في كام مشوار هتعملهم بخصوص امتحانات البنات وهتكلمني اجهز روحي وتعدي عليا بالعربيه تاخدني 
يوسف عربيه طب ازاي وحسن
سونه ما انا قولتلك خليك واثق فيا متقلقش انا هنتصرف هنبقي نبوظلها العجل بأي سکينه بس المهم حسن ده يكون واقف من قبلها بنص ساعه عالشارع عشان اول ما نقوله يلا يكون معايا عالخط بس في حاجه مهمه
يوسف قولي
سونه خلي حسن ده يبعتلك صوره او يقولك رقم العربيه اللي هيجي بيها عشان نبقي نعرفه
يوسف ايوه صح تمام ماشي هخليه يبعتلك صوره ورقم العربيه كمان وهبعتلك رقمه واديله رقمك
سونه حلو اوي يبقي بكره معادنا 
يوسف تمام هبعتلك الوقت صورته ورقمه
سونه تمام بالسلامه يا باشا
يوسف سلام 
قفلت سونه اتصلت علي دره ويوسف اتصل علي حسن طلب منه الصوره وعرفه انه هيبعتلها رقمه وبعتله رقمها وخلص معاه كل حاجه 
قفل معاه حسن وبسرعه عمل حروب بينهم هما الاربعه عشان يعرفوا يتكلموا خصوصا ان وقت الجد فاضل عليه وقت بسيط ولازم كل حاجه يكونوا متفقين عليها بالظبط 
بعت حسن رساله ليهم كلهم
حسن بقول ايه الشات ده عشان نقدر نتكلم فيه كلنا مع بعض بدل ما كل شويه نتصل بواحد واحد 
بكر بضحك والله جدع ي ولا كانت غايه عني فين دي
حسن معلش انت تعليم حكومي يا خال بقي 
بكر ماشي يا واطي المهم ايه اخر الاخبار
دخلت سونه ودره بعد ما قفلوا مع بعض وبلغهم حسن بكل حاجه
دره تمام كده كل حاجه ماشيه زي ما احنا عايزين بالظبط
كل اللي فات انسوا المهم الخطوات اللي جايه لازم تتنفذ بالحرف
بكر طيب يلا ادينا الجديد
دره بكر انت بكره لازم تلاقي طريقه تبعد بيها كرم عن المنطقه باي شكل احنا هنتحرم انا وسونه وحسن علي الساعه 8 وهي هتقول ليوسف ان هو ده الوقت اللي انا فاضيه فيه كل اللي عليك تبعد يوسف الوقت ده باي طريقه قوله اي حاجه في مشكله في المزرعه في اي حاجه في اي مكان المهم يمشي من الشارع عشان نعرف نخرج انا مش هقوله اني نازله بس هقولهم في البيت انهم كلموني في المستشفي وعندي شغل
سونه طب افرضي عرف انك كدبتي عليه هتقوليه ايه
دره لما نرجع وقتها انا اصلا هنقوله ونقول للكل اللي حصل بس لحد ما ده يحصل مش لازم حد فيهم يعرف اي حاجه عشان الخطه تمشي مظبوطه وعشان محدش يقلق واكيد هيدوني عذري وهنراضيهم بطريقتي
بكر لا لحظه هو انتي عيزاني نبعد كرم ومنبقاش معاكي مستحيل انتي عبيطه يا دره عايزه تروحي انتي وحسن ودره بس ده انا لو مستغني عنكم مش هنعمل كده ده انا بنقول ربنا يستر لما كرم يعرف اني كنت عارف ومخبي عليه عشان ميزعلش مني كمان عايزاه يعرف اني سيبتك ومجيتش معاه عشان بس نبعده 
مستحيل طبعا وانا موافق
حسن دره بكر بيتكلم صح كرم لو عرف هيطين عيشتنا ما بالك لو روحت انا بطولي معاكم لازم بكر يكون معانا 
دره وهو مين قال انه مش هيبقي معانا هو كده كده مكانش هينفع يجي معايا انا وسونه عشان يوسف ميعرفش هو هيجي ورانا علي طول 
بكر لا انا هنروح بكره قبلكم وقبل ما يوصل يوسف وانا هنكلم كرم نقوله يجيني علي اي مكان عشان عايزه وبس توصلوا هنقفل موبايلي عشان كرم ميوصليش لحد ما نخلصوا الحوار ده علي خير 
دره طيب تمام يبقي متفقين بكره هنمشي مع بعض خطوه خطوه
حسن طب ولما نوصل هناك هنعمل ايه يا دره
دره لا لما نوصل سيبوا
الباقي عليا انا جزء من الخطه چاك هينفذه من بعيد ويبقي معلنا خطوه بخطوه والباقي عليا وعليكم 
بكر خير ان شاء الله 
دره سونه بكره لما ننزل هتخلي سماح تيجي تقعد مع البنات وهتقوليها ان انا كلمتك وقولتلك تيجي معايا المستشفي عشان عرفت من دكتور عمرو ان هما في المستشفي عشان بيطمنوا علي ياسين وقولتلك تعالي شوفيها عشان البنت هتتجنن عليكي وهنرجع سوا 
سونه والنبي بنت حلال يا دره كنت لسه هقولك اقول لسماح اني سيباها وراحه فين
دره الكلام ده هتقوليه قبل ما ننزل بعشر دقايق عشان متديهاش فرصه تتكلم او تسأل هتجبيها ونطلعها علي البنات علي طول وبعد كده نمشي
سونه ماشي اتفقنا
دره تمام يلا بقي سلام الوقت وعلي معادنا بكره 
اليوم مر لكن الليله دي تحديدا مكانتش سهله علي الاربعه والخۏف والتوتر كان شئ طبيعي انه يصاحبهم خاصتا دره اللي النوم خاصم عينها لكن مكانتش خاېفه ولا متوتره خاصتا بعد كلام كرم ونصايحه ودعمه ليها بطريقه غير مباشره لكن اعصابها كانت مشدوده شويه لانها كانت عايزه كل حاجه تمشي زي ما هي مخططه كانت رغم انها عارفه دماغ يوسف وانه مش هيفكر بطريقه اسوء من كده إلا انها كانت قلقانه يحصل عكس توقعاتها وبكر وحسن وسونه يتأذوا بسببها فضلت طول الليل سهرانه و معاها ورقه وقلم كانت بتكتب خطتها من بدايه ما فكرت انها ترجع حقها وكل ما جزء منها يتنفذ تشطب عليه وكل ما تحس ان في خطوه زياده لازم تضيفها للخطه تكتبها مسكت القلم وشطبت اخر حاجه نفذوها في مكالماتهم مع يوسف وفضل قدامها كام خطوه هتنفذهم بكره 
سابت من ايدها القلم وبصت للشباك الصبح طلع السماء كانت صافيه اتنهدت و قالت يارب
وبعدها بصت للورقه وهي حاسه انها مصدعه من قلة النوم قامت شالتها في الشنطه وراحت تاخد شاور فتحت المايه علي البانيو لحد ما اتملأ علي الاخر حطت الشاور المفضل ليها ونزلت جوه البانيو غمضت عينها وحاولت ترخي جسمها خالص وتهدأ
غابت اكتر من ساعه وهي في دنيا تانيه بتحاول تفصل وتكون هاديه اليوم بالنسبالها يوم صعب ومحتاج تركيز 
نزل حسن وبكر كل واحد راح علي المحل بتاعه كانوا عايزين علي قد ما يقدروا ميلفتوش النظر ويومهم يكون ماشي عادي
اما سونه فا صحيت من بدري جهزت الاكل وخلصت كل حاجه وراها 
وفي وسط إلتزامتهم بشغل يومهم عشان يظهروا بشكل طبيعي إلا ان كل واحد فيهم كان عنده حاله من التوهان جسمهم شغال في اعمالهم اليوميه لكن عقلهم كان في توقعات لاحداث اليوم 
الوقت كان بيمر وعلي غير العاده بيمر بطريقه سريعه دره عينها كانت علي الساعه طول الوقت
وكل ما تحاول تشغل نفسها في حاجه ترجع تبص علي الساعه تلاقي وقت طويل عدي بصت علي الساعه في الوقت ده كانت الساعه سبعه مساءا وفاضل حوالي ساعه ونص وتتحرك هي وسونه وحسن 
مسكت الموبايل واتصلت علي كرم كانت عارفه انه في المستشفي وحبت تعرف
هيرجع امته عشان تطمن 
كرم ايوه يا حبيبي
دره اخبارك ايه
كرم الحمد لله كله تمام بتعملي ايه
دره ولا حاجه قاعده والبنات بيذاكروا 
كرم طيب كويس الحمد لله في اي حاجه محتاجينها
دره بحب لا يا حبيبي سلامتك انت هتخلص امته
كرم لا لسه مش الوقت يعني كمان ساعه ونص ساعيتن هنمشي يعني ممكن علي تسعه نكون في البيت إن مكانش قبل
دره تيجي بالسلامه يارب
كرم بإبتسامه ايه وحشتك
دره بإبتسامه انت واحشني علي طول يا كرم
كرم انا بنقول نقوم نيجي وبلا مستشفي بلا دكتور بلا هم 
دره بضحك لا لا وعلي ايه خلاص ربنا يهيدك 
كرم بضحك بنقول نرجع احسن
دره لا الطيب احسن
كرم طيب بنقولك ايه نجيبلك ايه وانا جاي
دره بضحك انت متقمص دور الراجل المتجوز اللي راجع بيته وبيسأل مراته نجيبلك ايه وانا جاي
كرم بغيظ