ابن ليل بقلم اميره اسامه

أبن ليل
صاحبة البطل الواحد
أميره اسامه
البارت الأول
في محافظه الأسكندرية عروس البحر المتوسط وتحديدا في بحري
الساعه 12 مساءا 
اصوات عاليه وصوت خناق في بنايه المعلم رفاعي في الدور الرابع 
مها والمرسي ابو العباس لا هطين عيشتكم انهارده لو ما نطقت منك له
بكر ما تنطق ياولا منك له
محمد ايوووه انت مصدق كلامها يا بابا 

بكر اهو ادام قولت يا بابا تبقى عامل مصېبه انت واخوك
ضحك احمد وحط ايده على بوئه 
مها شوف الولا بيضحك ازاي ولما أنسل شبشبي على دماغتكم بتزعلوا
محمد يا ست الكل والله ما جرا حاجه كل الحكايه ان سونه نادت عليا من الشباك وقالتلي انها عايزه ربع كيلو جبنه تركي روحت اجيبلها و رجعت ناديت عليها نزلت السبت بس الحبل اتعقد فا طلعت ادتهولها ومخدتش خمس دقايق ونزلت بسرعه
مها بتريقه لا والله بقى الحبل اتعقد فا طلعت تديها الجبنه التركي ومخدتش غير خمس دقايق ياولا انا شيفاك بعيني 
اللي هياكلهم الدود دول طلعت و نزلت بعد نص ساعه انا قولت الف مره تبعدوا عن سونه دي خالص دي مره ملعب وغيتها تصطاد العيال الصغيره
احمد احنا مش عيال يا مها
مها أتلهي بدل والمرسي ابو العباس اقطع من جسمك نسايل وارميهم لكلاب السكك
بكر بالهدواه يا مها انتي اكيد حسبتي الوقت غلط وبعدين نص ساعه الولا هيلحق يعمل فيهم حاجه
ضحك محمد واحمد وكتموا ضحكهم
مها پغضب انتوا ناوين تشلوني وبعدين انت مشكلتك في انه ملحقش يعمل حاجه ولا في انه طلع لسونه الزفت دي
بكر اني معنديش مشكله يا قلبي انتي اللي عندك
مها ماليك حق ماهم طالعينلك 
بكر ايووووه انتي هتسيبي عيالك وتمسكي فيا ما انا مرزوع في وشك طول اليوم يا في البيت يا تحت في الدكان بس انا عايز افهم انتي ايه مشكلتك مع سونه دي حطاها في دماغك ليه ومعكره مزاجك
مها هو كده يا بكر مره ملعب ومش سالكه بنص جني لا بنطيقها ولا بنطيق بنتها سماح الوليه مطلقه خمس مرات و كيفها تحوم على الشباب الصغيره وولادك مبيعتقوش ديلهم نجس
محمد احنا ديلنا نجس طب بزمتك شوفتي علينا ايه يخليكي تقولي كده احنا نمشوا نتسلوا لكن نرافق في الحړام محصلتش ولا هتحصل ولا انتي يا ست مها مش واثقه في تربيتك
بكر هااا ارتاحتي
مها انا واثقه في تربيتيي لكن مش واثقه فيكم يا ولاد بكر هي كلمه ومش هتنيها وديني يا محمد انت واخوك لو قربتوا يمة المره دي لا اكون مطلعه روحكم بأيدي او هعلقكم على باب الدكان تحت زي الدبايح
أحمد أمك شكلها مضايقه عشان عايزه تجوزها لخالك
مها تف من بوئك ياولا سونه مين دي اللي تتجوز سيد الناس مبقاش غير سونه اللي تبقى مرات اخويا
الباب خبط في الوقت ده بصوا لبعض كلهم 
احمد احيه شكل كده جدي سمع صوتك وطالع يروقنا
محمد عاجبك كده هو يوم مهبب اني عارف
مها احسن خليه يجي يشوف ولاد بنته اللي طالع بيهم السما
راحت مها عشان تفتح 
بكر بضحك وصوت واطي لبستوا يا خرونج منك له اشربوا بقى جدكم هيرفعكم
احمد بقولك ايه يا بكر خليك معانا
بكر انا!!! ولا اعرفكم
فتحت مها الباب ووقفت ساكته
طل عليها كرم بهيبته المعتاده وصوته الأجش
كرم صوتك عالي ليه يا مها
مها بتمثيل العياط ألحقني يا اخويا ولاد بكر ھيموتوني
احمد احييييه امك قلبت امينه رزق
محمد قول الحمد لله انه كيرو مش جدك
بكر الوقت بقوا ولاد بكر 
تعالى يا كيرو ادخل 
دخل كرم بهدوء ايده الاتنين وراء ضهره و السېجاره بين صوابعه وباصص على احمد ومحمد 
كرم في ايه منك له
محمد ولا حاجه يا كيرو بس امي بصراحه بقت صعبه اوي
مها شايف يا اخويا الولا مبقاش طايقني 
كرم اتكلم مع امك عدل يا محمد وقول في ايه
محمد يرضيك يا كيرو امي تشك فيا ليه وليه سونه ناديت عليا عشان عايزه جبنه تركي حدفت السبت بس الحبل طلع متعقد فا طلعت ناولتها الجبنه ونزلت والمرسي ابو العباس ماخدت خمس دقايق وهي مصممه اني فضلت فوق نص ساعه
كرم بص لمها الولا حلف يا مها
مها بشهقه قالو للحرامي أحلف يا خويا
محمد بقى كده يا مها انا حرامي
كرم متسوقش فيها بدل ما اروق عليك كام مره قولت تبعدوا عن سكه سونه ومحدش فيكم يجي يمتها
احمد هي اللي نادت علينا يا كيرو يعني نقولها لا مش هنجيبلك الوليه قصدتنا في خدمه
مها وانتوا مبتقصروش كله إلا الخدمات بتاعت سونه
ضحكوا كلهم على مها وابتسم كرم بهدوء وبص لمها 
كرم خلاص بقى روقي دمك عيالك صايعين اه بس متقلقيش
دول تربيتي يا بت
مها والنبي ما حد بوظهم غيرك انت وابوهم
كرم الله هتقلبي عليا انا كمان
ضحكت مها و طبطت على كتفه بحب
مها وانا اقدر يا غالي 
كرم ماشي ياستي المهم وطي صوتك شويه وبلاش الحمقه دي ابوكي لو سمع هيطلع يروقك انتي وعيالك والراجل الغلبان ده
بكر قولها والنبي يا كرم 
مها قولهم انت يبطلوا يحرقوا دمي المهم انت بتعمل ايه كل ده في الدكان ده بكر طالع من ساعتين 
بكر صحيح انت روحت فين احنا مش قفلنا الدكان سوا
كرم روحت عالكورنيش شويه
مها احيه عليك يا كرم كورنيش الوقت ده الدنيا بره كانت بتشتي 
كرم اتمشيت شويه واديني رجعت اهو يلا انا طالع انام مش قادر 
مها طالع فين والمرسي ابو العباس ما هتطلع قبل ما ناكلوا سوا
كرم يابت بطلي تحلفي عمال على بطال انتي عارفه اني ادام قولت طالع يبقى طالع
مها ايوووه بتحلف عليا وبعدين اني عامله العيش بلحمه اللي انت بتحبه 
كرم بالف هنا عليكم اني مش جعان يلا تصبحوا على خير وانت ياولا انت وهو متضايقوش أمكم وحبوا على راسها بدل ما تغضب عليكم
أحمد حاضر يا خاااال
محمد حبيبي يا كيرو بقولك ايه سونه بعتالك السلام
ضړبته مها على كتفه سلم على قلبك انت واللي ما تتسمى
بكر تصبح على خير يا كيرو
كرم بضحكه هاديه وانتوا من اهل الخير 
خرج كرم وقفل وراه الباب وطلع على شقته في الدور الخامس واللي قاعد فيها لوحده 
مها فضلت باصه على الباب واتنهدت تنهيده حزن
مها عيني عليك يا اخويا الله يجازي اللي كان السبب
محمد لا بقول ايه ياست الحبايب مش وقته خالص تفتحتي المندبه بتاعت كل يوم اني جعان
مها انا بفتح مندبه ياقليل الربايه 
احمد انا من يوم ما وعيت على الدنيا وانتي كل يوم تفتحي المندبه دي محمد مغلطتش
مها شايف عيالك
بكر بضحك معاهم حق انسي بقى يا مها دول عشرين سنه
مها انسى !! طيب ولو انا نسيت كرم هينسى يا بكر
بكر كرم لا نسي ولا هينسى هو بيحاول يعيش ويتعود فا منقلبش عليه المواجع احنا بقى 
مها بتنهيده يلا جهزوا التربيزه هجيب الاكل
طلع كرم على شقته حط المفاتيح وكل حاجته على التربيزه دخل خد دش دافي وبعد وقت بسيط طلع وكالعاده اللي مقطعهاش من عشرين سنه شغل اغنيته المفضله
لسه فاكر قلبي يديلك أمان حط قهوته على ڼار هاديه وراح لبس ورجع خد قهوته وفضل يلف على الشقه يقفل في الانوار كلها ويعيش الجو اللي بيفضله مع قهوته و أغنيته المفضله وحالة الشجن اللي ملازمه قلبه وكالعاده خانته رجليه وراح بهدوء على البلكونه
حط فنجان القهوه على سور البلكونه
وۏلع سېجاره وسرح مع كلمات الأغنيه
وهو باصص على العماره اللي في وش عمارتهم 
لسه فاكر قلبي يدي لك أمان
ولا فاكر كلمة حتعيد اللي كان
لسه فاكر قلبي يدي لك أمان
آه ولا فاكر كلمة حتعيد اللي كان
ولا نظرة توصل الشوق والحنان
لسه فاكر كان زمان كان زمان
لسه فاكر كان زمان كان زمان 
كانت الأيام في قلبي دموع بتجري
وإنت تحلى لك دموعي وهي عمري
كانت الأيام في قلبي دموع بتجري
وإنت تحلى لك دموعي وهي عمري
ياما هانت لك وكانت كل مرة
تمحي كلمة من آمالي فيك وصبري
ياما هانت لك وكانت كل مرة
تمحي كلمة من آمالي فيك وصبري كلمه 
عينه كانت على البيت وهو ملامحه بتتبدل في الثانيه الف مره ما بين تأثر وحزن وحنين وڠضب 
اتنهد كرم بۏجع وخد الفنجان بتاعه ودخل وقفل باب البلكونه وراه
في صباح يوم جديد أتجمع كل أفراد عيله الرفاعي كالعاده على الفطار 
رفاعي هو كبير العيله تاجر مواشي وجزار كبير في بحري بيملك 6 محلات جزاره في شارعهم
اربعه منهم تحت بيته فاتحهم على بعض بعرض العماره كله محل كبير اوي كل حاجه تخص اللحوم بيبعها فيه
والمحلين التانين على اول شارعهم وعنده ارض عاملها مزرعه للمواشي خاصه بتجارتهم فقط 
نزل كرم كان الكل متجمع على السفره
دخل كرم القى السلام على الجميع وقرب من والدته باس راسها بحب 
كرم صباح الخير يا نوجا
نجوى صباح الفل والسعاده والهنا
قرب كرم من والده باس ايده
كرم صباح الخير يا سيد المعلمين
رفاعي صباح الخير يا كرم 
قعد كرم في الكرسي اللي قدام رفاعي
إبراهيم وانا مفيش صباح الخير يا هيما انا حتى اخوك يا كيرو
كرم ما بلاش انت خليني ساكت
إبراهيم الله وانا عملت ايه عالصبح
كرم غطست فين ياولا امبارح وسيبتني اتعك في قفل الدكانين اني و بكر
بصلوا إبراهيم وهو بيغمزله
رفاعي مالك بتبرقله ليه قولوا
انك كنت بتصيع
إبراهيم أنا يا حجيج الله يسامحك وانا بردوا ليا في الصياعه 
مها حوش حوش اللي يسمع يقول مبيسبش السجاده بتاعت الصلاه
إبراهيم اعوذ بالله سخان كهرباء عايش معانا
محمد انت لسه واخد بالك يا هيما اختك كده على طول
مها طبعا ومين يشهد للعروسه ما انتوا التلاته راسكم في راس بعض 
نجوى بضحك يابت مالك ومالهم ماتسبيهم بتعدي النفس عليهم ليه
مها عشان متربوش التلاته يا نوجا ابنك و ولادي هينقطوني
نجوى بعد الشړ عليكي يا قلب امك
رفاعي كفايه خوتت دماغ انتي وهما عالصبح خلونا في المهم
بكر خير يا حاج
رفاعي سمعت امبارح ان في مزاد على محل على إمه الشارع اللي ورانا و عرفت زكريا الجمال داخل المزاد ده عايزك يا بكر تجيبلي كل التفاصيل وتسجل اسمي في المزاد
بكر عيني يا حاج بس يعني لو تسمحلي اقول رأيي
رفاعي قول يا بكر
بكر يعني بيتهيألي المحل ملهوش لزوم كفايه الست محلات وبعدين هيبقوا كلهم في نفس المنطقه كتير اوي يا حاج بس طبعا براحتك
رفاعي عارف يابكر انه ملوهش لزوم بس اني مش هسيب المحل لزكريا الجمال لو فيها رقبتي 
مها بسخريه ملاقتش يابا غير بكر اللي يقوم بالمهمه دي انت ناسي ان اخته الحيله مناسبه عيله الجمال
بكر ايوووه عليكي ومال اختي بالموضوع الوقت وبعدين انتي لو مسمتيش بدني بكلامك عن اختي متعرفيش تكملي يومك
مها ومالك يا اخويا أتحمقت كده ليه
رفاعي بس انتي وهو بلاش صداع اسمع يا بكر اني عارف انك ما بتقولش كده عشان نسب اختك من عيله الجمال زي المخبوله دي ما بتقول وعارف انك بتتكلم صح بس انت عارفني اي حاجه زكريا الجمال يحط عينه عليها انا حالف اني مهنيهوش عليها زي ماهو بيعمل معايا بالظبط
نجوى ايوه يا حاج بس هو انت عشان متهنيهوش عليها تشتري حاجه ملهاش عازه عندك 
رفاعي ومين قال انها ملهاش عازه عندي بس كرم وبكر ماسكين الدكان الكبير ومحمد واحمد ماسكين الدكان الصغير مع هيما لما ناخد المحل ده كمان هيما يقف فيه لوحده المهم زكريا الجمال مياخدش المحل
بكر ماشي يا حاج متقلقش انا هظبطوا كل حاجه اطمن واعتبر المزاد بتاعنا
رفاعي على خيرة الله ساكت ليه يا كرم
كرم ابدا يا حاج اني معاك في اي حاجه تنكد على عيلة الجمال
رفاعي عفارم عليك
هيما بصوت واطي العداوه دي
مش هتخلص في