بقلم ميرو محمد

كوثر هتفرحلك اكتر مني
بصراحه اتعصبت وطلعت بره المطبخ علي شقتي هو انا هعمل ايه ولا ايه انا هقدر اخدم حماتي وبيتي وبيت سلفتي كمان لله الامر من قبل ومن بع ....
نمت بليل وصحيت علي تلفون حماتي 
_يلا ياكوثر قومي جهزي الفطار عشان سلفتك لازم تتغذي 
_حاضر ياماما 
لقيت حسام صحي 
_في ايه بتقومك بدري كده ليه
انا ملحقتش احكيلك بسنت تقريبا حامل ومامتك قالتلها ترتاح وانا الي هعمل كل حاجه فالبيت وفشقتها
_ليه هما اشتروكي مش هتعملي حاجه هي حامل متشلتش 
ونزل لمامته وهو متعصب وفضل يزعق وانا اهدي فيه ..

حماتي زعلت مني افتكرت مسخناه ..
مشي راح شغله وانا قعدت افهمها انها فهمت غلط وعشان اثبتلها ده طلعت لسلفتي انضفلها بيتها 
فتحت الدرج عشان احط حاجان لقيت شريط برشام 
منع الحمل ومتخد منه طب ازاي حامل واخده منه ندهت عليها اسألها هو ايه ده
_ بسنت لو سمحت اخرجي دلوقتي عشان عاوزاكي
في ايه 
_هو انتي ازاي حامل وازاي واخده برشام منع الحمل
وانتي ازاي تفتشي في حجاتي وعلي العموم ياكوثر انا رايحه لدكتور انهارده تعالي معايا 
البرشام دا ختو اول كام يوم قولت اعيش حياتي كام يوم 
شهرين تلاته بعد كده اجيب عيال اعقبالك ان شاء الله
في الوقت دا دخل جوزها لقيتها جريت تقوله
_اسكت ياحازم مش كوثر مش مصدقه اني حامل .
_لا ياكوثر بسنت حامل واحنا عاملنا اختبار في المعمل وهتروح لدكتور انهارده .
_اه منا هخدها انهارده ياحازم.
لو علي النضافه ياكوثر فانا مش عاوزاكي تنضفلي انا هنضف وحده وحده ...
_لا انا مش قصدي متزعليش مني ...
كملت تنضيف والدموع في عيني ونزلت عشان احضر الغدا 
اول مدخلت لقيت حماتي بتقولي .......
مالك ياكوثر شكلك كنتي بټعيطي 
_لاء ياماما ابدا التراب دخل في عيني ودمعت .
ربنا يابنتي يجبر بخاطرك ويرزقك بالذريه الصالحه .
دخلت احضر الاكل وانا مش قادره اقف علي رجلي
وبسنت بعدها بساعتين نزلت وجلست علي السفره علي طول
ولا قالتلي هاتي احط طبق معاكي ولا حاجه.
ولقيت حماتي كلامها اتغير معاها تماما وبقت تعاملها حلو جدا وعماله تقولها تعالي ارتاحي .
حطيت الاكل ودخلت اجيب بقيت الاكل من المطبخ
لقيت حمايا خرج من اوضته واول حاجه عاملها راح بايس
دماغ بسنت وقال لها اخيرا هتجيبي ليا ولي العهد اللي نفسي
فيه عارفه يابسنت لو جبتي ولد هاكتب لكم كل حاجه في
البيت والمحلات بتاعتي وهتبقي انتم اللي ماسكين كل
حاجه انا مش هكون ضامن عمري انتو هيبقي ليكم كل حاجه
ان شاء الله ياعمي هاجيب الولد وكمان هنسميه علي اسمك
بجد يابنتي ربنا يباركلك يارب ويجبر بخاطرك....
الكلام نزل عليه زي الصاعقه يعني هو قصده ايه انت هبقا في البيت خدامه وهي اللي هتبقي لها كل حاجه ليه كده انا ذنبي اني مبخلفش انا مش عايزه اقعد في البيت لحظه 
حطيتلهم الاكل وقلت ليهم انا هاروح البيت عندي عشان ورايا شوية حاجات وهبقي اكل بعدين
ماشي ياكوثر ماتنسيش هتيجي معايا عند الدكتور انهارده عشان اتطمن علي البيبي .
_ان شاء الله بعد المغرب كده هتلاقيني لابسه ومستنياكي .
دخلت شقتي واترميت علي السرير وفضلت اعيط كتير لقيت حسام داخل علي ومخضوض ..
_مالك ياكوثر في ايه ايه الحصل
ابدا ياحسام مافيش حاجه .
_والله لو ماقلتي في ايه هانزل تحت واټخانق معاهم كلهم .
حكيت له علي كل حاجه حصلت وكلام باباه وانهم عامليني خدامه في البيت 
اتعصب جامد وكان عايز ينزل يمسك فيهم لكن انا هديته
وقلت له انا اللي يرضيني انك تاخد شقه بعيد عنهم احنا خلاص مابقاش لينا حاجه هنا وهما اللي هيبقا ليهم كل