لا تتركني بقلم دينا محمد
ياحبيتي والله مش هعمل كده تاني
بس انا اټجننت لما شوفتك في الصور مقدرتش
امسك نفسي خالص حوطي نفسك مكاني
والله مش أنا انا محدش لمسني خالص
انا مصدقك ياحبيتتي اهدي وريحي اعصابك
ماشي انا هروح ؤضتي بقه
ماشي ياحبيتي روحي
ساره خرجت راحت ؤضتها وسليم غير هدومو
وحاول ينام بس مكنش عارف ينام ومنظر ساره
كان مش مفارقو خالص
صاحيه
امم
لسه زعلانه مني
ساره ودت وشها الناحيه التانيه بعيد عن سليم وقالت
لا مش زعلانه
سليم قرب من ساره ومسك وشها بإيدو ووجهو ناحيتو
بس انا زعلان وجدا كمان انا اسف ياساره
انت شكيت في اخلاقي ياسليم
انت تعرف لو عمي سمع الكلام ده ېقتلني من غير
مايسمعني حتي
ساره محدش يقدر يقرب منك طول ماانا عايش
اوعدني تثق فيا ياسليم ومتعملش كده تاني
متخوفنيش منك
عمري مهعمل كده تاني انا خلاص اتعلمت
وخدت درس اني اثق فيكي
ساره قربت وخضنت سليم جامد. اول مره
هي ال تقرب منو
سليم
سليم بهمس انا آسف انا مقدرتش اشوفك
بټعيطي كده
ساره بصت لسليم بحب وقالت
حصل خير ياسليم انا خلاص مش زعلانه منك
ويلا بقه علشان عندك شغل الصبح
ساره راحت ناحيه السرير ولقت سليم
بيقفل النور ورايح هو كمان ناحيه السرير
انت بتعمل ايه
سليم من غير اي كلام نام علي السرير وشد ساره خدها
في حضنو
اي ياسليم روح نام في ؤضتك عيب كده انت عايزهم
يقولو علينا ايه
انتي مراتي ومحدش يقدر يتكلم نص كلمه نامي
وانتي ساكته بقه
بس ياسليم
سليم حضنها اكتر وقالها
مفيش بس نامي بقه وسبيني نايم جنبك
ليه ياعني
علشان بحبك نامي بقه
ساره سمعت الكلمه دي من سليم واټصدمت واتفاجأت
ومعرفتش ترد خالص علي كلام سليم فسكتت ونامت
في بيت نعمان القناوي
ياعني مقالتش مين دي
لا مقالتش مين ياسيدي ومستنيه جنابك تحت
ماشي روحي انتي وانا هنزل اشوف عايزه ايه
دي
نعمان نزل بهيبته المعروفه ودخل ؤضه المكتب
بتاعو وشاف ست جميله في منتصف الاربعينات
اول مالفت واديتو وشها نعمان اټصدم
انا كاميليا انت نستني ولا ايه ياعمي
إنساكي ازااي وخير عايزه ايه
عايزه بنتي نفسي اشوفها حرام عليك
نعمان قام وقف پغضب وقال
انتي ملكيش بنات عندنا وحسك عينك تيجي هنا
تاني انتي فاهمه ولا لأ
انا لازم اشوف بنتي انت منعني اشوفها من سنين
اكيد بنتي عايزاني هي كمان
ريحي نفسك بنتك مفكره انك مۏتي من زمان
انك سبتينا بكيفك ومشيتي رجعتي بلدك
جايه ليه تاني بقه
انا جتلك كذا مره وانت مرضتش تخليني اشوفها
وانا المره دي مش همشي غير لما اشوف بنتي
قولتلك اطلعي بره ملكيش بنات عندنا انتي
ال سبتيها ومشيتي كونتي هتعيشي هنا معاها
معززه مكرمه بس انتي ال مقدرتيش وهربتي
طيب اشوفها من بعيد بس حرام عليك
قولتلك بنتك مش هنا وانا هنادي الغفر يرموكي بره
لو مخرجتيش
استووووب علي كده
البارت الثالث عشر
كامليا خرجت من البيت بسرعه وكانت عماله ټعيط
وسمعت صوت حد بينادي عليها لفت كاميليا تشوف مين
انتي مين وعايزه ايه
انا منال مرات سالم اخو سليم مش فكراني
معلش مخدتش بالي انا نفسي اشوف بنتي يامنال
ارجوكي خليني اشوفها ولو من بعيد بس
اهدي بس كده انا عارفه ياعني ايه ضني انا اتحرمت
منهم بس ربنا عوضني بساره انا مكنتش اعرف
انك عايشه انت ليه سبتيها ومشيتي ليه حد يسيب
بنتو كده ده انا ادفه عمري كلو واسمع كلمه ماما دي
والله العظيم انا خۏفت اهلي هددوني لو مرجعتش
هيقتلو بنتي يامنال وانا رجعت وكنت خاېفه اخد
ساره معايا وحاولت كتير اجي اشوفها بس عمي
مش عايز يسمعني ولا يخليني اشوفها ارجوكي
ساعديني انتي وخليني بس اشوفها من بعيد
اهدي وبعدين ساره مش هنا أصلا
انتي كمان مش عايزه تخليني اشوفها
افهميني بس ساره فعلا مش هنا ساره اتجوزت
كاميليا بصت لمنال بفرحه كبيره وقالت
اتجوزت من غير مااكون موجوده طب واتجوزت
مين وهي فين
اتجوزت ابن عمها سليم ومش عايشين هنا
وارجوكي بلاش توتري حياه ساره احنا مصدقنا
ان حياتها استقرت
انا عايزه اشوفها من بعيد بس ومش هعملها اي مشاكل
ساره بقت دكتوره ياكاميليا وشاطره جدا في مجالها
ومحققه ذاتها بلاش تخليها تتوتر علشان ظهورك
في حياتها هيخليها تتوتر
طيب ممكن تديني عنوان المستشفي ال شغاله
فيها
هديهولك بس انتي وعدتيني انك هتشوفيها
من بعيد
صدقيني هشوفها من بعيد بس اشوفها بس
ماشي العنوان اهو
ساره وسليم كانو قاعدين مع دكتور ياسر علشان
يتناقشو في موضوع المؤتمر
انتو اجازه بكره طبعا والسفر هيبقي بعد بكره طبعا
ان شاء الله يادكتور احنا عندنا عمليه بس النهارده
هنعملها وان شاء الله خير ومتقلقش علي المؤتمر
انا عارف
ان ده مهم بالنسبالك
انا واثق فيك وفي دكتوره ساره ولا ايه يادكتوره
متقلقش يادكتور ان شاء الله اكون قد الثقه
ده المتوقع منكم أصلا
شكرا يادكتور
بعد مرور ساعتين او اكثر خرج ساره وسليم من ؤضه العمليات وكان باين عليهم علامات التعب
بتعملي عمليه خطيره كأنك بتخيطي هدوم
ساره ضحكت علي طريقه سليم وقالت
حوش انت ال كنت متوتر ياعني ده اي كميه البرود
دي ياأخي
حوش واخي لا تعالي ندخل المكتب الأول علشان
سمعتنا كده في الأرض
اه وتطلبلي حاجه اشربها واكل اصل هلكت اوي في
العمليات
من عيوني ياقمري
دخلت ساره وسليم المكتب
عندك كشوفات النهارده
تقريبا كشفين او تلاته ومستعجلين
طيب انا معنديش هستناكي
طيب اوكي هخلصهم بسرعه
اثناء حديث ساره وسليم دخلت نسرين عليهم
نسرين بصت لساره وبعدين بصت لسليم وقالت
اي ياحبيبي عامل ايه قالولي انك كنت في العمليات
اه ولسه مخلص
بتتعب انت ياحبيبي بس متقلقش بكره نتجوز وتاخد
اجازه علشام الهاني مون بتاعنا
ساره بصت عليهم پغضب وغيره وقالت
عن اذنكم
نسرين قامت بسرعه ووقفت ساره وقالت
استني ياسووو علشان عايزه اوريكي حاجه
نسرين خرجت من شنطتها علبه قطيفه وكان فيها
خاتم ماس ودبله رجالي وبصت لساره بشماته وقالت
اي رايك ياسو
حلوين
دول بتوعي انا وسليم عقبالك كده
راحت نسرين ناحيه سليم ومسكت ايدو ولبستو الدبله
تحت نظرات ساره القاتله
انا جبتهم وكتبت الحساب بأسمك انا عارفه انك مش
هتستخسر فيا حاجه ياحبيبي
نسرين حضنت سليم وكانت متقصده تعمل كده قدام ساره وساره شافتها وهي بتحضن سليم ومقدرتش
تستحمل اكتر من كده وراحت ماشيه بسرعه
علي مكتبها وفضلت ټعيط كتيييير اوي
سليم لما شاف ساره مشيت بعد عن نسرين
امشي انتي دلوقتي يانسرين وهكلمك لما اروح
ماشي ياحبيبي سلام
نسرين مشيت وسليم راح يشوف ساره بسرعه
وراح مكتبها وفتحو
لو سمحت ياسليم انا مش فاضيه دلوقتي وورايا
كشوفات
ساره بوصيلي وانتي بتكلميني
ابصلك ليه وبعدين قولتك مش فاضيه
سليم لسه هيتكلم شاف الممرضه داخله
اول كشف جه يادكتوره ادخلوا
ماشي دخليه وحضرتك اتفضل بقه يادكتور سليم
ماشي بس ليا كلام معاكي ياسارا
سليم خرج وساره فضلت باصه ناحيتو كتير
وانشغلت في الكشوفات وبعد وقت مش طويل خلصت
خلاص كده ياسماح مفيش كشوفات تاني
هو في كشف وانا قولت خلاص بس هي اصرت
عليا وقالت ان هي جايه من سفر فحضرتك رايك ايه
خلاص دخليها ومدخليش حد تاني علشان تعبت بجد
حاضر يادكتوره
سماح خرجت وبعديها بدقيتين الباب خبط
وساره اذنت بالدخول وكانت منشغله ومخدتش
بالها من ال دخلت وقالت
ها خير بتشتكي من ايه
كاميليا فضلت واقفه مش قادره تتحرك من ناحيه
شايفه بنتها قدام عنيها ونفسها تخدها في حضنها
بس مش قادره تعمل كل ده
ساره ملقتش اي رد فرفعت نظرها لكاميليا وقالت
مدام كاميليا حضرتك كويسه
كامليا اتكلمت بلهفه وحب
الحمد لله كويسه
طب اتفضلي استريحي علشام ابدأ الكشف
اسمك حلو اوي يابنتي قصدي يادكتوره
ساره بصت لكاميليا بإسنغراب وقالت
ميرسي من زوق حضرتك والله بس خير حضرتك
بتشتكي من ايه
وهما قالولي علي انك
دكتوره شاطره ياعني
ياريت توضحي كلامك اكتر
كامليا اتوترت ومكنتش عارفه ترد وبعدين قالت
انا عندي ۏجع في دماغي شديد جدا وفي دكتور
قالي ان عندي ورم بس انا جيت لحضرتك علشان
اتأكد
ساره فضلت تسأل كامليا كام سؤال وكاميليا مكانتش
مركزه معاها خالص مركزه في تفاصيل ساره بس
انتي هتعملي الاشعه دي واول ماالنتيجه تظهر
تعالي وهتلافي دكتور ياسر هو بدالي هنا
كامليا ردت باندفاع وقالت
ليه وانتي هتبقي فين
ساره بصتلها بإستغراب علي طريقه كلامها
وأسلوبها الغريب ده وقالت
انا مسافره ان شاء الله مؤتمر طبي ومش هكون موجوده
انا هستناكي انا ارتحتلك ومستحيل ارتاح لدكتور تاني
ماشي زي محضرتك تحبي انا هضطر انهي الكشف
بقه علشان خلاص وقتي انتهي
ماشي مع السلامه
كامليا خرجت بيطأ جدااا وساره فضلت بصلها كتير
وفاقت علي صوت الموبايل ال بيرن وقامت شالت حاجتها ومشيت تحت انظار كاميليا
ساره نزلت لقت سليم مستنيها في العربيه
اركبي يلا
ساره من غير متتكلم ركبت معاه ومنطقتش ولا حرف
ساره احنا لازم نتكلم
لو سمحت انا عايزه اروح لأني مصدعه وتعبانه جدا
سليم بص لساره وسكت وكملو الطريق في صمت
ووصلو البيت وساره طلعت علي ؤضتها
وبعديها بوقت مش كبير لقت سليم داخل الاؤضه بتاعتها
ساره عايز اتكلم معاكي
مفيش كلام يتقال ياسليم كل حاجه وضحت خلاص
لا ياساره اسمعيني بس
اسمع ايه ياسليم النهارده لبست دبلتها بكره تكتب كتابها
انا مش هقدر اعمل كده ياساره بس انا مستني
لما نرجع من المؤتمر وكل حاجه هضبطها
ساره بصت لسليم جامد وكانت عينيها علي وشك
البكاء
قولي ال انتي عايزاه ياساره متسكوتيش كده قولي
ساره اتكلمت بنرفزه وقالت
اقول ايه ياسليم اقول ان انت خاطب واحده
وخلاص كلها شهر وهتتحوزو وانا ال صدقتك
صدقيني ياساره مفيش حاجه من دي هتحصل
سليم الناس كلها عارفه ان دكتور سليم خاطب نسرين هانم وهي تيجي المستشفي وتفضل تحضنك
وانا اقف اتفرج انا اخرج بره وهي تفضل جوه
انا حرام اقف معاك في المستشفي معأنك من حقي
انا ياسليم مش من حق نسرين انت جوزي وانا
مرااتك وانا مسمحش ان حد يشاركني جوزي
البارت الرابع عشر
اهدي بس ياساره اهدي
لا مش ههدي انا خلاص هديت كتير قبل كده واستحملت استحملت لما كتبت كتابك عليا من عشر سنين وسبتني
واستحملت إهانات كتير اوي اوي
لاكن استحمل واحده تيجي تشاركني فيك لا ده
ال مش هقدر استحملو ابداا
سليم قرب من ساره وحضنها جامد وساره حضنتو
وفضلت ټعيط
ليه مش هتستحملي كده ياساره
من عشر سنين زيي زي اي بنت فضلت احلم باليوم
ال هترجع فيه كنت بكرهك علشان سبتني وكل يوم
كرهي ليك بيزيد ووكل ماحد يهين كرامتي ويجرحني بالكلام اكرهك اكتر بس من غير ماحس اتحول كل الكره ده لحب مش عارفه امته ولا ازاي
بس انا بحبك ياسليم ايوه بحبك ومش قادره اخبي اكتر من كده ومش قادره اشوف ال اسمها نسرين دي معاك
انت جوزي انا وانت لازم تختار لاما انا لاما نسرين
سليم بعد ساره عنو وبص في عيونها جامد وقال
زي ماانا جوزك انتي مراتي ياساره وحبيتيي
انا بحبك انتي ياساره بحبك
ساره حضنت سليم جامد وسليم حضنها بكل قوته
ارجوك متسبنيش ياسليم انا مصدقت لقيتك
عمري مهسيبك ياحياتي انتي جزء مني ياساره
وانا ضيعتو زمان بس عمري مهضيعو دلوقتي ابدا
ساره بعدت عن سليم ومسكت ايدو وخلعت الدبله
من ايدو ورمتها من الشباك
سليم بص لساره ومقدرش يمسك نفسو من الضحك
ايدك مش هيبقي فيها غير دبلتي أنا بس
اما دبله السلعوه دي مش ليك اصلا
بقيتي شرسه اوي ياساره
مبحبش حد يقرب من حاجه تخصني
انا عندي ليكي خبر مش عارفه هيبسطك ولا
