جوهرة القصر المهجور بقلم منال عباس

القصر وأخذ سيارته وغادر ..بقلم منال عباس
كان يشعر بمشاعر مختلطه ..تجاه هذه الفتاة 
أما جوهرة فقامت لترتب سريرها وقررت أن تنام فهى لم تنام بعد وما أن دخلت السرير حتى راحت فى نوم عميق
بعد مرور حوالى 3 ساعات وصل جاسر إلى الفيلا
فيلا جاسر عز الدين النجار
دخل الفيلا وصعد بسرعه إلى حجرة لين ليجدها نائمه منكمشه فى السرير دون غطاء 
تضايق جدا من مظهرها غطاها بالمفرش ..واتصل على هانيا
هانيا بنعاس الو ..جاسر بيه .
جاسر صباح الخير يا هانيا
هانيا صباح الخير 
جاسر آسف صحيتك من النوم ..
هانيا لا ابدا دا انا صاحيه وبحضر الفطار واللبن علشان لين
جاسر باستغراب هى لين صحيت 
هانيا ايوا طبعا انا بخليها تنام بدرى
وتصحى بدرى علشان تبقي قويه وصحتها كويسه ..
جاسر وايه كمان ..
هانيا دلوقتى هى فى اوضتها بتلبس
انا طالعه ليها اهوو
جاسر بتلبس ليه !
هانيا هنروح النادى البنت لازم

تغير جو.
جاسر انا مش عارف من غيرك كنت عملت ايه ..وسمع صوت ياتى من الهاتف بجانب هانيا
الشخص اخلصى بقي هتضيعى اليوم علينا فى المكالمه معاه
هانيا وطى صوتك 
وتعود هانيا لمحادثته
هانيا تؤمرنى بحاجه يا جاسر بيه ..اصل لين بتستعجلنى
جاسر لا ..كتر خيرك واغلق الهاتف
جاسر فعلا كلكم كدابين وخاينين
لما ارجع حسابك معايا ..يا هانيا 
واقترب من ابنته كى يوقظها 
جاسر لين حبيبتى لى لى الجميله..
لين وهى تدعك عينيها
لين بفرحة بابي حبيبي 
جاسر انا جيت اهو زى ما وعدتك
يلا ادخلى الحمام .وغيرى هدومك على ما اجهز شنطه هدومك
لين حاضر يا بابي ..وقامت على الفور للحمام
احضر حقيبه سفر وأخذ عدة ملابس ل ابنته .وبعد مده طلبت لين من والدها أن يمشط لها شعرها
جاسر مش بعرف يا لين بصى حاولى تلميه وانا هجيب ليكى بيبي ستر هناك تعتنى بيكى
وأخذها ونزل للاسفل ..واخبر الخدم بعدم دخول هانيا بأى شكل الفيلا إلى حين عودته وأخذ ابنته فى سيارته للعودة للقصر المهجور 
عند سلمى على الهاتف
سلمى متأكد انه من وقت ما خرج من القصر ما رجعش
المتصل ايوا يا هانم ..واتاكدت بنفسي أن مارحش الشركه وأنه غادر دمياط ..
سلمى طب اقفل دلوقتى 
وجلست تفكر ..معقول يكون سافر وترك القصر دا كله للبت دى تمرح فيه 
دى كانت هنا مجرد خادمه دلوقتى تبقي سيده القصر مستحيل اخليكى تتهنى يوم واحد بيه 
واتصلت على نفس الشخص 
سلمى بفكرة شيطانيه بقولك انت تروح حالا هناك وتعمل 
المتصل انتى تؤمرينى بس شرطى لسه موجود
سلمى اطمن ..قولت هجوزهالك ..وانا كلمتى ما تنكسرش ..
المتصل كدا تعجبينى يا سوسو
سلمى وبعدين معاك ..قولنا بلاش سوسو دى مش عايزة افتكر الاسم دا
المتصل هتنسي ايامنا سوا ..اللى كلها دلع برضو يا سوسو
سلمى بضيق لتذكرها الماضى اللعېن الذى يطاردها دائما ..بقلم منال عباس
المتصل اللى تشوفيه واعتبريها عندك من دلوقتى .واغلق الهاتف
وهو يضحك باعلى صوته 
نهايتك قربت يا سلمى فاكرة انى زى عصام هينضحك عليه بكلمتين 
وزى ما قدرتى تتخلصى من محمد وزوجته عن طريق عصام هخليكى تقضي على نفسك بنفسك وذهب إلى القصر المهجور 
كانت جوهرة تجلس بحجرتها لتسمع اصوات خبط حول القصر تخرج الى الهول وتبحث بعينيها معتقدة أن جاسر قد عاد 
وفجأة تسمع صوت انكسار زجاج 
وترى عن بعد شخص ملثم يدخل من البلكونه .لتخاف وبسرعه تجرى على حجرتها كى تختبئ .لم تعلم تذهب الى اين لتدخل فى الدولاب .
فى نفس اللحظه يفتح جاسر الباب
فقد وصل هو وابنته وما أن رآه ذلك الشخص الملثم حتى فر هاربا مرة أخرى من نفس البلكونه
جرى ورائه جاسر كى يمسك به ..ولكنه
لم يلحق به 
عاد بسرعه من أجل ابنته وهو يبحث عن جوهرة پغضب شديد ..ظنا منه أنه اتفقت مع ذلك الحرامى لسرقه القصر 
امسك جاسر يد ابنته واتجه إلى حجرة
جوهرة بحثا عنها 
جاسر پغضب جحيمى جوهرررررررة روحتى فين
ليتفاجئ ب جاسر بصوت مرتفع وڠضب جحيمى 
جوهررررة روحتى فين ليتفاجئ بصوت مرتجف يخرج من الدولاب
جوهرة انا هنا 
فتح جاسر الدولاب لتخرج منه وترتمى وتبكى باڼهيار 
وقف جاسر مصډوما من فعلها ثم بدأ قلبه يرق لتلك الفتاة فجسدها المرتعش يدل على خۏفها الشديد
اجلسها على السرير كى تهدأ
جاسر بنبرة حانيه على غير طبيعته أهدى يا جوهرة وفهمينى هو فى ايه
لتقاطعه صوت لين
لين هى دى مامى الجديدة يا بابي
تفاجئ جاسر من سؤال ابنته
جاسر مامى !!! جيبتى الكلام دا منين
لين نانو ..كلمتنى ..وعرفتنى أن حضرتك جيبت ليا مامى جديده ..وقالت ليا ما اعرفش حد
ابتسم لها جاسر وانحنى إليها ايوا حبيبتى بس مامى تعبانه شويه ..تعالى اطلعك اوضتك وبعدين تبقي تقعدى معاها بقلم منال عباس
لين حاضر يا بابي 
واقتربت من جوهرة وقبلتها من خدها
لتأخذها جوهرة فى فهى تحتاج أن تشعر بالأمان وليس هناك امان أكثر من طفل بعيد عن خبث الكبار وحقدهم
جوهرة وهى تحاول أن تهدأ من أجل تلك الطفله حبيبتى اطلعى غيرى هدومك وانا هحضر الغدا بسرعه
لين حاضر يا مامى
وقعت الكلمه على جوهرة بمشاعر جميله تجاه تلك الطفله ..
كان جاسر يشاهد فى صمت ما يدور بين ابنته وزوجته استوقفته كلمه زوجتهفهى حقا زوجته ..شعر بلذة فى نطق الكلمه بداخله 
أخذ ابنته وصعد بها إلى إحدى الحجرات بجانبه
لين دى اوضه كبيرة أوووى ومش فيها لعب زى اوضتى هناك
جاسر من بكرة هجهز ليكى كل حاجه يلا زى الشطورة غيرى هدومك وانا هنزل تحت اشوف جوهرة واعرف قصه الحرامى دا ..
لين حاضر يا بابي تركها جاسر ونزل للاسفل ليستغرب تلك الفتاة جوهرة فوجدها تقف بالمطبخ وتخرج
المشتروات التى أحضرها جاسر معه
ووضعتها بالثلاجه وبدأت فى إعداد الطعام ..بقلم منال عباس
ليأتى جاسر من خلفها مفيش داعى تتعبي نفسك هطلب غدا جاهز والشركه هتبعت لينا طقم الخدم والحراسه اليوم 
جوهرة انا وعدت الطفله اعمل ليها الغدا 
جاسر اسمها لين 
جوهرة ما شاء

الله ربنا يخليهالك
كان عندها فضول تسأل عن زوجته والدة لين ..ولكنها خاڤت وتراجعت ..
جاسر شوفتى شكل الحرامى 
جوهرة لأ ..انا سمعت صوت دوشه خرجت لقيته بيدخل من البلكونه ..الحمد لله انك جيت فى الوقت دا 
جاسر لازم حراسه للقصر ..ولازم اعرف مين دا ..وعايز ايه 
ثم تركها تكمل إعداد الطعام وصعد إلى حجرته ليجد حقيبه النقود التى وضعها على السرير لازالت موجوده 
ابتسم فى داخله فقد كان هذا اختبار ل جوهرة 
عن سلمى
تتصل على ذلك الشخص
سلمى قولى عملت ايه 
الشخص للاسف جاسر رجع وما واللى بعته ينفذ الخطه ملحقش يعمل حاجه ..
سلمى ايه الحظ السئ دا 
طب خليك متابعها لازم ننفذ اللى اتفقنا عليه ..
الشخص اكيد بس انا عايز حاجه تحت الحساب
سلمى قول الرقم اللى انت عايزة وانا اكتب ليك شيك بيه
الشخص بضحكه فلوس ايه .انتى عارفه انى مش محتاج فلوس
سلمى بقلق اومال عايز ايه
الشخص ليله من ليالينا الحلوة ولا نسيتى 
سلمى احنا اتفقنا تنسي الايام دى
ثم إن شهاب بقي مستقر هنا فى دمياط ومابقاش يسافر زى زمان 
الشخص اتصرفى ماليش فيه
سلمى احنا كبرنا ومابقاش ينفع الكلام دا 
الشخص لا انتى فى نظرى لسه سلمى بنت الجيران اللى حبيتها وكانت بتحبنى بس فضلت تتجوز شهاب علشان هو الأغنى وبنتنا بقت 
سلمى بس ارجوك اقفل دلوقتى
وأغلقت الهاتف وهى ټلعن الماضى
سلمى شكلى هحتاج اتخلص منك انت قبل جوهرة ..
عند جوهرة
انتهت من تحضير الغداء ووضعته بعنايه ودقه وذوق عالى على المائده
نزل جاسر على السلم وهو يحمل ابنته
جاسر واوووو الاكل شكله تحفه 
صحيح انتى بتدرسي يا جوهرة 
جوهرة ايوا انا فاضل ليا سنه واخد بكالوريوس الفنون التطبيقيه
جاسر واووو ..واتخصصتى ايه 
شعرت جوهرة بتغييره فى طريقه حديثه معها ..ولكنها ظنت أن ذلك بسبب وجود ابنته ..وسيعود لطبيعته فيما بعد فكان ردها على أد السؤال 
جوهرة انا اتخصصت فى التصميم الداخلى والأثاث بقلم منال عباس
انبهر جاسر بها
جاسر بجديه عارفه تخصصك دا ممتاز وشغلنا بيحتاج حد متخصص فيه احنا شركاتنا ومصانعنا لإنتاج الاثاث المنزلى وبنصدر منه للخارج 
لو تحبي تعرضى عليا بعض تصاميمك
جوهرة كل حاجتى عند عمى وانت عارف ولم تكمل لتقاطعهم لين
هو انا هقعد اكل لوحدى وانتم بتتكلموا 
ضحكت جوهرة لأسلوب تلك الفتاة الشقيه
جوهرة عندك حق تعالى جنبي
واخذتها بجانبها وبدأت تطعمها بيديها وتداعبها كانت لين تأكل بشهيه مفتوحة وهى سعيدة بوجود جوهرة
بعد أن أنهت لين غدائها ..ذهبت لتغسل يديها
جاسر انتى انشغلتى ب لين وما اكلتيش 
جوهرة هاكل فى المطبخ لما تخلصوا
جاسر ليه 
جوهرة اكيد حضرتك مش حابب وجودى معاكم بس لين شبطت فيا
جاسر لا يا جوهرة ..عارف انى كنت فظ معاكى بس اى حد فى مكانى
كان هيعمل كدا .عايز اعرفك اكتر واعرف قصتك كلها 
جوهرة وهى تنظر له باستغراب فقد تغير فى حديثه اطلاقا معها ..فصوته
حنون جعلها تشعر بدقات فى قلبها بسبب وجود هذا الجاسر بجانبها 
جاسر سرحتى في ايه
جوهرة بسرعه دون تفكير فيك
قصدى ..قصدى وبحثت عن كلمات لتصحح تسرعها فى الرد
جاسر بابتسامته الخلابه فكرتى فيا ازاى ..
جوهرة بقلق مما سيحدث عن اذنك اشوف لين وقامت بسرعه لتبتعد عن ذلك الجاسر 
أخذ جاسر نفس عميق ليحدث نفسه
جاسر وبعدين معاك هتنسي كل وعودك لنفسك ..مفيش ست تانى تدخل حياتك ليه البنت دى حركت مشاعرك انت قولت فترة وهتطلقها
عند شهاب
شهاب انتى بتقولى ايه يعنى ايه الحرس مانعين يدخلوكى الفيلا
هانيا زى ما بقولك كدا ..من بعد ما تركتك جيت على هنا لقيتهم مانعنى بأمر من جاسر ..وعرفت أنه كان هنا واخد بنته معاه ..واضح أنه عرف انى بكذب عليه لما قولت ليه انى مع لين
شهاب طب اقفلى اما اشوف هنتصرف ازاى واغلق الهاتف
شهاب يا ترى اخدت بنتك ليه يا جاسر معقول ناوى تستقر فى دمياط ! كدا هانيا أصبحت كارت محروق كنت من خلالها بعرف اخبارك كدا مفيش حد امامى غير جميله الجميلات جوهرة هى الكارت الرابح ليا .
أما انتى يا سهر وتغييريك معايا ف دا مش هعديه ليكى بأى تمن لازم اكمل التمثيليه والكسبان اللى يضحك فى الاخر ..
ليرن هاتفه مرة أخرى وكان المتصل خاله احمد مصباح
شهاب ازيك يا خالوو. عاش من سمع صوتك
احمد اخبارك يا شهاب وعامل ايه مع خطيبتك
شهاب انا كويس لكن خطيبتى
احمد بخضه مالها سهر فى حاجه حصلت بينكم 
لاحظ شهاب خضه خاله عليها
شهاب نفسي اعرف حضرتك مهتم لأمر سهر ليه مع انها بنت تافهه انا سمعت كلامك وخطبتها ..مع انها ما تستاهلش واحد زيي
احمد مش ذنبها أنها اتربت مع الناس دوول انا عايزك تتجوزها فى أقرب وقت وهتعرف السبب بعدين
شهاب لأ ما انا كدا احترت اكتر ولازم افهم هو فى ايه وليه البنت

دى بالذات اللى مصمم عليها انى اتجوزها 
احمد لان البنت دى تبقي استغرب شهاب تصميم خاله احمد بان يتزوج من سهر
البنت دى تبقي بنتى
شهاب بذهول بنتك !!!! دا ازاى اومال عصام الباجورى يبقي ايه
احمد دى قصه طويله السبب فيها الحقېرة سلمى 
شهاب انا مش فاهم حاجه