نورهان عبدالله

سيبي كل حاجه تمشي زى ما ربنا مرتبها و صدقيني كله هيكون خير ليك
يعني تفتكري يكون بيحبني !
ضحكت بصراحه يعني محدش يستحمل شخصيتك دية إلا و كان بيحبك 
ضحكت شخصيتي ماشي يا فاطمه ماشي 
ضحكتيلا يا ستي نلحق محاضرة دكتور أحمد بدل ما يطردنا
دخلنا المدرج و أعقدنا و شوية و دخل كان لابس بدله كحلي و قميص أبيض و بنطلون جينز لطيف و كوتش كحلي كان أقل ما يقال عليه أنه شكله يخطف الأنفاس بصيت للبنات إلية حوالينا كانوا باصين و متنحين له هو في الطبيعي حلو جدا و وسيم إيه بقي الهباب إلية عامله دة بدأ يشرح و كانت عينه مركزة معايا هو لو مصر يوترني مش هيعمل كدة خلص المحاضرة و طبعا زى توقعي البنات طلعوا لفوا حواليه 

بصيت بغيرة شايفاهم هياكلوه بعنيهم إزاى !
ضحكت و إحنا مالنا هو أنت بتحبيه يعني 
إتوترت لاء هحبه إية ...أقصد يعني أنه ما يصحش 
أيوا طبعا أومال
خرجت و هو أساسا ملفوف من كل جنب بالبنات طبعا ما هو فرحان باللمه دية لما يجي بس 
رجعت نمت بتعب صحيت علي الأغاني بردوا شكلي المرادى هنشل الطوبه في عينه دية خرجت و أنا متنرفزة لقيته بيغني 
ولا ووقعت كتير بالي عليك مشغول 
دة أنا إلية هوقعك علي جدور رقبتك النهاردة 
كأنه مستنيني أخرج قفل الفون و أنا معنديش مانع طالما ههون عليك
إية ههون عليك دية !!! أنت هتصاحبني ولا إية
ضحك لاء مش بصاحب ....أنا بحب علطول 
رفعتله حاجبي واضح فعلا ....ماهي اللمه إلية حواليك بسطاك 
بصلي بمكر واضح أنه فيه حد غيران 
إتغظت اكتر ما يجوش جمبي حاجه علشان أغير منهم 
إبتسم و أنا ميملاش عيني غيرك والله 
إتوترت أنت....أنت 
قليل الأدب أنا عارف 
ضحكت فشغل الأغنية و هو بيدندن 
سحرتلي ولا سحرتلي ...و عيون مش محتاجه تسحرلي ...مش عايزة تجبني بس جبتني ....نسيتني و في قصتي حپستني .....ولا ووقعت .......
دخلت نمت و أنا كان أسعد يوم في حياتي كنت حساني بطير و قلبي بيرفرف و عايز يوصله كان سابقني قلبي و مسحوب له بس المرادى كنت بكامل قوايا العقليه و أنا مسحوبه لإتجاه قلبه 
ماما ...هو مش هنعزم أحمد علي الغدا النهاردة !
بصتلي بشك إشعمني يعني دة كنت تطيقي العمي و متطقيهوش 
ضحكت كنت يا ماما ....ها عزمتيه 
بصتلي و هي فهماني عزمته يا حبيبتي إطمني 
طب يلا بقي علشان نجهز الغدا 
قامت بإستغراب الحب دة له أفاعيل غريبة بشكل 
ضحكت و أنا داخله وراها جهزنا الغدا و
شوية و الجرس رن قلبي دق بسرعه و مقدرتش أتحرك من مكاني 
بصتلي بمكر هتروحي تفتحي ولا افتح أنا !
ها .....لاء هروح
خرجت أفتح الباب أول ما عيوني قابلت عيونه إبتسم كان شكله جميل جدا بقميص الكروهات المفتوح و التب الابيض إلية تحته ....شكله كدة مصر أحبه بجد 
إبتسمتله بتوترإتفضل يا أحمد
إبتسلمي بإعجاب واضح شكلك قمر أوى 
كان أول مرة أهتم بشكلي و لابسه اية إبتسمت بتوتر و كلام فاطمه صح القطه كلت لساني شاورتله يقعد 
مش هتقعدي معايا 
ها ....أصل الاكل جهز و هنحطه علي السفرة علطول
أعقدنا ناكل وسط كلامه و هزارة إكتشفت أنه دمه خفيف فعلا مين قال أنه سمج!!! كنت بنصت لكل حرف بيقوله و نبره صوته و عيونه إلية بتوترتي و سؤال جوايا هو القط أكل لساني ولا اية!!! خلصنا و عملت كوباية الشاي المرادي كان أعقد في البلكونه مستنيني حطيت الشاي قصادة و قعدت 
هو أنت فعلا مش بتحبي الشاي و لا كنت بترخمي 
ضحكت لاء ...حقيقة
فعلا مش بحبه 
مسكين والله
دة
مين 
الشاى ...إنك ما تحبهوش 
ضحكت علي طريقته فسألني ليه مش بحب الشاي فضلت أكلمه كتير و هو كان باصص و مركز مع عيني بس و يهز رأسه بهدوء عيونه كانت محوطاني و أنا الحقيقه أول مرة شوفته فيها كنت عارفه إني هحبه و الحقيقه أنا فعلا حبيته 
و بس يعني ف.....
قاطعني بإبتسامه تتجوزيني يا نورهان !!
بصتله پصدمه و أنا مش مستوعبه إلية سمعته دة صح ولا بتهيئلي لحد ما سحب إيدى جسمي أرتعش و بصتله باس باطنها و رفع عينه ليا 
أنا بحبك ضحك و زى ما قولتلك أنا صريح بس جايه متأخرة صراحتي لإني حبيتك من أول مرة شوفتك .
ضحكت وقت ما كنت برخم عليك 
إبتسم كانت علي قلبي زى العسل والله 
ماما كانت سمعانا طبعا فعلت صوتها 
ما توافقي بقي علشان أخلص منكوا 
ضحكنا فبصلي و إبتسم 
ها 
ها إية 
ضحك والله ....بقولك بحبك و بتاع و تتجوزيني أنا واقع والله 
ضحكت لاء ....صعبت عليا خلاص 
إبتسم تعرفي من أول مرة شوفتك فيها كنت عايز أقولك إية
إبتسمتله بحب واضح إية !!!
سحرتلي ولا سحرتلي ...و عيون مش محتاجه تسحرلي ...مش عايزة تجبني بس جبتني ....نسيتني و في قصتي حپستني 
كملت ولا ووقعت ...بفكر فيك ..كتير بالي عليك مشغول ...
إبتسملي بحب بحبك 
إبتسمتله و نورهان بتحبك
يا غائبا عن مرئ عيني بروح روحي ألقاك ..
_نورهان عبدالله