اربعيني في قلب صغيره لكاتبتها
انت في الصفحة 1 من 5 صفحات
5فاسكربت
اربعيني في قلب صغيرة
كامل
والله انا لو منك مفرحش اوي كدة ان مكنش يعني اكبر منك بكتيير اوي
قالت كدة زينة لهمس جارتها وصحبتها الوحيدة وهما قاعدين علي سلم العمارة وهمس وقتها ملامحها بهتت وابتسامتها اختفت وهي بتبص لزينة
ده علي اساس اني من حقي اني اختار انا اه ممكن ارفض بس يعني ده هو الوحيد اللي اتقدملي من بعد ما ذياد دخل السچن ومش هنكر ان العريس ده فعلا كبير عني بكتير بس هعمل ايه انا مش عايزة اسمع تلسين حد عليا وكفايا انهم واخديني بذنب ذياد اخويا
حقك عليا يا همس انا بجد مقصدش اللي قولته
ابتسمت همس بحزن وردت علي زينة وهي بتقوم من مكانها
ولا يهمك يا زينة انا عارفة انك متقصديش ده انتي صحبتي الوحيدة يلا هطلع انا بقي لامي احسن تستعوقني ومتنسيش تيجي بكرة
ايه ده يا بت هو انا محتاجة عزومة اكيد طبعا هاجي ومن بدري كمان عشان ازوقك بايدي والبسك فستان الفرح الا صحيح يا بت يا همس هو انتي شوفتي العريس ده
سرحت همس بخيالها بعيد وهي بتفتكر لما جه يتقدملها وهي اللي فتحتله الباب ووقتها انبهرت بشكله وكاريزمته وخصوصا انه كان كلاسيك اوي في مظهره وده عجبها اوي بس عمرها ما تخيلت انه يكون جاي عشان يخطبها انتبهت همس لصوت زينة وهي بتقولها باستغراب
اتنهدت همس وردت وهي بتطلع السلم
هستناكي بكرة يا زينة اوعي تتأخري عليا
دخلت همس لامها المطبخ وشافتها وهي واقفة بتقلب الاكل عالنار واول ما لمحتها نسرين امها ابتسمت وهي بتقول بحب
اهلا بعروستنا القمر اللي مبتزهش من قاعدة السلالم والرغي مع صحبتها
ضحكت همس وردت بحب وهي بتقرب من نسرين وباستها من خدها وهي بتقولها بحب
عشان بيقعد عالسلم
لما افتكرت نسىرين كلام همس وانها خلاص فعلا هتمشي ومش هتبقي معاها بان علي ملامحها الحزن ولاحظت ده همس فوطت حبت علي ايديها وقالتلها بتنهيدة
متزعليش ومتقلقيش ابدا يا امي انا مش هسيبك خالص هتلاقيني كل شوية عندك
وهو في ام تزعل ولا تضايق ان بنتها هتتجوز ويبقي ليها حياتها
اتنهدت همس بحزن وردت پخوف وهي بتقعد قدام امها
والله يا امي انا اللي خاېفة حاسة اني بظلم نفسي بجوازي من رائد في فروق كتير اوي بينا بس للاسف مش قادرة اتكلم لان مش بايدي حاجة
ردت نسرين بسرعة وهي بتمسك ايد همس وباين عليها التأثر
ابتسمت همس بسخرية وردت بسرحان وهي بتبص بعيد
مش هنضحك علي بعض يا امي هو في حد هيرضي يتجوز واحدة اخوها مسجون
نسرين بصت لهمس بشفقة ودموعها نزلت بصمت وهي بصالها فكملت همس كلامها بتوهان
ده انا حتي اتكسفت اسأل رائد ليه اتقدملي وهو عارف الحقيقة كلها انا اتكتب عليا اني اعيش طول عمري بذنب اخويا يا ماما الله يسامحك يا ذياد
ابتسمت نسرين من بين دموعها وردت بحكمة وهي باصة لهمس
محدش فينا بيختار اهله يا همس يا حبيبتي وده نصيبك ارضي بيه وان شاء الله ربنا هيعوضك خير
مسحت همس دموع امها بايديها وحاولت تغير الموضوع عشان امها متتعبش اكتر
