روايه حكايا لكاتبتها ايمان

البيت لكن معرفش ليه انهارده حسيت انى عوزة اشوفك
انتى لسه برضو مكتئبة شكلى فشلت معاكى
ابدا يا سارة بس اللى حصل مش شوية لما كل شىء يضيع من بين ايديه فجأة كده
خرجت سلمى لتقابلها نجلاء بوابل من الاسئلة
ها عماتى ايه حبتيها صح سارة تتحب اساسا قولتى ايه وقالتلك ايه ما تردى يابنتى
هو انتى سيبالى اى فرصة اتكلم
طب يلا قولى حصل ايه
يعنى اتكلمنا شوية كده هى مش بطاله يعنى
ماشى ماشى المهم حتيجى تانى
لما اعمل الواجب
نعم ياختى
ايوة هى سألتنى سؤال وقالت اجى لما الاقى اجابه عليه المهم يلا بقه نروح
طيب اه صحيح انا نسيت الكتب بتاعتى جوه بقولك ايه ما تدخلى تجبهالى
ماتروحى انتى تجبيها
حاسه انى عوزة اادخل التواليت هاتى انتى الكتب على ما اطلع عشان نمشى على طول
طيب يا مدوخانى
طرقات خفيفة على باب حجرة سارة فقالت ادخل
ففتحت سلمى الباب ثم قالت على استحياء اسفة يا دكتور اصل نجلاء نسيت الكتب بتاعتها هنا ممكن اخدها
طبعا تعالى يا سلمى
اخذت سلمى كتب نجلاء تحت انظار شاهى المثبته عليها ثم انصرفت فاتجهت شاهى لسارة قائلة سبحان الله بنوته قمر اوى بس وزنها زيادة بطريقة ملفته اوى
فعلا . نرجع لموضوعنا خلينا فيكى انتى مش ناوية بقه ترجعى لشغلك وحياتك
مليش نفس اعمل اى حاجة ياسارة وعندى احساس فظيع ان دماغى فضيت خلاص
معقول شاهى سليم

اللى كانت مكسرة الدنيا بتصميماتها وأزياءها التحفة دماغها تفضى
اديكى قولتي اللى كانت
اما دلوقتى مفيش مش لاقية حاجة جديدة اقدمها
ازاى مش لاقيه جديد يابنتى دا انتى دايما بتبهرينى بأفكارك ماشاء الله عندك ذوق وحس مش عند حد ميزة ميزك بيها ربنا عن غيرك ازاى تضيعيها منك لازم تحفظى عليها يا شاهى
و
ثم سكتت واخذها تفكير عميق مألك يا سارة فى ايه كرة فكرة حلوة أوى خطرت على بالى تطلعك انتى وسلمى من اللى انتوا فيه
شاهى بدهشه سلمى !!! سلمى مين وفكرة ايه
سلمى اللى شوفتبها دلوقت
اه وفكرة ايه دى بقه اللى حتعلجنى انا وهى
أبه رايك لو تصممى أزياء لالبدبنات اللى زى سلمى كده دول بقوأ كتير اليومين دول هو صحيح بقه فى مقاساتهم فى السوق بس مجرد قماش متخيط فبعض وخلاص لكن شوفى بقه لما شاهى سليم تفكر وتخطط وتصمم لهم موديلات بأديها كاجوال وسوارية وكل ما يلزمهم سواء فى البيت او بره البيت دى حتبقه حاجة محصلتش تفاجئى بيها جمهورك وترجعى بيها شغلك وانتى اقوى من الاول واحسن كمان
فكرة تحفة يا سارة وعمرها ما خطرت على بالى تصدقى عجبتى اوى بس محتاجة مع سلمى على الاقل وحدة كمان زيها عشان البروفات والديفيليه يكمل
موجودة
فين دى
نجلاء اخت سلمى وتوأمها
بتهزرى
لا ابدا بتكلم جد ماهو اصل نجلاء هى اللى جتنى الاول وبعدين اقنعت سلمى انها تيجى معاها هى كمان
كده طيب مبدئيا كويس كده
بصى هما يومين وهيكونوا هنا تيجى تقابليهم وتتكلموا فكل حاجة
لالا يومين ايه انا الفكرة سخنت فى دماغى انتى تدينى رقم اى حد منهم وانا حتصرف
امممم ولو ان دى معلومات خاصة وميصحش اطلعها بس لان الهدف نبيل انا حديكى رقم نجلاء
واملتها سارة الرقم وتركتها لتتصرف معهم كما تشاء وهى فى منتهى السعادة بعد ان رات انها اشعلت الحماس من جديد فى صديقتها واخذت تدعوا لها بعد ان انصرفت بالنجاح واستعادة شغفها بالحياة
الو
مساء الخير
مساء النور مين معايا
انا شاهى صديقة دكتور سارة انتى نجلاء
ايوة خير فى حاجة
ايوة فى موضوع مهم كنت حابة اتكلم فيه معاكى انتى وسلمى ممكن اشوفكم دلوقت لان الموضوع مهم جدا
موضوع ايه
مش حينفع فى الفون ﻻزم اشوفكم
طب ثانية خليكى معايا
وضعت يدها على السماعة واخذت تصيح على سلمى الى ان جاءت اليها مسرعة
فى ايه يا نجلاء مالك
فى وحدة بتكلمنى على الموبايل بتقول انها صديقة سارة وعوزة تكلمنى انا وانتى فموضوع مهم وعوزة تشوفنا دلوقتى
موضوع ايه ده ما تسأليها
بتقول مينفش فى الفون لازم تشوفنا
طب بقولك ايه اوصفلها البيت وخليها تجلنا هنا لو عوزة تشوفنا
كده طيب
ثما عادت لتكمل المكالمه الو
اجابت شاهى بلهفة ايوة يا نجلاء لنا معاكى
حضرتك ممكن تتفضلى عندنا فى البيت لو عوزة تشوفينا
كده طب ابعتيلى اللوكيشن وحكون عندك
تمام
لم يمر كثيرا من الوقت حتى وصلت شاهى لبيت سلمى ونجلاء
مساء الخير انا شاهى
مساء النور اهلا اتفضلى
مين فيكم سلمى بقه ومين نجلاء
انا نجلاء
وانا سلمى
شاهى سبحان الله مفيش فرق خالص بينكم
فى هذة اللحظة دخلت والدتهم تحمل صينية وعليها اكواب من العصير قائلة دا بس عشان اول مرة تشوفيهم مع بعض لكن لما تقعدى معاهم شوية حتعرفيهم من بعض
نهضت شاهى ومدت يدها للسيدة تسلم عليها ازيك يا مدام انا شاهى
اهلا بيكى ياحببتى قوليلى ام سلمى اصلها هى اللى نزلت الاول
فقالت شاهى مبتسمه ماشى يا ام سلمى ثم لفت نظرها وجود ماكينة خياطة فى احد الاركان فقالت مكملة حديثها ايه ده عندكم ماكينة خياطة مين بقه اللى بيشتغل عليها
ام سلمى انا اللى بشتغل عليها هوية بقه