قصة مكتملة بقلم ايمان صالح

عشان اتجوزتك ....انت دماغك دي مالها 
_ اومال وافقتي لي 
_ عشان خالتي .....مش عشان سواد عيونك يعني 
_ والله 
_ اها والله 
_ طيب هتقعدي في الشقه دي ....ومش عايز اسمع صوتك 
_ لي انتي مفكرني ابچوره 
_ اسم الله عليكي ....عايزك نجفه أو ابچوره مسمعش نفسك فاهمه 
_ لا مش فاهمه 
زعق_ حسناء 
_ نعم 
_ خمس دقائق و تخفي من قدامي .
طبعا انا شجاعه و مبخفش و مبسمعش الكلام ....خمس دقائق كنت في اوضتي و غيرت هدومي كمان .
فضلت افكر اعمل اي ....طلعت بره لقيته في الاوضه بتاعت الاطفال ....احسن ريح والله ....دخلت المطبخ عشان ادور علي اكل .....لقيت اكل كتير ...عرايس و كده للاسف ...طلعت الاكل و حطيته علي السفره ...خطبت عليه ومش بيرد 
_ عمررر
_ عايزه اي يا زفته 
_ الاكل عشان تطفح 
فتح الباب _ بتقولي اي 
عشان انا استرونج ومن و كده _ الاكل عشان تاكل متنمش جعان 
_ مش عايز من وشك حاجه 
شوحت ب ايدي _ براحتك عنك ما اكلت 
_ بت 
طلعت اجري مش عشان خاېفه انه يضربني لا انا خاېفه عليه ....قعدت امل لوحدي للاسف وبعدها شيلت الاكل و صليت و دخلت نمت .
تاني يوم صحيت و صليت انا عارفه أنه مبيقومش دلوقتي .....خبطت علي الباب ....مبيردش ...خبطت تاني و انا مصممه 
_ عمررر 
_ يادي النيله بتصحيني لي 
_ يلا عشان
الفجر 
_ ملكيش دعوه روحي وانا هبقي اصلي 
_والله يا عمر لو مطلعتش صليت ...ه 
_ هتعملي اي 
_ ولا اي حاجه ....ربنا اللي هيحسبك مش انا 
_ ايوه كده ادعدلي 
_ اووف يا رب
روحت صليت و بعدها سمعت صوته كان بيصلي ....ابتسمت هو. بيصلي بس مش دايما مواظب علي الصلاه ....
دخل نام و طبعا مرديش يأكل معايا ....معرفتش اكل ....عملت عصير مانجا عشان مبحبش القهوه و طلعت البلكونه و مسكت روايه .....القعده حلوه اووي الصبح ...كوبايه المانجا مع الروايه و صوت العصافير الصبح ليها طعم تاني خالص
فضلت حوالي تلات ساعات و انا قاعده لوحدي بعد شويه سمعت خبطت علي الباب 
طلعت اجري و خبطت علي عمر 
_ عمر.....عمر 
_وقسما بالله هضربك يا حسناء ...ا 
_ خالتي و ماما جم بره البس بسرعه 
_ طيب انا طالع اهو 
طلعت و استقبلتهم و عمر طلع ....مبينتش حاجه خالص ...قدمتلهم العصير وبعد شويه مشيوا 
_ حلوه اوي المسرحيه دي 
_ نعم 
_ عجبتك اوي المسرحيه السخيفه دي 
_ انت عايز اي 
زعق_ انا مش مستحملك ولا طايق نفسي ....انا عايز نطلق 
_ وانا اعملك اي يعني يا عمر 
_ انا زهقت منك اصلا ....انا هطلقك 
_ طيب ...يبقي طلقني 
مشيت من قدامه بكل برود و دخلت اوضتي ....هو فاكر اني معنديش ډم ....بس والله صعب عليا كل كلمه بيقولهالي ....بس بقول اتمسك بيه شويه
عدي ايام و كان تعاملنا بسيط جدا بعد اسبوع كان نازل الشغل 
_ حسناء 
_ نعم يا عمر 
_ هنطلق امتي 
_ بعد شهر