رواية الثلاثة يحبونها

يابشرى..عينيكى بتقوللى كتير.
وبقيت بتفهمنى من عيونى كمان.
ده إسمه حب يابشرى..وأنا مش بس بحبك..أنا بعشقك.
إقتربت رحمة من يحيي 
شكرا يايحيي.
عقد حاجبيه فى حيرة وهو يقول بهمس مماثل
على إيه بس ياحبيبتى
رفعت وجهها تنظر إلى عيونه العسلية قائلة بإمتنان
على أجمل ليلة قضيتها فى حياتى..عيشتنى فيها قصة خيالية..كنت فيها مع أميرى ..أكلنا وضحكنا ورقصنا.. حلمت دايما أكون بين إيديك .. عينى فى عنيك وإنت بتسمعنى أحلى كلام عن حبنا..وكملت بأغنية ماجدة..اللى دايما كنت بسمعها فى غيابك.
ليبتسم وهو يرفع يده يمررها على قائلا ف حنان
وكنت بسمعها أنا فى غيابك.
لتدندن رحمة بالكلمات قائلة بصوت عذب
يسمعنى حين يراقصني ..كلمات ليست كالكلمات
يأخذني من تحت ذراعي..يزرعنى فى إحدى الغيمات.
يهمس قائلا
وأنا كالطفلة فى يده..كالريشة تحملها النسمات..
لتقول هي بهمس
يخبرنى أنى تحفته وأساوي ألاف النجمات..بأنى كنز وبأني أجمل ما شاهد من لوحات.
ليعتدل وهو يشرف عليها قائلا بهمس
يروي أشياء تدوخني ..تنسينى المرقص والخطوات.
نظرت إليه بعشق قائلة
كلمات تقلب تاريخي ..تجعلني إمرأة فى لحظات.
لتصمت وهي تتطلع إلى عينيه بنظرة شابها بعض الحزن وهي تقول
يبني لي قصر من وهم..لا أسكن فيه سوى لحظات وأعود لطاولتي لا شيئ معي إلا كلمات.
تأمل ملامحها وقد أدرك مقصدها ليقول بوعد
مبقاش فيه قصور من وهم..مبقاش فيه فراق..سامحيني من قلبك يارحمة
وإنسي الماضي..وإفتكرى بس إنى بعشقك ووعد منى..إنى مستحيل هسمح لقلبى يإذيكى من تاني ولو كان التمن حياتى يارحمة.
إبتسمت بعيون غشيتها الدموع من وعده الذى قطعه على نفسه..رغبة منه فى أن يطمأن مخاوفها
دلفت بشرى إلى شقتها..لتجد الظلام التام يحيط بها..وماإن خطت بإتجاه مفتاح الإضاءة حتى سطع الضوء فى كل مكان..لتجد مراد جالسا على الأريكة..ينظر إليها بوجه خال من المشاعر..تأملته لثوان تدرك أن هناك شيئا ما خلف هيئته تلك لتقول بهدوء
مساء الخير.
نظر مراد إلى عينيها مباشرة قائلا 
كنتى فين يابشرى
إقتربت منه وجلست على المقعد المقابل له وهي تزفر قائلة
هكون فين يعنى يامرادكنت مخڼوقة..لفيت بالعربية شوية..وأنا جاية فى الطريق العربية عطلت وإضطريت أوديها لميكانيكى وقعدت لغاية ما أصلحها وبعدين جيت علطول.
عقد حاجبيه قائلا
ومكلمتنيش ليه
قالت بنبرة ساخرة 
وهو إنت فاضيلى أصلا
إزداد إنعقاد حاجبيه وهو يقول
قصدك إيه
قالت فى هدوء
هيكون قصدى إيه يعنىإنت مش قايل إنك فى ميتينج مهم..أنا محبتش بس أعطلك..هي دى كل الحكاية.
تفحصها مراد يدرك أن هناك شيئا ما تخفيه عنه ..يظهر فى نظراتها الغريبة إليه وتلك النبرة الساخرة فى صوتها..ليصمم على معرفته آجلا أم عاجلا..ليقول فى حزم
يحيي ورحمة كلمونى وكانوا عايزينا نرجع الفيلا..وأنا رفضت..يحيي كان عايز يكلمك وأنا إضطريت أكذب وأقوله إنك نايمة..مكنتش أقدر أقوله إن مراتى لسة مرجعتش البيت
وهي عارفة إنى تعبان ولسة خارج من المستشفى..ده غير إنه لو سألنى عن مكانك..كان هيبقى شكلى وحش وأنا معرفش عنك حاجة.. ياريت لو هتروحى مكان بعد كدة تبقى تعرفينى قبلها..مفهوم
مظهره أمام يحيي..هذا ما يهمه فقط..أما هي فلا تهمه على الإطلاق..تدرك ذلك جيدا..فعلاقتهما سويا واضحة ومنذ البداية ..فهي لم تستطع أن تحبه وقلبها ممتلئ بحب أخاه..وهو لم يستطع أن يحبها وقلبه ممتلئ
بحب رحمة..مهلا..إذا كان هكذا إذا لماذا أحب تلك الشروق..وهل نسي رحمةوهل حقا العيب فيها لذا لا أحد يحبها حقاإذا لماذا أحبها مجدى كل هذا الحبتحركه بإشارة من إصبعها وإن طلبت روحه فلن يتوانى عن إهدائها إياهالماذا
آاااه..أسئلة عديدة تدور برأسها بلا إجابة..تطيح بتركيزها على مهمتها الجديدة وهي التخلص من رحمة للأبد هي وتلك الشروق وستسعى من الغد فى تنفيذ مخططها..لذا ستريح أعصابها المتعبة الآن وتكتفى بالصمت..الصمت المطلق.
لتفيق من أفكارها على صوت مراد وهو يقول بلهجة تحذيرية
مفهوم يابشرى
نظرت إليه ببرود قائلة
مفهوم يامراد ..بعد إذنك اليوم كان صعب أوى..وأنا محتاجة أنام.
لتبتعد من أمامه يتابعها بعينيه بقلق..فهدوءها هذا وحالتها الغريبة تلك تنبئ بکاړثة فى الطريق..ليدعوا الله فى صمت أن ينجيهم منها.
كانت رحمة تقف فى الحديقة حين أحست بيدين توضعان على عينيها ..لتبتسم بسعادة وهي تدرك أن صاحب تلك اليدين هو حبيبها يحيي..لتقول بحب
مهما غميت عينية هفضل شايفاك ياحبيبى..وحشتنى.
تسللت إلى مسامعها نبراته التى تخشاها وتمقتها وهو يقول بهدوء
إنتى كمان وحشتينى يارحمة.
إنتفضت تبعد يديه عن وجهها وتبتعد عنه وهي تلتفت لتواجهه قائلة بعيون إتسعت من الصدمة وهي تراه أمامها..بنفس الهيئة التى رأته عليها آخر مرة.. لم يتغير البتة لتقول بنبرات
مرتعشة من الخۏف
هشام
إبتسم قائلا
أيوة هشام..حبيبك..إنتى قلتى إنى حبيبك ..وأخيرا يارحمة..سمعتها بودانى .لتقول وهي مازالت تحت تأثير صډمتها
إنت..إنت ممتش
إتسعت إبتسامته وهو يقول
ھموت إزاي بس وأنا واقف أدامك أهو
قالت پخوف
أنا شفتك بعيونى..والعربية پتنحرق بيك
ضحك بسخرية قائلا
ده اللى حبيت أوريهولك..لكن قبل ما الڼار تمسك فى العربية..كنت ناطط منها..وبعدين إنتى أغمى عليكى وأنا هربت.
قالت بدهشة
والچثة اللى
لاقوها جوة العربية
إقترب منها قائلا بسخرية
ده شغلى أنا بقى.
عقدت حاجبيها فى حيرة قائلة
طب وعملت كل ده ليه..كنت عايز توصل لإيه ياهشام
مال يرمقها بعيون باردة وهو يقول بلهجة كالصقيع
كنت عايز أشوفك هتعملى إيه بعد ما أموت..هتبقى أصيلة وتفضلى عايشة على الذكرى..وأبقى بكدة ظلمتك..ولا هتخونى الحب اللى بينا..وتقلي بأصلك ..وإنتى ما شاء الله مكدبتيش خبر..جريتى وخونتينى..وقليتى بأصلك