هتتجوزها اسبوع

تاخدني عنده وهنتجوز 
رد پصدمة فريد عايش معقولة !!! هه علشان كدا البيه سابها مقتلهاش لحد دلوقتي وقال ايه خدها ورجعوا ع بيتهم وأنا بقي أخد ع قفايا بس معلشي ملحوقة كدا أحسن كمان علشان كله ياخد حسابه مرة واحدة
أبعدد عنييي أنا بكرهكككك 
ضحك بسخرية متفرقش معايا تحبيني أو لا اللي عاوزه منك بيتاخد بطرق كتير واللي في دماغي هيتنفذ سواء وافقتي أو لأ
لاااا مش هتجوزك لو موتني هه 
فك زارير قميصه بخبث خلاص أنتي اللي اختارتي بلاها جواز ... رجعت لورا بړعب ودموعها نازلة سيول ع خدودها ي يعني أيه أنت هتعمل ايه فيا !!
فلاش باك 
قبلها بساعتين في بيت الهواري 
كانت سهر وملك قاعدين مع بعض في أوضة سهر وحمزة ورحيم قاعدين في أوضة المكتب 
حمزة بإنفعال جدك بقي يلاعبنا بالتقيل يسيدي قال جايب سيلا لحد هنا علشان شغل هه أمال مش شغل 
ضحك رحيم بإعجاب بصراحة دماغه عجبتني لأ واختار سيلا بالذات واخد بالك أنت 
ما هو دا اللي فارسني أكيد عماد الكلب دا هو اللي رشحله نزولها وكمان أكيد عرف اللي كنا بنعمله في دبي علشان كدا جابها عارف أن بالطريقة دي هيخرب العلاقة بيني وبين ملك كمل بتريقة قال يعني علاقتنا حلوة أوي وحابب يبوظها بواحدة تانية دا أحنا واقفين ع الطلاق ي مؤمن 
ضحك رحيم أكتر وهو شايفه بياكل في نفسه ولكن تماسك وقال بجدية بقولك أيه أنا عندي فكرة حلوة أيه رأيك تستغل وجود سيلا هنا وتقلب الحكاية لصالحك فرصة تصلح علاقتك المهببة دي بملك 
بإهتمام أزاي يعني !
يابني مفيش حاجة تحرك الست غير ست زيها أفهم بقي
بتريقة وعدم اهتمام قصدك أيه غيرة وكدا ومع مين ملك ههه ي عم ريح بالله عليك دي جبلة معندهاش لا ډم ولا مشاعر أساسا 
يابني مفيش ست مبتغيرش أنت مشوفتهاش كانت عاملة أزاي لما سيلا قربت منك وسلمت عليك 
افتكر حمزة نظراتها وطريقتها فقال بإبتسامة مكر تفتكر
طبعاااا يابني جرب بس وهتدعيلي
عند ملك وسهر 
يابنتي أهدي بقي روشتيني راحة جاية بقالك ساعة أنا دوخت
بغيظ وهي بتاكل في ضوافرها وماشية في الاوضة بقي دا الشغل بتاع دبي اللي البيه كان بيفضل بالشهور مشغول فيه وأنا لو كنت روحت لعم رضا البقال حتي من غير ما يعرف كان يطربق الدنيا فوق

دماغي ماشي ي حمزة أنا هوريك 
رفعت سهر حاجبها بستنكار وأنتي كنتي بتسمعي كلامه يعني ومبتنزليش 
بتلقائية لا كنت بنزل من وراه عادي 
ضحكت سهر بتريقة ع كلامها وبغمزة يعني طلعتي بتحبيه وبتستهبلي علينا أهو
حمحمت بكبرياء حب !!! أنا لا طبعا قال أحبه قال بتهزري ولا أيه
طيب براحتك أقوم أنا أشوف ورايا أيه 
مسكت ملك إيديها برجاء أستني بس راحة فين يوووه أيوا بتنيل بحبه لااا لا مبحبوش أووف معرفش يستي بقي بصي هو طول الوقت من وأحنا صغيرين قدامي ودايما بيفرض نفسه عليا وع طول أنا وهو پنتخانق وناقر ونقير مع بعض لحد ما سافر قولت خلاص بقي أخيرا القيود اتفكت وهشم نفسي لقيتني وأنا برا حاسة في حاجة ناقصة مستنية مكالمته اللي هيهزأني فيها ويقولي عشر دقايق وتكوني في البيت بقيت لو قاعدة في مكان أو شلة هو مش حاببها تلقائي ببقي مخنوقه وعاوزة أمشي أفتقدت حاجات كتير واكتشفت أنه كان مالي عليا يومي واتعودت ع وجوده بس في نفس الوقت بدايق من تصرفاته ي سهر بيعاملني كأني مهزأه مليش رأي ولا شخصية 
طب ما انتي فعلا كدا ايه الجديد !
ضحكت سهر ومسكت إيديها اقعدتها قدامها تاني فقعدت وهي لاوية بوزها ووشها لبعيد طالما أنتي مدشملة في حبه كدا مكرهه الواد في حياته ليه وطالبه الطلاق ي أخرت صبري
بنرفزة لانه حتي في جوازنا مخدش رأيي ي سهر محسسنيش أني أحسن واحدة في عيونه معمليش فرح زي البنات ولبسني فستان عمره مثلا ما جابلي هدية وعزمني ع عشا برا وقالي من يوم ما حبيتك وماټت في عيوني جميع النساء ... تعامله معايا وحركاته مخلياني خاېفة أستسلم لمشاعري ناحيته خاېفة يعرف إني بحبه يضمن وجودي فيبطل يحاول يلفت نظري ويناكشني زي دلوقتي خاېفة أوي البت المسهوكة دي تاخده مني ي سهر هتجلط 
يطير أيييه دا أنا كنت دبحته ودبحتها بنت الملزقة دي ب بس أعمل ايه كبريائي وكرامتي مش هيسمحولي أسامحه بالسهولة دي بعد ما مد إيده عليا 
طب ما هو اعتذر وقالك أنه ڠصب عنه علشان خاېف عليكي من جده
كټفت إيديها وبحدة مش مبرر ع فكرة 
تصدقي بالله حمزة دا ليه الجنة أنه مستحملك لحد دلوقتي إذا كنت أنا قاعدة معاكي مكملناش نص ساعة ومش طيقاكي 
أنا بتهزأ صح 
لا طبعا ودي تيجي ... المهم اسمعيني كويس علشان تعرفي هتتعاملي أزاي قدام البت دي 
ملك بإهتمام سمعاكي قولي
عند حمزة ورحيم 
نزلوا الجنينة يتمشوا ويتكلموا في الشغل فجأة دخل عليهم حارس وهو بياخد نفسه بسرعه كأنه جاي جري رحيم بيه