ابويا اتجوز امك بقلم الاء اسامه

بصر انه يكون موجود في اي وقفة مع دكتور او اخصائي موجود عشان على الأقل يساندني .
واقفة لوحدك ليه .
كان صوته اللي قطع شرودي وانا واقفة قدام المركز وسايبة الكل جوه بصيتله والدموع في عيني 
_هو انت مصدق كل دا انا فعلا حققت الحلم يايوسف مكنش مجرد تفكير عيال ولا احلام عيلة فرحانة بالكلية فرحة بدايات زي ما قالوا محدش صدقني اني اقدر اعمل كدا غير بابا وانت .

انا فرحان وفخور بيكي هتقومي المركز وهتشغليه كأشطر أخصائية في اسكندرية وهيتعمله فرع واتنين وتلاتة وعشرة كمان .
_لا أحفادنا يبقوا يعملوه بقا وعليك بخير .
طب ولادنا طيب .
انتبهت للحظة لجملتي وجملته بصيت ف عينه وانا ببتسم وبحرك دماغي 
_انت عايز ايه ها .
ايه رأيك ندي لبعض فرصة نكون فعلا زوجين انا حاسس اننا عيال والله هو انتي لسا خاېفة مني وشايفة انك مڠصوبة عليا .
عيني لمعت مع جملته حاولت امنع دموعي 
قربت منه ومسكت كف ايده بين ايدي اتنهدت وانا بقول
_عمري ما كنت متطمنة زي دلوقت .
المركز اشتغل والدعاية نجحت وبقينا ندرب فيه حديثي التخرج وطلاب medical sciences كنت بشوف نفسي في كل حد جاي وهو طموحه يكون في نفس المكان دا قريب نفس المكان اللي هما فيه انا كنت فيه من كام سنة ودلوقت هما اللي بيتمنوا مكاني الموضوع غريب 
بس حلو حلو اوي 
اني احقق حلمي وانجح مكنتش سهلة بس يوسف كان مسهل حاجات كتير اوي 
وجوده ودعمه محسسنيش لحظة اني لوحدي او ضعيفة خصوصا بعد ۏفاة بابا سنة ونص اهو عدوا من يوم افتتاح المركز بعد اول سنة سابلي حق الإدارة والمكسب المادي يكون حقي بعد ما حاولت كتير اوي اني اعمل دراسة جدوى لانه ياخد حقه وهما شهرين بالظبط وكنت مرجعاه شريك تاني اصل انا تايهة لوحدي والله .
وحشتيني .
كان صوت يوسف بعد ما دخل البيت راجع من عيادته قال جملته وهو بيحاوطني من ضهري وساند دماغه على كتفي 
_وانت كمان اتعشيت .
هتعشى معاكي اكيد
_طب روح خد دش وغير هدومك على ما اجهز العشا اقل من عشر دقايق.
وقد كان اتعشينا وطلعت وقفت في البلكونة كالعادة على ما هو جه ومعاه اتنين شاي بالنعناع من اللي مفيش زيهم قعدنا في ارضية البلكونة وشربناه سوا وبعدين حط راسه على رجلي وانا بمشي صوابعي في شعره .
_يوسف
عيونه
_انا عندي کانسر 
قولت الجملة ودمعة هربت من عيني وسكنت على خدي بينما هو اتفزع 
بصلي وعينيه مدمعة كان مستني مني تكذيب او حتى اقول اني بهزر بس ملقاش مني غير اني ابتسمت والدموع في عيني ورفعت كتافي كإشارة انه مفيش بإيدي حاجة .
انا معاكي 
_مش هقدر عليه 
ومين قال! دانتي مفيش اقوى منك 
دا انا اوقات باخد طاقتي منك يا آلاء هتبقي كويسة والله ماتخافيش انتي قده واقوى كمان 
كان بيتكلم وهو بيحرك دماغه بسرعة كما طفل صغير والدموع مالية عينه بتعلن ضعفه وخوفه اللي كان مصمم يداري
ما اهو انتي مش هتسيبيني صح
_المهم انت ما اتسبنيش يا يوسف
افديكي بعمري يانور عين يوسف.
................................................................
سنة مرت من أسوا ما ممكن اشوف في حياتي مابين أشعة وكشف وكيماوي وحاجات كتير صعبة كانت بتإذيني أكتر ما بتعالجني بس يوسف كان عنده حق لما قال اني قوية وقدها لاني حاليا جسمي خالي من الورم نهائيا حتى احتمال الإصابة مرة تانية اقل من 1 
كلام يوسف كله كان بيتردد في ودني وانا قاعدة في بلكونتنا كذا ذكرى عدوا عليا تجمعني بيه بعد ما أنا قدرت اتخطى الکانسر وهو جنبي وداخل عليا باتنين شاي بالنعناع والمرة دي طعمهم احلى كتير .
_شكلهم حلو اوي 
قولتها وانا بشاور على اطفال بيلعبوا تحت العمارة قصاد بلكونتنا .
بس اشقيا شوية 
_كل الأطفال كدا مع الوقت هتتعود 
اكيد طبعا هت... ها ايه
حطيت ايدي على بطني وانا بقوله 
_هتتعود يا يوسف 
انتي متأكدة 
حركت دماغي علامه اه بسرعة وانا بضحك الدموع اتجمعت في عينه فرحة حاوطني بإيده ورفعني في الهوا 
دا الغرفة لا تسع اجنحتي والله 
_وحياتك ولا أجنحتي 
يبقى نطلع نقعد على السطح
_تصبح على خير يا ابو زين
احلى ام زين في الدنيا .. وربي 
تمت