قصه كامله بقلم ايه ناصر

خلي بالك من نفسك .
قمر حاااضر .
رن هاتف قمر في هذه اللحظة فنظرت إلى الشاشة فوجدت زياد استأذنت عمها للرد
قمر آلو يا زياد .
زياد بخفوت الو يا قمر إنتي فين
قمر أكيد في البيت بس بتسأل ليه في حاجه ولا إيه
زياد أصل .........................................!
الحلقه 4
رن هاتف قمر في هذه اللحظة فنظرت إلى الشاشة فوجدت زياد استأذنت عمها للرد
قمر آلو يا زياد .
زياد بخفوت الو يا قمر إنتي فين
قمر أكيد في البيت بس بتسأل ليه في حاجه ولا إيه
زياد أصل اللواء سعيد طالبنا في مكتبه.
قمر طيب يا زياد أنا عشر دقائق و جايه .
زياد ماشي يا قمر بس تفتكري عايزنا ليه
قمر مممممم مش عارفة والله لما نروح هنعرف.
زياد أوك تعالى بسرعة بقى.
قمر تمام.
.........................................
في منزل آسر كانوا يجلسون على مائدة الإفطار كعادتهم كل صباح فكان آسر وسيف وفريدة يجلسون حين أقتربت منهم سارة وعلى وجهها ابتسامتها الجميلة وقالت 
صباح الخير .
رد الجميع سويا صباح النور .
سيف إيه يا ست الدكتورة ! كل ده نوم 
سارة و أنت مالك أنت وبعدين أنا براحتى أنا في الأجازة.
سيف طيب ما أنا في الأجازة بس ماما من كل يوم تصحيني بدري ولا أيام الثانوية العامة .
آسر و أنت الحق يتقال كنت أيام الثانوية بتصحي بدري.
سيف بثقة طبعا .
فريدة بطل غلبه با سيف بقى وإفطار و أنت ساكت .
سيف كده يا ماما مبتجيش إلا على الغلبان اللي فيهم.
سارة قال غلبان قال شوف إزاي !
آسر غلبان من انهو إتجاه !
سيف إحم إيه يا جماعه في إيه والله انتم ظلمني أوي .
فريدة طبعا يا حبيبي دا أنت نسمه يا سيف والله .
سيف حبيبتي يا أمي دايما نصفاني .
سارة آه صحيح نسيت أقولكم عمي محمد جاي بكره وعلى فكره زعلان منكم جدا عشان مش بتتصلوا بيه.
آسر بجد يا سارة جاي بكره ده وحشني جدا وكنت هتصل بيه والله.
سيف أيوه بقى سيادة اللواء جاي بكره والله وحشني جدا.
فريدة ربنا يطولنا في عمره فعلا والله نعم الأخ.
آسر طيب هو هيبات معنا و لا هيروح على طول زى كل مرة
سارة مش عارفه بس هو بيمشي على طول كل مره عشان خاطر قمر وهو قال ممكن يجيبها معاه المرة دي .
فريدة يارب أنا نفسي أشوفها بقي على طول بكلمها في التليفون وبس نفسي اشوفها.
سيف و أنا والله مش فاكرها أصلا هو في حد ما يعرفش بنت عمه إلا أنا!
آسر هي حرة واحدة ومش عايزة تعرفنا هنغصب عليها 
فريدة لا يا آسر تلاقيها بس مش بتحب تسافر أو عندها ظروف و مېت مرة أقولك متحكمش على حد اللي لما تتعامل معاه وتعرفه.
سيف أكيد مسيرنا هنتعرف عليها .
آسر بضحكه ساخرة في الآخرة أن شاء الله أنا هقوم أروح شغلي سلام .
وصلت قمر إلى مبنى الإدارة و كانت ترتدي هذه المرة ملابسها الرسمية ذات اللون الأسود وتضع الكاب الخاص بها ويعلو كتفها شريط الرتبة الخاص بها ثلاث من النجم ذهبية التي تبين رتبتها وافتخارها بذاتها فارتدت ملابسها الرسمية
احتراما لهذا الرجل الذي تكن له المحبة و الاحترام .
فقد كان عون لها في كثير من الأشياء منذ أن تم تعينها في مكتب الإدارة و كان اللواء سعيد يعاملها بكل حب وترحاب دائما ويساعدها في مهامها حتى فهمت كل شيء تقابلت هي وزياد الذي كان أيضا يرتدى ملابسه الرسمية ذات اللون الأسود ويضع الكاب وعلى كتفيه شريط الرتبة الخاص به ويعلوه نجمتين فقمر أعلي من زياد برتبه حين رأى زياد قمر أعطي لها التحية العسكرية توجهوا حيث مكتب سيادة اللواء وبعد الاستئذان سمح لهم بالدخول.
أعطت قمر وزياد التحية العسكرية للواء سعيد في حين قال هو
اللواء سعيد ألف مبروك يا قمر دائما تبهريني كده.
قمر الفضل يرجع لربنا ثم لتعليمات معاليك يا باشا .
اللواء سعيد إيه يا قمر أنا عارف إنك مبتحبيش تجاملي حد بس فعلا أحسنتم يا ولاد وأنت يا زياد بجد أثبت مهارتك وإنك ضابط ناجح.
زياد مداعبا أخيرا يا فندم عرفتم قدراتي كان نفسي في الكلام ده من زمان .
اللواء سعيد لا بجد أحسنتم أنا فخور بيكم جدا .
قمر ربنا يخليك لنا سيادتك الشهادة دي وسام على صدورنا نفتخر بيه.
زياد اه والله بس يا سيادة اللواء أنا نفسي أترقي بقي.
اللواء سعيد ههههههه ماتخفش يا زياد أكيد هتترقي عن قريب وتبقي سيادة النقيب وقمر تبقي سيادة الرائد أنا كاتب عنكم تقرير ممتاز ومن النهاردة أنتم في أجازه لمدة أسبوعين عشان ترتاحوا فيهم شوية.
قمر ألف شكر لسيادتك و يا رب دائما نكون عن حسن ظنك .
بينما كانت قمر تتحدث مع سيادة اللواء سعيد وزياد في بعض المواضيع قاطعهم أحد العساكر وهو يدلف إلى الغرفة ومعه إشارة كتابية للواء وبعد إعطائهم التحية العسكرية قام بتسليم الإشارة إلى اللواء سعيد وبعد قراءتها تغيرت معالم وجهه لحظت قمر ذلك فسألته
قمر