قصه كامله بقلم عبير سليم

شكرا لله على نعمه عليهم
فى الفيلا
فارس مالك بتفركى ليه
ملك  عاوزه اقولك على حاجه وخاېفه من رد فعلك
فارس قولى ومعاكى ربنا
ملك  عاوزة اعمل حقن مجهرى
فارس احجزى عند الدكتور ونروح
ملك بجد يافارس
فارس اكيد يا روح فارس
ملك ربنا يخليك ليا يا رب ينزل فارس وملك لتناول الغداء مع العائله بينما كانت نور تجلس بجانب ابيها وتضع له الطعام في فمه
ودى كمان والنبي يابابا
فهمى شبعت والله يانور
فارس  بابا امال فين بطتى
نور وهى تمسك خدود ابوها  بطتى وقطتى الحلوة بحبه ياناس
عايده  ههههههه يابت احترمى ابوكى

فهمى لاء سيبيها انا عاوزها تدلعنى قبل ماييجى اللى ياخد للدلع كله لوحده
فرس وهو يشيح بيديه لملك التى تفهم مغزى كلامه ييجى بعد ايه ماخلاص خد املى وراح
عايده انت بتقول ايه يافارس مش فاهمه
ملك  لا يا ماما مفيش حاجه ياحبيبتى مانتى عارفه فارس بيحب يهزر
فارس ماما انا عاوز اكل بط ورقاق
عايده  ليه ياحبيبي بتتوحم
فارس شكلى كده وتشيليلي القنصه عشان بحبها
يضحك الجميع
بينما كان اسر لايشاركهم الحديث فقد كان عقله مشغولا بحياة التى طلبت منه اجازة لمدة اسبوع
ويتذكر هذا الموقف
حياة  بعد اذنك يااستاذ اسر انا محتاجه اجازة اسبوع
اسر ايه اسبوع لا طبعا استحاله
حياة  معلش والنبي يااستاذ اسر انا محتاجه الاجازة دى اوى
اسر محتاجاها فى ايه ياحياة
حياة حاجه خاصه
اسر  والشغل ملوش علاقه بامورك الخاصه احنا اليومين دول عندنا مشاغل كتير واديكى شفتى ان قضية الاقصر بعت واحد من المكتب يطلب التاجيل من كتر الشغل وحضرتك تقوليلي حاجه خاصه
حياة طب حضرتك اخصم الاسبوع من مرتبي بس والنبي وحياة تولين وسيلين ماترفض
ثم تقترب منه وقد شعر بقشعريرة تسري فى جسده من اقترابها هكذا تمنى فى هذه اللحظه لو احتضنها بشده تمنى لو اخذ شفتيها التى تتحدث بها بين شفتيه وذاق طعمها
ولكنه فاق على صوتها وهى تترجاه  فرح حتاخد الملفات كلها عندها وحتنظم الشغل كله واوعدك انها حتكون اخر مرة انا عارفه انى اخدت اجازات كتير وحضرتك استحملتنى كتير اوى
ود اسر لو يحتضنها ويقول لها انه على اتم الاستعداد ان يتحملها العمر كله ولكنه لايطيق البعد عنها فهو يتمنى اتقضاء الليل حتى ياتى الصباح وينعم برؤيتهافكيف له ان يحرم منها لمدة اسبوع ولكنه لايستطيع ان يقسو عليها لا يستطيع ان يرفض لها طلب
فاق مما هو فيه
خلاص ياحياة خدى الاجازة
حياة  شكرا متشكرة اوى اوى يااستاذ اسر ثم تخرج سريعا الى مكتبها
بينما هو لا يدري ماذا يفعل
كيف له ان يتحمل غيابها
فاق من هذه الذكريات على صوت شيرين
هاه ياحبيبي قلت ايه
اسر ايه انتى بتقولى ايه
شيرين بقولك انا عاوزة اخد البنات افسحهم ايه رايك تيجى معانا
اسر حاضر ياشيرين
عايده  ومن امتى ياشيرين وانتى بتهتمى بالبنات واللا بتفكرى فى فسحتهم
شيرين  يييه بقى هو انا مفيش حاجه اعملها تعجبكم ابدا لاده نافع ولا ده نافع
اسر انقاذا للموقف خلاص ياشيرين مفيش مشكله نروح الغردقه يومين انا كمان زهقان اوى ومحتاج اغير جو
تولين وسيلين هيييييه حنتفسح
تولين  بابا قول لحياة تيجى معانا
ينصدم اسر من سماع هذه الجمله بينما تنفعل شيرين ايه الكلام الفارغ ده حياة مين دى كمان اللى عاوزاها تيجى معانا ماهى كانت ناقصه ناخد معانا الشغالين بتوعنا كمان نفسحوهم
اسر  من فضلك ياشيرين متغلطيش فى حدهى عملتلك حاجه عشان تغلطى فيها
شيرين ياسلام ومالك محموء عشانها كده ليه
عايده فى ايه ياجماعه صلوا عالنبي كده
متخلوش الشيطان يدخل بينكم
يقوم اسر من على المائده ويصعد غرفته
ببنما كان فارس وملك يتابعون الموقف فى صمت
صعدت شيرين خلفه مباشرة لتتودد اليه
اقتربت منه وهو يقوم بتبديل ثيابه حبيبي انا مكنتش اقصد
اسر خلاص ياشيرين مفيش حاجه
شيرين اعمل ايه اصلي بحبك اوى وبغير عليك
اسر يتركها ويذهب للحمام
بينما هى تحدث نفسها  هى ايه حكاية البنت دى بالظبط لاء انا لازم اعرف حكايتها ايه
بعد خروجه تلتصق به حتى يؤكد لها انه غير ڠضبان
فى اليوم التالى
فى حجرة بالمستشفى
مصطفى حمدالله على السلامه يابطل
ابو علا  الله يسلمك يا دكتور
مصطفى ممكن تفتح صوابعك وتقفلها كويس
يفعل ابو علا مايطلبه منه
مصطفى شايف كويس
ابوعلا ايوة الحمد لله
مصطفى الف حمدالله على السلامه
انت كده زى الفل وبقيت تمام اوى
ابو علا الحمد الله
ام علا  ربنا يخليك يا دكتور يارب ويعللى مراتبك كمان وكمان ويديك كل اللى نفسك فيه يارب
مصطفى ربنا يخليكى يارب
بصوا ياجماعه الراجل الطيب ده حيقعد معانا يومين نطمن عليه انه بقى كويس وبعد كده يخرج بالف سلامه بس عاوزين راحه تامه
ام علا  حاضر يادكتور اللى تؤمر بيه
يخرج الدكتور
ام علا  حمدالله على السلامه يانن عينى
ابو علا  الله يسلمك
فين الولاد
حياة  اطمن الولاد بخير مراة المستشار صممت انهم يقعدوا عندها لحد مانرجع
بصي ياعلا انتى حتروحى عشان محمد محتاج يرضع وانا حبات مع ابو علاالنهارده
ام علا لا انا مش حقدر اروح واسيبه
ابو علا  روحى للعيال ياعلا واسمعى كلام حياة
ام علا  خلاص حاضر يااخويا بس والنبي ياحياة انا حبقى اتصل عليكى كل شويه تطمنينى عليه
حياة اتصلي ياحبيبتي انا حفضل صاحيه مش حنام
ابو علا ربنا يخليكم لية يارب
حياة وام علا  وميحرمناش منك يارب
بعد عدة ايام
فى منزل داليا
الماذون يكتب الكتاب وتعلو الزغاريد بينما داليا تبكى فى الداخل
امها ياللا يابنتى قومى عشان حتمشي مع جوزك
داليا  امشي فين انا مش رايحه فى حته وانا مش مراة حد انا مش موافقه على الجوازة دى
امها  يابنتى خلاص الماذون كتب الكتاب
داليا  وانا مش حمضي مش حمضي
يدخل ابوها ويعطيها الورق لتمضى
امضي
داليا تنظر له پخوف بابا ربنا يخليك مش عاوزة اتجوزه
ابوها  انتى عاوزة تفضحينى ادام الناس وربي لو ممضيتى لكون دبحك دلوقتى حالا وياخذ السکينه من طبق الفاكهة الذى راه امامه حيث كانت امها تحاول اقناعها بتناول اى شئ
ويهددها بالسکين اذا لم تمضي
امها  امضي ياضنايا ابوس ايدك متوجعيش قلبي عليكى
تمضي داليا على عقد مۏتها وليس زواجها
حرام عليكم ليه تعملوا فية كده انا مش مسامحاكم
وليه كمان يخليه ياخدنى دلوقتى مش قال انه كتب كتاب بس
امها  خلاص يابنتى يعنى هو انتى كنتى عاوزة فرح
دالبا  انا لا عاوزة فرح ولا زفت
انا مش عاوزة اتجوز اصلا
امها  خلاص ياداليا يبقى مش فارقه
بينما صمم والدها على ان ينتهى من امر زواجها قبل عودة شادى حتى لا يساعدها على التخلص من هذا الزواج
تخرج داليا برفقة امها وهى ترتدى فستان ابيض اللون ولكنها كانت تنظر اليه على انه كفنها وليس فستان زفافها
تجلس بجوار العريس وكلما مسك يدها تحاول نزع يده من بين يديها
وبعد انقضاء الليله ياخذها اهل الزوج الى بيتهم حيث ستسكن فى نفس المنزل الذى يسكن فيه اهل زوجها ولكنها فى الطابق العلوى
يصعد العروسان الى شقتهم وتصعد معهم ام الزوج واخوته
ام الزوج وهى تتحدث لابنها بقولك ايه عاوزاك تشدحيلك وتطمنى عشان انا قلبي مش مطمن
كمال ليه ياماما
امه مش شايف ابوها قلب الجوازة فى يومين ازاى ده حتى مطلبش حاجه ولا اتشرط علينا زى ماالناس كلها بتعمل كانها بلوى وعاوز يخلص منها وانا بصراحه قلبي مش مطمن لتكون معيوبه واللا فيها مصېبه كله منك انت ياابن الجذمه
كمال بصراحه اصلها عجبتنى
امه عجبتك طب اما نشوف يافالح
تنزل الام واخوته بعد ان يباركون لهم بينما يتركوهم بمفردهم
كمال مبروك يا عروستي نورتى بيت جوزك ويحاول ان يقترب منها
داليا ايه