انت ام هو

جامد وحسيت بفرحة غريبة .. دخلت على الماسدج لقيته باعتلي يا ريت متكلمينيش تاني يا مدام هيام ميصحش كده
قلبي وجعني ودمعت هو افتكر اني رجعت لهشام
قفلت التليفون وقررت اني خلاص هنسى محمد وهنسى هشام وهعيش عشان بنتي وبس
عدت الأيام والأسابيع كنت بروح الشغل وانا مروحة بجيب وعد من الحضانة لحد ما في مرة واحنا مروحين لقيتها بتقولي مامي مش سيف رجع الحضانة تاني
قلبي دق بسرعة وبصتلها بفرحة بجد يا وعد
وعد اه بجد يلا بقي مش انتي قلتي انك هتعملي حفلة لما سيف يرجع
قلت بحزن اه يا حبيبتي بس ...
وعد طب يلا هنروحلهم امتى
خلينا نستنى كام يوم الاول هما اكيد راجعين تعبانين من السفر
وعد بزعل طفولي ماشي
دخلت الأوضة وانا فرحانة اني هشوفه تاني لومت نفسي على اللي بفكر فيه لأني اخدت قرار اني هنساه بس وهمت نفسي اني فرحانة عشان وعد وسند هيرجعوا يلعبوا مع سيف تاني
عدى تلات أيام ومع اصرار وعد و زنها اتفقنا اننا هنروح لبسمة النهاردة
اخدتها ونزلنا رحنا لحد ما وصلنا لأول الشارع اللي فيه عمارة بسمة بس اټصدمت لما شفتها واقفة مع محمد !
قربت منهم من غير ما يشوفوني واستخبيت في مكان ابقى انا شايفاهم وسامهاهم وهما لا
سمعته بيقولها أنا جيت على نفسي ووافقت اقرب منها تاني برغم انك قلتيلي انها هترجع لطليقها لكن بعد اللي حصل ده لا يمكن اجي على نفسي تاني بعد ما رجعتله
بسمة والله ما رجعتله يا محمد هو قال كده عشان يبقاله حق يزعق وسط الناس
محمد رجعتله بقى مرجعتلوش مليش فيه خلاص هيام موضوعها اتقفل.. اه صح أنا هخطب الأسبوع اللي جاي
البارت السابع
أنت_أم_هو
والله براڤو.. عرفتوا تمثلوا عليا صح بقى انت يا بسمة اللي قايلاله يقرب مني حتى بعد ما عرفتي اني ممكن ارجع لهشام انت ضميرك فين ماللي بتعمليه ده ظلمتيني وظلمتيه انت اتسببتي فأوحش احساس انا حسيته في حياتي.. هشام نفسه مأذانيش كده وانت انت ايه يا أخي ازاي توافق
على حاجة زي دي ازاي تبقى عارف اني ممكن ارجع لطليقي وتقرب مني وتحسسني انك بتحبني ليييه عملتلك ايه حرام عليكوا انا تعبت وکرهت حياتي.. أنا بكرهكوا
قلت الكلام ده بعياط ولاحظت نظرة الندم في عينيهم بس مهتمتش اخدت وعد ورجعنا لمكان ما جينا
اول ما دخلت البيت ومسكت التليفون لقيت اكتر من عشر اتصالات من هشام اټخضيت واتصلت عليه لقيت واحدة ردت عليا حضرتك مرات استاذ هشام
لا طليقته انتي مين و ايه اللي حصل
استاذ هشام عمل حاډثة جامدة جدا وهو دلوقتي في مستشفى 
ايه!!! طب هو كويس دلوقتي
للأسف هو في غيبوبة بقاله ساعتين مبيصحاش
انا جاية حالا
قفلت معاها وانا بعيط ومتوترة ومش عارفة اعمل ايه اتصلت ببسمة مقداميش غيرها قلتلها تخلي طارق يديها العربية وتجيلي بسرعة
بعد شوية لقيتها بترن انها جت.. وديت وعد لناس جيرانا ونزلت بفتح الباب لقيت محمد هو اللي بيسوق وبسمة قاعدة ورا
انت بتعمل ايه هنا
بسمة مش وقته يا هيام يلا يا محمد
رحنا المستشفى ودخلت لقيت الدكتور خارج جريت عليه وانا بعيط طمني يا دكتور على هشام
الدكتور للأسف المړيض اتوفى.. البقاء لله
حسيت برجلي مش شايلاني وقعت على الأرض بضعف بس منغير ما اعيط ولا ادمع حتى..
بسمة جريت عليا حضنتني جامد وهي بټعيط
محمد بصلي بحزن
البقاء لله يا هيام
بصتله ومردتش شوية وأهله جم وانا مشيت وقررت أقفل الصفحة دي نهائي من حياتي صفحة هشام وكرهي ليه وصفحة محمد وحبي ليه مش عايزة اكره حد ولا احب حد انا هعيش لبنتي بس
روحت بيتي لوعد وفهمتها ان باباها اتوفى.. عايزة بنتي تواجه كل مشاكل حياتها من وهي صغيرة متهربش منها ولا تنكر وجودها وهي طبعا مزعلتش اوي لأنها اصلا من الأول اني كنت كل فترة والتانية بفتكر محمد ڠصب عني وبرجع اجلد ذاتي وانهر نفسي على التفكير ده.. بس كنت حققت نجاح كويس في شغلي وغيرت حضانة وعد وديتها حضانة جنبنا لحد ما في يوم لقيت بسمة بتتصل عليا
بسمة ازيك يا هيام
ازيك يا بسمة
الحمد لله.. ايه انا مش واحشاكي ولا ايه
سكتت شوية وبعدين اتكلمت وحشتيني
انا عايزة اتكلم معاكي يا هيام انا سبتك خمس شهور تهدي فيهم