صفقه زواج بقلم سهام صادق

طيب ده طعمه حلو 
كريم _ لاء مش هتاخده الا لما تقولي بالتفصيل علي الي عاملته انجز 
عمر بدعابه _ انت حاج انت ياساتر عليك 
وبعد ان قص له ما فعله كما طلب منه 
كريم بأبتسامه _ تفتكر هتكون مبسوطه 
عمر وهو يأخد كوب العصير ويرتشف منه _ ان شاء الله 
كريم _ طيب والصوره بتاعت الفستان الي انا بعتهالك 
عمر _ زي ما طلبت بعت الصوره لأتيلي في فرنسا وبكره ان شاء الله هيكون هناا 
كريم بدعابه _ متركز بقي يابني ايه اول مره تشرب عصير
عمر _ انت هتذلني علي كوبايه العصير ديه خد اهي 

كريم بضحك _ بعد ما شربتها 
عمر _ انا طالع للحجه امينه حبيبتي اشرب عندهاا العصير قولهم يبعتولي كوبايه عصير تاني علي فوق 
كريم بضحك_اطلعلها ياسيدي 
...................
انا مبسوطه اووي يامي متعرفيش انا فرحانه اووي اووي ياا لو أقولك بجد علي المنظر قلبك كده بيتخطف خطڤ ده انا مكنتش عايزه اجي واسيب المكان الحمدلله ان ربنا اكرمني وكتبهالي وزي ما اتمنيت مع زوجي 
مي بحبك _ ربنا يكرمك ويحقللك كل الي بتتمنيه ياحببتي 
فرح _ كريم حنين اووي ده بيحاول يعمل اي حاجه عشان يرضيني مش قادره اتخيل حياتي من غيره هتكون ازاي تفتكري يامي ممكن يكون بيعمل كده عشان بس حس انه ظلمني وبيحاول يعوضني وبعد كده هيسبني
مي _ ايه الهبل الي انتي بتقوليه ده لو مكنش بيحبك وعايزك مكنش قالك انه عايز يكمل حياته معاكي وتكوني زوجته قدام الناس كلها استعيذي من الشيطان وأنسي كل الي فات 
فرح بحب _ عارفه يامي انا لو كان ليا اخت مكنتش هحبها زي ما بحبك كده ربنا يخليكي ليا 
مي بحب _ ربنا يديم حبنا لبعض صح انا هجيلك بكره ان شاء الله عشان اباركلك يا حجه يارب اكتبهالي
فرح بحب _ يارب ياحببتي ماشي هستناكي 
بعد ان انهت محادثتها مع صديقتها 
الټفت لكي تخرج من غرفتها فوجدت كريم يقف خلفها
كريم ولكي لا يجعلها تشعر بأنه قد سمع حديثها مع صديقتها _ كنتي بتكلمي مين ياحببتي
فرح _ كنت بكلم مي هي هتجيلي بكره ممكن تيجي البيت ده لو مش هيضايقك يعني
كريم بأبتسامه _ البيت ده بيتك انتي كمان ومن حقك تستضيفي اي حد انتي عايزاه من غير ما تستأذني وخلي السواق بكره يروح يجيبها
فرح بأبتسامه وهي تخفض رأسها _ متشكره اووي
كريم بضحكة جميلة _ يابنتي انا جوزك هو كل ما اكلمك تبصي للارض
فرح _ اصل مش بعرف ابص علي حد وانا بكلمه
كريم بخبث _ بس انا مش اي حد وعايزك تبصيلي ديماا وكمان ده انا امۏتك لو بصيتي علي راجل غيري فاهمه 
فرح ومازالت تنظر للارض _ حاضر
كريم _ اجمل حاضر انا سمعتها في حياتي قوليها كده تاني
فرح بخجل _ طيب ممكن توسع كده عشان اروح لماما 
كريم _ لاء مش هوسع وكمان ماما اخدت الدوا ونامت 
فرح _ طيب خلاص هنزل اجيب كتاب من المكتبه تحت عشان اقرء فيه .. ثم خرجت سريعا من الغرفه وهي مبتسمه
كريم بدعابة _ أهربي اهربي مسيرك في يوم هتقعي تحت ايدي يافرح هانم
.............
هي ديه مي ياماما الي بحكيلك عنها 
امينه بحب وهي تقبل مي _ فرح ديما بتحكيلي عنك ربنا يخليكوا لبعض ياحببتي
مي بأبتسامه _ وفرح برضوه والله ياطنط ديما بتكلمني عن حضرتك ومن كلامها كان نفسي اشوفك واتعرف عليكي والحمدلله اتعرفت علي حضرتك
أمينه بأبتسامه وهي تنظر لفرح _ ربنا يخليكي ياحببتي ها يافرح قولتي لداده تحضر الغدا عشان صاحبتك 
مي _ لاء ياطنط انا يدوبك أمشي ده انا هنا من الصبح
أمينه _ لاا انا كده هزعل منك 
فرح _ كده هتزعلي ماما منك يامي 
مي بأبتسامه _ لاء طبعا مقدرش انا علي زعلها حاضر
............
ايوه ياكريم لاء مافيش حاجه وصلت البيت حاضر مش هفتح حاجه وهدخل الحاجه علي اوضتك 
كريم _ لاء خليهم في اوضتك انتي 
فرح بدهشه _ حاضر 
وبعد ان انهت حديثها معه ...
جلست بجانب صديقتها ليكملوا طعامهم 
مي _ عندك حق تحبي الست ديه بجد ديه طيبه جدا ربنا يخليهالكم 
فرح بحب _ يارب يا مي بجد هي الي عوضتني عن حنان امي الي كنت مفتقداه ثم تذكرت زوجة اباهاا 
صحيح متعرفيش حاجه عن مرات بابا وبنتها 
مي _ بعد الي عملوه معاكي لسا فاكراهم ده انتي المفروض تمحيهم من ذاكرتك 
فرح بأبتسامه _ ماهو لولا الي عملوه معايا مكنتش اتجوزت كريم ولا قبلت ماما امينه فعلا ساعات الواحد بيزعل لما بيلاقي الدنيا ضلمة قدامه فجأه ومافيش اي باب قدامه وحتي الباب الوحيد الي مفتحوله برضوه ضلمه بس بعد كده بيكتشف فعلاا انا الضلمه ديه مجرد شعاع للضوء الي وراه بس المهم الواحد يكون راضي وواثق ان