ابن صاحب الشركه الجزء الاول والثاني بقلم آية محمد عامر 

شقتها وباتي معاها وأنا هفضل مع أخواتي...
قاسم راح ناحية فرح وسحبها للحظه و طلب منها كتير عشان تمشي..
فرح ي قاسم مينفعش..
قاسم ي فرح أنا ساعه واحده والناس هتمشي و هقفل الفيلا وخلاص بس عشان خاطري لازم ترتاحي...
فرح طيب هقعد هنا في اي أوضه و نروح سوا..
قاسم لا.. هنا هتفضلي شاغله دماغك باللي بيحصل... يلا روحي مع أختك هبعت معاكي السواق..
بالفعل غرام مشيت مع فرح لحد م وصلت لشقتها..غرام فصلت تلف في الشقه و تتفرج عليها و هي مبهوره بيها وبالأثاث و النظام و كل حاجه..
غرام شقتك حلوه أوووي اوي ي فرح.. اي دا صح انتي تعبانه.. يلا يلا غيري الاسود دا و غيري هدومك و ارتاحي علي م أنا أعملك حاجه تاكليها..
فرح طب تعالي اما أشوفلك حاجه تلبسيها..
غرام عاوزة بيجاما بكيسها ي فرح اكيد عندك لبس لسه جديد..
فرح بإبتسامه اه عندي و هبقي انزل معاكي لما تيجي تشتري لأنهم حلوين اوي وخامتهم حلوة هاخدك نفس المحل..
غرام ماشي..
فرح و غرام غيروا هدومهم و فرح فعلا كانت محتاجه أنها تنام ف فضلت نايمه تلات ساعات و بعدين صحيت علي غرام و هي بتقولها تصحي عشان تاكل..
فرح بنوم سيبني نايمه شوية ي قاسم مش ناقصاك..
غرام بضحك


لو اتطلقت مش هستغرب..ي بنتي قومي...
فرح غرام! عاوزة انام سيبيني..
غرام قومي كلي ي حبيبتي في نونة جعانه عاوزة تتغدي..
فرح عملالي اكل اي!!
غرام فراخ ولسان عصفور..
فرح لا حضرتك فاهمه غلط.. دي لما أولد..
غرام بضحك بهزر معاكي عملالك فراخ اه و معاها نجرسكوا بصي انا خلصتلكوا ع الفراخ اللي في التلاجه.. ولقيت حواوشي في التلاجه..
فرح اه دا كنت عملاه من قبل ما نسافر..
غرام ي لهوي دا أنا كلت منه..
فرح معتقدش انه باظ يعني كنت حطاه فوق..
غرام طيب يلا كلي..
فرح ي تري قاسم أكل ولا لا!
غرام ي عيني ع الحب.. متقدريش تاكلي من غير ما تعرفي كل ولا لا..
فرح بصراحه اتعودت اني اكل معاه.. حتي في الشركه بقينا نطلب أكل سوا.. أنا هكلمه..
فرح مسكت التليفون ولسه هتتصل لقته متصل بيها أكتر من مره..
فرح دا قاسم اتصل بيا..
رنت عليه ف رد بسرعه.. طبعا الكلام دا مبيحصلش
قاسم عامله اي دلوقتي!
فرح الحمد لله نمت شوية.. و أنت كمان نام شوية و ارتاح..
قاسم أنا رجعت الشقه عند أخواتي و طلبنا غدا هاكل و أنام.. أنتي كلتي حاجه ولا ناسية نفسك!
فرح هاكل اهوه قولت أكلمك الأول..
قاسم أنا كويس ي حبيبتي.. متقلقيش عليا ي فرح..
مر أسبوع كامل علي ۏفاة والد قاسم و الأمور رجعت مشيت بشكل طبيعي و فارس و قاسم و خالد قرروا بيبعوا الفيلا لأنها بتحمل ذكريات سيئه و مش حابين يرجعولها في يوم من الأيام.. 
فرح بتتحسن و غرام فضلت معاها أكتر من يوم و رجع قاسم تاني هو اللي مهتم بيها..وفي نفس الوقت مهتم ب أمور الشركه...
في الشركه..
زياد صباح الخير..
هالة صباح الن.. النور صباح النور..
زياد ب ابتسامه قاسم موجود..
هالة لا ي فندم مستر قاسم هيرجع بعد ساعتين..
زياد ب استغراب هو فين!
هالة هو فرح عندها معاد للدكتور وهو معاها..
زياد أها تمام..
زياد مشي و هالة راقت شوية من توترها وبعدين سكتت لحد م لقت والدها بيتصل بيها...
أحمد عملتي اي في دنيتك عشان يتقدملك ظابط..
هالة پصدمه اي!!
أحمد جايلك عريس ي فالته بس المره دي ظابط.. مش عاوزة أسمع اعتراضاتك اللي ملهاش اي لازمه..
هالة احم.. اسمه اي!
أحمد اسمه زياد...
هالة بسعادة متهزرش..
أحمد تعرفيه!
هالة ولا شوفته قبل كدا.. هو هيجي امتي!
أحمد يوم الخميس..
هالة بعد بكرا!!! طيب ي بابا تمام...
هالة قفلت السماعه وهي باصه قدامها پصدمه كبيرة و مش مصدقه أنه عاوز يتقدملها...
هالة د. دداليا.. داليا الحقيني..
داليا كانت بتصور ورق مهم للشغل و لما شافتها هالة ملقتش غيرها تكلمها..
داليا اي ي بت!
هالة جايلي عريس..
داليا و ي تري بقي هتطفشيه ازاي!
هالة لا أنا مش ناوية أطفشه خلاص.. حاسه أنه مناسب..
داليا انت تعرفيه!
هالة اه عارفاه... زياد صاحب مستر قاسم..
دااليا الظابط!! ي خربيتك وقعتيه ازاي دا!
هالة والله م عملت حاجه.. انا اصلا من ساعه الفرح وانا شايله الموضوع من دماغي بس شوفي سبحان الله..
داليا يعني نقول مبروك..
هالة شكلها كدا! أومال علا فين!!
في مكتب ياسر...
ياسر طيب الصفقه دي المفروض أنها خلصت بس لسه فيها كام مشكله هبقي اكلم قاسم فيها.. علا! علا أنتي معايا!
علا ااه.. اه ي مستر معاك..
ياسر مالك كدا شاكلك سرحان النهاردة.. بصراحه بقالك فترة...
علا بدموع انا كويسه.. كويسه..
ياسر لا أنتي مش كويسه.. خدي اشربي مايه..
علا شربت مايه وهي باصه في الأرض و مبتتكلمش..
ياسر مالك!
علا من كام شهر سيبت خطيبي و دا اللي مضايقني..
ياسر كنتي بتحبيه وأكيد لسه بتحبيه!
علا لا.. مبقيتش.. بس دايما بسأل نفسي هو اللي ليه محبنيش.. انا مستاهلش تجاهله كدا.. لحد ما عرفت أنه مختارني عشان مناسبه وخلاص.. لا كان معجب بيا ولا بيحبني ولا اي حاجه..
ياسر و عرفتي ازاي أنه مش معجب بيكي..
علا كنت حاسه من أول م اتخطبنا.. لحد م خلاص خليت عقلي هو اللي يتحكم فيا و كان أول قرار أخدته أني اسيبه.. 
اسټنزفت مشاعر كتير ف الخطوبة بحس اني ابين اهتمامي فهو كمان يهتم.. بس حتي في تجهيزات الخطوبة مكانش متحمس.. مكانش مهتم اصلا.. ولما واجتهه مأنكرش.. بس كدا مقدرتش اكمل.. 
هضيع لو كملت مع واحد مبيحبنيش.. مع الوقت نسيته بس منسيتش السؤال الوحيد اللي اتبقالي من خطوبتنا هو أنا ليه محبنيش!
ياسر يمكن المشكلة عنده هو.. دا أكيد..
علا و اي اللي خلاه أكيد..
ياسر اسألي أنتي نفسك.. أنتي بنت كويسه و محترمه ودماغك حلوة في الشغل يعني ذكية...
علا يمكن هو مش شايفني كدا..
ياسر يبقي هو اللي أعمي بقي.. مش يمكن أحنا مفيناش عيوب بس الشخص هو اللي مش مناسب.. يمكن استعجلنا أو مفكرناش صح أو حتي الشخص دا كويس اه بس مش هو الشخص اللي مكتوب ليك..
علا ممكن..
علا وقفت وخرجت من المكتب بهدوء و ياسر بيبص في أثرها ب تفكير و شرود.. مسك تليفونه و أتصل ب غرام..
ياسر ممكن نتقابل..
غرام أمتي! أنا عندي شغل دلوقتي..
ياسر شغل! شغل اي!
غرام بدور علي شغل مهو مش هينفع فرح تبقي في بيت جوزها و هي اللي تصرف و بابا اكيد مش هيقدر ينزل المصنع زي زمان..
ياسر اه بس أنتي مقولتليش!
غرام يعني انت عندك مشكله
ياسر مش حكايه كدا.. القصه أنك مقولتليش!!
غرام أنا قولت انت مش هيكون عندك مشكله في كدا..
ياسر بعصبيه ي غرام معنديش مشكله في الشغل.. انا مشكلتي معاكي انتي!
غرام طيب أنا أسفه..
ياسر فاضيه أمتي نتقابل!
غرام أنت و أهلك معزومين عندنا يوم الجمعه ف نبقي نتكلم..
ياسر يعني بعد تلات أيام بقولك عاوز اتكلم معاكي في حاجه مهمه.. قبل م أهلي يجوا عندكم..
غرام تمام هقول لبابا و نخرج بليل..
ياسر تمام..
غرام داخله عماره بيتها بعد ما خلصت مشوارها و هي بتفكر في جملته الأخيرة.. 
قبل م تطلع السلم لقت عربية قاسم وقفت قدام العمارة و خرج هو وفرح منها..
غرام عملتي اي!