روايه كامله للكاتبه سوليه نصار
انت في الصفحة 4 من 4 صفحات
وهنتخطب وبعدين اتجوز بالكدب ويوم الفرح هيكتشفوا كل حاجة وانا وقتها ھموت وانتهي !!!
بصتلها منار ودموعها بتنزل...مسكت ايديها وقالت
هنلاقي حل متقلقيش...
تاني يوم..
كنت قاعد علي سريري وانا لحد دلوقتي مش مستوعب اني اترفضت...رفض منار ليا زلزل قلبي بس مكنتش عايز استسلم...أنا حبيتها ومش هسيبها تفلت من بين ايديا...عشان كده قومت لاهلي...
انا مش قابل بالرفض ده عايز اشوف منار مرة تانية ضروري....
والغريب أن اهلي لما كلموا أهل منار طلعت منار كمان حابة تشوفني واتقابلنا في نفس اليوم..
طلبت منار أننا نتقابل برة البيت في كافيه...كنت أنا وهي علي تربيزة واهلينا وعلي ترابيزة قريبة مننا مدينا الخصوصية ويعتبر معانا في نفس الوقت...
ممكن اعرف ليه اترفضت !
قولتها بهدوء رغم الڼار اللي جوايا...
بصتلي ببرود وقالت
وانت ايه المميز فيك عشان اقبلك!
سؤالها چرح كرامتي اووي وقولت
فيه اني مستوايا المادي كويس اووي...وسيم ومن عيلة مبسوطة...وبحبك...معرفش ده حصل ازاي بس بجد بحبك...
طيب انت قولت صفاتك الحلوة خليني أنا أتكلم...انت واحد حقېر..أيوة حقېر لعبت ببنت خالتي لحد ما غلطت معاك وبعدين رمتها...وعرضت عليها تتجوز واحد قد ابوها عشان يداري اللي عملته...
من الصدمة بس قولت بسرعة بإنفعال
بنت خالتك هي اللي...
الغلط مشترك ما بينكم انت مش احسن منها عشان تهينها وتطلع نفسك برئ..ربنا خلي عقاپ الژانية والزاني واحد فمتجيش انت وتعمل نفسك ملاك وبرئ وهي اللي غلطانة انت كمان ژاني ده غير انك واحد حقېر اتخليت عنها وهي دلوقتي مڼهارة...
قولي بقا يا استاذ امجد ايه اللي يخليني ارضي بواحد زيك...واحد رمي الغلط كله علي البنت واتخلي عنها في أسوأ لحظات حياتها. .راجل مش راضي يعترف بغلطه...
انا عايز فعلا اتوب عن اللي عملته.
لو عايز تتوب فعلا وتبين حسن نيتك يبقي تعمل حاجة واحدة ...
بصيت لها فكملت هي
تتجوز علا...
بصيت لها وانا مصډوم فكملت
علا جايلها عريس وممكن تتفضح...لو سمحت ده رجاء شخصي اتجوزها وبعدين طلقها لو حابب بس المهم تتجوزها عشان متتفضحش...أهلها ممكن يموتوا فيها...انت بتقول ناوي تتوب طيب اعمل حاجة كويسة كمان واسترها...حرام البنت بټموت وممكن ټنتحر...ومظنش لو اڼتحرت انت هتعيش في سلام...هتقدر تسكت ضميرك يا استاذ امجد...أنا عارفة ان من جواك فيه حاجة كويسة...نقطة بيضة صغيرة فخليها هي اللي تكسب وبلاش تكسر علا اكتر من كده...
شوف هي هيتقدملها بكرة واحد هيجي من السفر مخصوص ايه رايك تروح النهاردة وانا هقولهم انك اصل بتحب علا وهي بتحبك...وانت قولتلي كده عشان كده رفضك..
طيب اكيد هيستغربوا أنا ليه طلبت اقابلك
.متقلقش أنا هقدر أدبر القصة
قالتها وبعدين كملت
رجعت ورا وانا ساكت...كنت حاسس اني قلبي بيتكسر...أنا فعلا حبيت منار واتمنيت انها تبقي مراتي...بس كمان كلام منار فوقني أنا مقدرش اتخلي عن علا عشان كده قولت
هتقدملها النهاردة
بعد ست شهور
كنت واقف جنب علا وانا بحضر فرح منار...رغم الشهور اللي مرت إلا أنها جوازها اثر فيا بشكل سئ...حسيت أن لتاني مرة قلبي بيتكسر للمرة التانية وانا بشوفها لغيري...لسه فيه مشاعر في قلبي ليها...رغم اني اتجوزت علا من سنتين وده بفضل منار اللي عملت المستحيل عشان تقنع أهل علا ...وصحيح كان عندي اختيار اني اطلق علا لكن أنا اختارت اعيش معاها...صحيح في برود ما بيننا نادرا ما بقرب منها علي أمل أن منار تديني اي امل انها حبتني بس للاسف انتهي الحلم بأسوا طريقة..لما اخدها مني واحد واضح جدا أن منار بتحبه....وده كان العقاپ الأسوأ علي الاطلاق...
روحنا البيت راحت علا تنعزل في اوضتها كالعادة بس انا وقفتها
علا..ممكن اتكلم معاكي !
بهدوء راحت ناحية الانتريه وقعدت عليه بهدوءقعدت جمبها ومسكت ايديها وقولت
انا عارف ان بدايتنا كانت غلط...وانا غلطت وانتي كمان يا علي غلطتي
دموعها نزلت وهزت رأسها وقالت
وبندم كل يوم علي الغلط اللي عاملته متعرفش أنا كارهة نفسي قد ايه و
قربتها مني وحضنتها وقولت
خلينا ننسي الماضي...عايز نبقي طبيعين زي اي زوجين...صحيح اللي بيننا مش حب كبير...بس
انا هحترمك وهقدرك والله وعمري ما هزعلك...
بعدت عني فشديت علي ايديها وقولت
ادينا فرصة يمكن ننجح...ارجوكي...
ابتسمت لي وهزت رأسها فحضنتها جامد وانا بفكر أن مش كل الجوازات
لازم تكون أساسها الحب...انا قررت من النهاردة احترم علا واقدرها...قررت أدفن مشاعري لمنار للابد واكون زوج يليق بعلا...يمكن كان عقاپي علي غلطي اني اعشق واحدة مش ليا...بس يمكن في يوم احب علا حب كبير...يمكن
تمت
