اسكريبت بقلم سولييه نصار

نوفيلا ليلى ....
سكريبت بقلم سولييه نصار 
الفصل الاول و الثاني .....
رايحة فين يا ليلي!
رايحة فرح علاء ..
قولتها وانا بحاول امنع دموعي
انتي مچنونة عايزة تروحي فرح جوزك ....مش كفاية وافقتي انه يتجوز عليكي ...ليه عايزة توجعي قلبك بالشكل ده يا بنتي حرام عليكي نفسك ...
بصيت لأختي وقولت
عايزة اشوف مين دي اللي فضلها عليا يا ضحي ...مين دي اللي كان مستعد يتخلي عن مراته وعياله بسببها ...عايزة اشوفها ...عايزة اعرف هي حلوة لدرجة أن علاء يحبها وميحبنيش انا رغم كل اللي عملته عشانه ...ده انا بديت معاه من الصفر ....كنت بشتغل وانا حامل عشان أساعده ويوم ما ربنا يكرمه يرميني الرمية دي !!للدرجادي انا قليلة 

دموع ضحي نزلت وحضنتني جامد ....قعد ابكي جامد ...قلبي كان واجعني اووي ...اللي حبيته اكتر من حياتي وعملت كتير عشانه اول ما وقف علي رجله باعني....انا وعلاء متجوزين من تمن سنين اول ما اتجوزته كان ظروفه علي قده عشان كده اشتغلت معاه عشان اساعد ...كنت بكون حامل وبشتغل....اكون تعبانة واشتغل لحد ما قدر يتثبت في شغله وظروفه بقت احسن ..ساعتها بدا يبعد عني ...غير باسوورد تليفونه ...لحد ما اكتشفت انه بيكلم واحدة تانية ....في يوم صحيت من النوم وملقيتوش جمبي فقومت ادور عليه لقيته في البلكونة بيكلمها بصوت واطي بيقولها كلام عمره ما قالهولي....ساعتها صړخت في وشه ...ساعتها ارتبك شوية وحاول يبرر بس لما قعدت ازعق مد ايده عليا 
..ودي كانت اول مرة يمد ايده عليا ...اشتكيت لأهله عشان انا يتيمة ومليش الا اخ مسافر برة مصر بس حتي امه جات في صفه حمايا الوحيد اللي حاول يساعد بس لان حماتي اللي كانت مسيطرة مقدرش يعمل حاجة ...ساعتها ببرود قرر علاء ..جالي في يوم وقالي في منتهي البرود انه هيتجوز وأن لو حابة اطلق مفيش مشكلة ساعتها ...جاولت افكره باللي عملته عشانه بس هو مسمعش ... ولأني أضعف من اني انفصل واتبهدل عيالي وافقت انه يتجوز...
خرجت من شرودي وقولت بۏجع
لازم اروح يا ضحي
...خليني اروح ....ممكن تخلي بالك من الاولاد لحد ما اجي
براحتك يا ليلي .
لبست كويس وروحت الفرح ...كنت متوترة وموجوعة وعقلي بيعيد اللي عملته عشانه ...قد ايه ضحيت عشانه وهو باع ده كله ...وانا مستحيل اسامحه...
وصلت الفرح اللي كان هايص ولقيته بيرقص مع مراته ...كانت جميلة اووي والفرح كان متكلف وافتكرت الفرح البسيط اللي انا رضيت بيه لاني بحبه ....
قعد علي الكوشة فروحتله
مبروك يا عريس
ليلي ايه جابك هنا !
قالها بإرتباك بس بعدين بقا بارد وقال
مش نبهت عليكي تكوني مع الاولاد
جيت ابارك لجوزي ممنوع ..واشوف العروسة بنت الحسب اللي اخدتك مني
بصتلي مراته وقالت
تصدقي الحق عليا ...هو كان عايز يطلقك بس انا رفضت ...قولت اهو نعتبرك دادة وتربي الاولاد
ده انا اللي هربيكي يا حيلتها
ولسه همسكها من شعرها مسكني علاء وهو بيزعق
اطلعي برة انتي طالق
يتبع
الفصل الثاني .....
علاء
قولتها پصدمة وانا ماسكة خدي ....يااه بعد كل ده للدرجادي عنده كده ...قلبي وجعني 
يالا اتفضلي اطلعي برة ...الست اللي تقلل من احترام جوزها متلزمنيش ...اللي متحترمش الست اللي اتجوزها جوزها ...هي اللي صممت اني مطلقكيش لكن انتي واحدة ناكرة للجميل
بصتله پصدمة وقولت
انا يا علاء ...انا ناكرة للجميل !بعد كل اللي عملته عشانك ...
وانتي عملتي ايه اصلا ده واجبك انك تقفي مع جوزك وبعدين انتي بعد ما انا اترقيت بطلتي تشتغلي وارتاحتي
وانت واجبك متقهرش مراتك
ده شرع ربنا
وشرع ربنا كمان بيقول انك لازم تصرف عليا ومش مجبورة اشتغل